Ụhịrẹyị 1:7 - IWE ỌNỊNỊ

⁷ Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Ụhịrẹyị 1:7 ပူးပေါင်းရင်းမြစ်များ

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ụhịrẹyị 1:22

Ẹwụ nịnị ọnụra tee! ịzị ụ vaa mẹ ụra nee tu nịnị? Ịhị eyi awụ nịnị vee hweyi? Ịzị ụ vaa ka ọsọọsa nee tụ nịnị?

Ụhịrẹyị 15:32

Ọza eneē yi ka ọnị ẹ mā kọsẹ vị anaā mẹ ẹngụ anị ọnya, ama ọza anaā dọ ka àa tụ ọnị ohuvọ vị anaā yẹ́ ịrẹyị hu avọọ.

Ụhịrẹyị 15:33

Ọza ọ̀ọ hí angwa Ẹnẹyịmavara vị a kọsẹ ịrẹyọyẹ nị. Ọza ana ka ẹngụ anị chi vị ana aā sị ụbanyị yị.

Ụhịrẹyị 15:5

Ọnụra kẹnẹ ọọ sị eyi wụ́ ịrẹyị ada anị nị, ama ọza ana yẹ ịrẹyị vị ana a dọ ịrẹyị ada anị wụ.

Ụhịrẹyị 18:2

Ọnụra e mē si ka ọnị ọ yẹ ịsị a na ịnị ịrẹyị, aanị kẹnẹ ọ vị ka ọnị ò tụ́ ohi anị nị.

Ụhịrẹyị 2:5

Ịjọnọọ ụ́ vaa yẹ Ẹnẹyịmavara dị wee hí angwa anị nị.

Ụhịrẹyị 23:9

Asị ụ ka ịrẹyị yị ọnụra agụvị ka eyi anị e yi hweyi tu ịrẹyị ọnị waa ka.

Ụhịrẹyị 9:10

Angwa Ẹnẹyịmavara ọyị nyị ọ vị ahụ ịrẹyọyẹ ịpaapa ọnị ọzaa hu nị. Ọza ọ̀ọ yẹ Ohomorihi ọnịnị eyi anị vị enee hweyi.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Aniroomi 1:28

Aza ê yi, ẹ ka eni ee sì ka ẹnị ẹ̀ yẹ Ohomorihi. Agụvị avọọ, di Ohomorihi navọ wa ka èe ro ịrẹyị kẹnẹ-kẹnẹ, dị ẹẹ mẹ̀ ịsa ẹnẹ ẹ̀ yị vọrọ nị.

Iwe Ọhụhị Imosiisi ana aa hị́ Ọyịvatụrọda 4:6

Ẹnịnị mẹmẹ sị ịzẹyịza saasa a ọ̀ vaa sị zụ anẹkụra ana vọ ka ẹnịnị ẹ yẹ ịrẹyị nị. Anẹkụra ẹnẹnị ẹ̀ wụ́ ịrẹyị ọda, dị ẹ yaa ga wa ka ẹ̀ nyị ịrẹyọyẹ ẹnẹmẹhị.