Ụhịrẹyị 1:28 - IWE ỌNỊNỊ

²⁸ Ịrẹyọyẹ kà, ẹ́ vaa hị́ ọnị ịnị ụmẹ ọnọọ, dị ọnị e yi tu wa ohi. Ẹ vaa sị avaba ẹngụ-ẹngụ si ọnị, di e yi re ọnị.

Ụhịrẹyị 1:28 ပူးပေါင်းရင်းမြစ်များ

Oyinyima 6:3

Di Ẹnẹyịmavara Ohomorihi va ka, “Mẹ yị vaa zẹẹ ka ọza ọ̀ ra ịnị ẹhẹ pooro zịna-zịna, agụvị ka òo si oo yị vi ee su nị. Ịrayị ẹchịhịnọnyị (120) kẹnẹ mị vaa zẹẹ ka ọ̀ ra ẹhẹ vị nị.”

Ijoovu 27:9

Ohomorihi wáá vaa wụ́ owu ẹnịnị, ịjị ẹngụkata ọ̀ọ ka wa vẹ, dị ẹyaa da ịpẹ ka à gụ ẹnị ụvọ nị?

Ijoovu 35:12

Ẹnịnị vaa jị òrèrè ka à va gụ ẹnị ụvọ, ama Ohomorihi e yi tụ́ ohi, agụvị ka ẹ yaa sị ẹngụụ tụ ẹba, dị ẹ rẹ yaa mẹ̀ ebira odivi nị.

Ahẹ Ụgama 18:41

E yee nowu, ama e yi re ọza ba wa owu Ê nowu na za Ẹnẹyịmavara ama o yi tụ́ wa ohi.

Ahẹ Ụgama 18:42

Mâ pa ịva yị wa ana ahịka vị ẹ kụkụ sị mẹ anka ezi ana ahị aa kụ́ụ zị avọọ nị. Dị mị kụkụ aa kụ́ ahụụ hi wa anka a mẹ̀ẹ zị ụsẹ ini eteesu nị.

Ahẹ Ụgama 66:18

Màa zẹẹ ka ma sị ebira odivi tụ́ ịnị ayị amị, Ẹnẹyịmavara ọ yị yaanị wụ́ aduwa amị.

Ụhịrẹyị 15:29

Ẹnẹyịmavara wụ́ aduwa aza ọyịza, ama aza edivi vị ọnị ọọ̄ sị eyi jịnẹ.

Ụhịrẹyị 8:17

Ộ ka ọnị o sì ịrẹyị aza ene sì ịrẹyị anị; aza ene si ọnị obooro vee ré ọnị.

Ahẹ Isoromọnị 5:6

Mâ na oze yị ọza ọnị mị maanị sì ịrẹyị anị, ama ó si hu. Aayẹ ma wụ̀ ka aa kà ịrẹyị. Mê sì ọ zịịzị, ama mé yi ré e. Mâ hị́ ọ, ama é yi tụ́ ohi.

Ayịsaya 1:15

Wàa kụkụ kụ́ ụvọ hi ẹba dị waa mẹ̀ aduwa nịnị nị, di mi jesi eyi kwooze. Òo zee e eyi wa mẹ̀ aduwa nịnị pooro, me yi vee tụ́ ohi, agụvị ka wa sị aza wụ̀ ha baaba.

Ijeremaya 11:11

Ẹnẹyịmavara kà agụvị avọọ, ọnị vee vu wa ẹtẹ ọnị ẹnịnị ẹ yị vaa ha hụụnị anị. Ẹnịnị ẹẹ nowu ka ọnị ọ gụ ẹnị ụvọ, ọnị e yi vee tụ́ ohi.

Ijeremaya 14:12

Ka, ẹnịnị ẹ̀ẹ daka ba awẹ, ọnị ẹ yị vaa wụ́ orere ẹnị ẹyaa jị ka à va gụ ẹnị ụvọ avọọ. Ẹnịnị ẹ̀ẹ daka mẹ̀ ịsọvọ dị a rị ọ ịra yị ọnị nị, dị ẹ́ sị ịsa ọnị irenuu rị va mẹ̀ ịsọvọ yị ọnị nị, ayị anị ẹ yị vee hine tu wa. Ọ kà, eyi ịrẹkụ ọnị va naa wụ̀ wa ha nị. Dị ọnị rẹ sị ụngwẹ ọnịrị ụkụ wụ̀ wa va ha.

Ezikẹẹrị 8:18

Avọọ, ọnị vaa sị ọyịkụ anịị zụ wa ẹtẹẹtẹrẹ. Ọnị ẹ́ yị vaa sị eyi kwooze yị wa, ọnị ẹ́ yị vaa vayị ẹnịnị. Ẹnịnị vaa mẹ̀ aduwa, dị eyee nowu boro-boro, ama ọnị ẹ́ yị vee tu wa ohi.

Ihoseya 5:15

Ọnị ộ vavọọ sị wa mẹ, dị ọnị va nọ aha anị na ya. Ẹ vị ịjị e ro ịnẹ, di e si ọnị ka ọnị ọ gụ ẹnị ụvọ. Obobooro ọnị akanya ọ̀ọ vẹ, e vee si ọnị.

Ihoseya 5:6

Ẹnịnị ẹ̀ẹ sị atẹmẹ ọnịrị ụnọ va mẹ̀ ịsọvọ yị ọnị, ọnị ẹ yị dọ wa agụvị ka ọnị ọ sị ayị hụụnị ịrẹyị ẹnịnị. Ẹnịnị ẹ yị kụkụ vee re eyi ọyịza anị.

Emọsị 8:12

Dị aza ee zwe woowo vaa chi, vaa hịrẹ, dị e yee si ịzị ẹ vaa wú ịrẹyị anị. Ama ẹnịnị e yị vee re e.

Imika 3:4

Ẹkụhị ọnya u vee nowu ka Ẹnẹyịmavara ọ̀ ba wụ owu di o yi tụ́ ohi. Ụ́ màa mẹ̀ ebira odivi nịnị aanị, ụ vaa dá ịpẹẹ yọ di o yi tụ́ wu nịnị ohi.

Ịzakaraya 7:13

Ẹnẹyịmavara Ochẹtẹẹngụ kà ọnị ộ hị́ wa, ẹnịnị ệ wụ́. Agụvị avọọ ẹnị ẹ rẹ hị́ ọnị, ọnị ẹ yị rẹ vaa wụ́ wa.

Iwe Ọhụhị Imosiisi ana aa hị́ Ọyịvatụrọda 1:45

Ịjị ẹ vaa vẹ, dị e vee sụ ùnè hi Ẹnẹyịmavara ẹngụ. Ama o yị tụ wa ohi.

Ijemiisi 4:3

Wàa hyakụ da ịpẹ, ọ yị sị, agụvị ka wẹ yị da ịpẹ a mẹ̀ vọrọ nịnị; agụvị ka ịsa ene zé ẹwụ ịnyara eyi nịnị kẹnẹ u wee sì nịnị nị.

1 Ịsamụwẹrị 8:18

Ịjị ụmẹ òo si tù dị ọ vavọọ aa mẹ wụ nịnị nị, u vee nowu ka ma dọ wụ nịnị tụ́ hụụnị ụvọ ohinọyị awụ nịnị, ẹmị Ẹnẹyịmavara me yi vee tụ́ wu nịnị ohi.”