Ụhịrẹyị 10:12 - IWE ỌNỊNỊ

¹² Ayamụkụ vị ana tụ ịrẹyị ụka ama oyisì vị ana sị ọza eyi hụụnị ịrẹyị.

Ụhịrẹyị 10:12 ပူးပေါင်းရင်းမြစ်များ

Ụhịrẹyị 15:18

Ọnọyịkụ vị anaā kụ́ ahankata hi ẹtẹ ama ọza ọnị ayị anị nẹtẹ oo ji ịrazị nị.

Ụhịrẹyị 16:27

Aza ọhịmị vị eneē si oze oyi du ọza; ịrẹyị irenu ẹnịnị rị ọza anka ịra avọọ nị.

Ụhịrẹyị 17:9

Ọza anaā vagu ọza ana mẹ̀ ẹ ịrẹyị vị anaā mẹ ka aza ee sì ịrẹyị ẹngụ, ama ọza anaā vàa tụra ịrẹyị pooro kẹnẹ vị anaā dụ aza hụrị ẹngụ.

Ụhịrẹyị 28:25

Ọnọhọha vị anaa kụ ịrẹyị hi ẹtẹ ama ọza ana sị ayị tụra Ẹnẹyịmavara vị ọnị o vee zee yị.

Ụhịrẹyị 29:22

Ọnọyịkụ vị anaā kụ ịrazị ọnịrị ebira odivi irenyi-irenyi hi ẹtẹ.

Ụhịrẹyị 30:33

Anka ịrẹva ana a kama mẹẹ̄ nyị angwẹ, aa pịrị ọza aahị baaba vị aa jịra, avọọ ọza yị yara ee si ọza ịrẹyị ọ vara ịrazị nị.

Ijemiisi 4:1

Sị ẹẹ̄ kụ́ ịrẹkụụ vẹ, sị ẹẹ̄ mẹ ka waa zyaazị nịnị? Iruvo ịrazị awụ nịnị ọ vị ka ayị awụ nịnị ọ yị nẹtẹ agụvị oyisì odivi ẹngụ awụ nịnị.

Ijemiisi 5:20

yẹ ka ọza ana mẹ ka ọnịvị ọ̀ và hụụnị oze oni o zi nyeeyi, ọ vaa dọ ọ há hụụnị isu. Ọ rẹ vaa mẹ ka Ohomorihi ọ̀ vagu ịvị ọrụrụ-ọrụrụ.

1Ipita 4:8

Ịsị e hu keekere yị: Wee sì ịrẹyị ẹngụ nịnị pooro, agụvị ka wèe sì ịrẹyị ẹngụ nịnị, ọ vaa mẹ ka à vagu ịvị ọrụrụ-ọrụrụ.