Ụhịrẹyị 10:21 - IWE ỌNỊNỊ

²¹ Aza ọrụrụ-ọrụrụ aa rị aha ịrẹyị ọza ọyịza nị, ama ụra ọnụra ọọ wụ ọ nị.

Ụhịrẹyị 10:21 ပူးပေါင်းရင်းမြစ်များ

Ijoovu 23:12

Ịsa ọnị Ohomorihi ka ọnị saasa a ụmẹ tụra ụmẹ nị. Ọnị sị ụvọ za ẹtẹẹrẹ nị.

Ahẹ Ụgama 37:30

Aza ana aa mẹ ịzẹyịza vị ana aā kà ịrẹyị ịrẹyọyẹ, ịrẹyị ịzẹyịza ẹẹ̄ kà nị.

Ụhịrẹyị 1:29

Ka ẹnịnị ẹ raà vịdị nyị ịhyẹrẹ anị, dị ẹ yị rẹ hí angwa Ẹnẹyịmavara nị.

Ụhịrẹyị 1:31

Ịsa ọnị ụ chire ụ vaa ha nị. Ịrẹyị ẹngụ awụ vee du wụ eyi.

Ụhịrẹyị 1:32

Ụra ọnụra awụ ọ vaa wụ̀ wụ nị. Eyogu ẹngụ awụ e vú ụ ẹtẹ nị.

Ụhịrẹyị 10:11

Ịrẹyị irenu ọnịzẹyịza vị ana rọ ọza ẹngụ, ama ọza odivi vị ana a sị ịrẹyị ẹnyị tụ ịnị ịnẹ ka ọsa.

Ụhịrẹyị 12:18

Ọjanangụ ọyị ka sị mẹ anka a ka ọza ụhwọ avọọ nị ama ịrẹyị irenu ọyẹrẹyị vị ana sị ẹngụ ọza nịya.

Ụhịrẹyị 15:4

Ịrẹyị ana a sị ayị ọza nẹtẹ vị ana a mẹ̀ ẹhẹ rọ ọza ẹngụ ama ireche vi enee du ọza ayị.

Ụhịrẹyị 15:7

Aza ẹ mā kọ ịrẹyọyẹ hụụnị ụvọ ọnụra, ịnị ụvọ aza ana yẹ ịrẹyị aa kọsẹ ịrẹyọyẹ nị.

Ụhịrẹyị 17:16

Sị ẹ vẹ dị ọnụra à sị ẹkẹhị rị ụvọ ka a ná ịrẹyọyẹ yị ọnị, ịrẹma ọnị ọ ka ọnị ẹ yị kọsẹ.

Ụhịrẹyị 5:12

Ịjọnọọ dị ụ kụkụ aa su ụmayịyẹ ka wẹ yị vịdị dọ ịrẹyị ọza tụ ịzọọ.

Ụhịrẹyị 5:2

agụvị wa yẹ ịsa a vọrọ ka wa mẹ̀, dị ịrẹyị irenu awụ ọọ sị zụ ka wa nyị ịrẹyọyẹ.

Ụhịrẹyị 5:23

Ụra ọbanyị ẹngụ ẹnịnị ee vu wa ẹtẹ, dị eyọhụrẹ ẹngụ ẹnịnị aa wụ̀ wa ha nị.

Ụhịrẹyị 6:32

Ọnọrụ ana aa sị ose ọza ọ yị yẹ ịrẹyị. Ẹngụ anị kẹnẹ aa va nẹtẹ nị.

Ịrẹyị Ọzwọzịsa 12:11

Ịrẹyị ana aza ana yẹ ịrẹyị kà vị ana sị mẹẹ anka ọchị ọnị oseratẹmẹ nịnị aa sị zụ atẹmẹ nịnị oze, dị ụhịrẹyị ana aa tọ̀ọ vabẹ aanị sị mẹ̀ ẹ anka iso ana a kanyị hi ịsa ẹtẹẹtẹrẹ avọọ nị. Ohomorihi ọ sị wa yị nị. Ọnị ịnyara ọ vị oseratẹmẹ avaba ayị nị.

Ayịsaya 5:13

A vaa kụ́ wụ nịnị ọrịhị nọ aha ọsa agụvị ka ọnụra ụ vị nịnị nị. Aza ọ̀kà-ọ̀kà awụ nịnị vị ọnị ụngwẹ vaa wụụ ha. Di enyi kụ̀ aza ana vọ pooro, di e sú va ha.

Ijeremaya 15:16

Ọ kà, ọnị ộ wụ avaba ịrẹyị ẹnẹ Ẹnẹyịmavara kà yị ọnị. Ẹnẹyịmavara Ohomorihi Ochẹtẹẹngụ, awụ ọnị vị nọ, agụvị avọọ, ịrẹyị awụ ọ mẹ ka ayị anị oo hine dị ọnị ọọ jẹ ịrajẹ nị.

Ijeremaya 3:15

Ọ kà ọnị vaa sị ẹngụ ọza ana vaa wụ́ chire ọnịị yị wụ nịnị ene vee sere wụ nịnị anka oseratẹmẹ avọọ. Ọza ọnọọ vaa sị ịrẹyọyẹẹ pá wụ nịnị.

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Imatiwu 12:35

Ịsa ọyịza ana yà ịnị ayị ọza ọyịza, ọọ̄ mẹ̀ ka ọọ mẹ̀ ebira ozoza nị. Ịsa odivi ana yà ịnị ayị ọza odivi, ọọ̄ mẹ̀ ka ọọ mẹ̀ ebira odivi nị.

Imatiwu 13:19

Ọza ọ̀ọ wụ́ ịrẹyị ịjọva Ohomorihi dị ọ̀ yị yẹ ịsị ọ wụ́ nị, di Echu vẹ, dị ọ va sị ịsa enee mi tụ́ ịnị ayị hụụ ịzọọ. Ọza ọnọọ vị ana yà anka ihu enee mi tụ́ ụtọ oze avọọ.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

1Ipita 5:2

Aarịhịnị, waa tẹsị aza Ohomorihi oni Ohomorihi si chire wu nịnị ụvọ ka wa sị eyi pe! Asị u ti, àa vavọọ aa mẹ nịnị; ama waa mẹẹ anka ịsị ẹ hụụnị ayị ọza vẹ, anka Ohomorihi me sì ọ. Asị ụ hụ̀ agụvị ẹkẹhị kẹnẹ mẹẹ nịnị; ama waa mẹẹ, agụvị ka ẹwụ nịnị ụvọta ee sì ka wa mẹẹ nịnị nị.