Ụhịrẹyị 1:22 - IWE ỌNỊNỊ

²² Ẹwụ nịnị ọnụra tee! ịzị ụ vaa mẹ ụra nee tu nịnị? Ịhị eyi awụ nịnị vee hweyi? Ịzị ụ vaa ka ọsọọsa nee tụ nịnị?

Ụhịrẹyị 1:22 ပူးပေါင်းရင်းမြစ်များ

Ijoovu 34:7

Wáá maanị re ọza anka Ijoovu ọnọnị da? Ẹ yị sị ụbanyị yị Ohomorihi vụrụ-vụrụ.

Ahẹ Ụgama 1:1

Ịrajẹ ọ vị yị ọza ẹnị ẹ̀ yị mā dọ ịrẹyị aza edivi mẹ̀ ụkọrọ. Ẹngụ ọza ọnọọ ẹ̀ yị mā bẹ ụvọ tụ́ ịnị ebira ana aza edivi aa mẹ̀, dị ọ̀ yị mē re pè aza ana aa sị eyii wụ̀ Ohomorihi zị ogu nị.

Ahẹ Ụgama 94:8

Ẹwụ nịnị ọnụra ẹnẹ ẹ̀ yị yẹ ịrẹyị ene hi ịnị akakana aza ẹnẹẹ, na sị mẹ hẹẹ nịnị. Ye re ụmẹ ẹnị ẹwụ nịnị vaa sị yẹ ịrẹyị aanị?

Ọyịkụra 10:3

Di Imosiisi ọnịrị Eerọnị ne tù Ihwarawo dị ẹ ka Ẹnẹyịmavara ana vị Ohomorihi Anihiburu ka ộ yị va dọ ka ọnị aa ká ẹngụ anịị chi yị ọnị ọgọnị? Di Imosiisi nịnị ka Ẹnẹyịmavara kà ọ̀ hụrẹ aza anị ụvọ dị ẹ na, dị ẹ̀ na hẹkẹ ọnị.

Ọyịkụra 16:28

Dị Ẹnẹyịmavara va hị́ Imosiisi dị ọ ka, “Aanị ka aanị ụ mẹ̀ vaa mẹ akamawụ nịnị pooro di ụ wẹ yị jẹẹ pè ọda amị ọnịrị ịrẹyị ọnị mị kà wụ nịnị nị?

Ụhịrẹyị 1:21

Avọọ ọ ma nọ ịnị ohu ọnịrị ịnị orere ka aza ẹ vaa wụ́ ịrẹyị.

Ụhịrẹyị 1:29

Ka ẹnịnị ẹ raà vịdị nyị ịhyẹrẹ anị, dị ẹ yị rẹ hí angwa Ẹnẹyịmavara nị.

Ụhịrẹyị 1:32

Ụra ọnụra awụ ọ vaa wụ̀ wụ nị. Eyogu ẹngụ awụ e vú ụ ẹtẹ nị.

Ụhịrẹyị 1:4

Ọnị ọọ̄ si eyi obeduu hweyi nị, dị ọ mẹ̀ ka ezweyi ẹ yẹ ịsa, dị ẹ yẹ ịrẹyị.

Ụhịrẹyị 1:7

Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Ụhịrẹyị 14:6

Ọza anaa sị avaba ịrẹyị mẹ̀ isiya ọ mā yẹ ịrẹyị ama ọza ana yẹ ịrẹyị ọọ kọsẹ nị.

Ụhịrẹyị 15:12

Ọza anaā sịị eyi wụ̀ ọza ọ̀ mā dọ ka a tụ ọnị ohuvọ, ọ yị ma rẹ họ̀ use ajuwe hụụnị ụvọ ọza ana yẹ ịrẹyị.

Ụhịrẹyị 19:29

Ụya vi ene tenyi tịtẹ ee zi ọza anaa sị ịrẹyị Ohomorihi mẹ̀ isiya. Ọnụra vi enee tu ịjapa ịnị ịrẹma.

Ụhịrẹyị 21:11

Ịjị Ẹnẹyịmavara ọ sị ụya rị ọza anaa sị ịrẹyị mẹ enyinyi, ọnụra vaa kọsẹ Ịrẹyọyẹ. Ọnịrẹyọyẹ vana kọsẹ hụụnị ịrẹyị ana sị zụ ọ.

Ụhịrẹyị 21:24

Ọza anaa sị ẹngụ tụ ẹba vene wu, dị aa mẹ̀ ọjịnọka.

Ụhịrẹyị 22:3

Ọza ana yẹ ịrẹyị oo re ezigi dị ọ yẹ̀ yị ọ, ama ọnụra vị ana na gẹrị ọ dị ọ vaa sị ụmayịyẹ.

Ụhịrẹyị 3:34

Ẹnẹyịmavara vị eneē nyị onisiya nịnị unyi, ama ọọ̄ vayị ọza tụra ọza ana sị ịrẹsụ nọ ẹtẹ yị ọ.

Ụhịrẹyị 5:12

Ịjọnọọ dị ụ kụkụ aa su ụmayịyẹ ka wẹ yị vịdị dọ ịrẹyị ọza tụ ịzọọ.

Ụhịrẹyị 6:9

Onuworo, ụ́ụ́ sụ ara pooro kẹnẹ nị? Yere ụmẹ ọnị ụ vaa ha hụụnị ara?

Ụhịrẹyị 7:7

Ô re ọmụha ọnya ịnị akakana ẹnịnị ana vọ ana mẹ ụra.

Ụhịrẹyị 8:5

Aza ẹnẹ ẹẹ yị vịra ẹ kọsẹ dị ẹ mẹ̀ ebira ụvịra; dị ọnụra nịnị ẹ kọsẹ ịrẹyọyẹ.

Ijeremaya 13:27

Ó ree re wụ ụ maa mẹ̀ ịsa anaā nyị ọ ịhyẹrẹ nịnị. Oo re wụ ụ maa hẹkẹ ori nịnị ngụ ịnị ataba ọnịrị ịnị aarẹ zịịzị. Ụ sị mẹ nịnị anka ọnọrụ enee sì ose ọnọhụva anị avọọ nị, avị umaata araka anaa dụ ọnẹẹ zị. Ẹwụ nịnị Anijerusarẹmị, wa sị da nịnị. Ịhị ụ vaa hụụnị ẹvahụra ọ yị mẹ nịnị da?

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ịrịka 14:27

Ụpẹ ịrịka ya aza edivi ẹnịnị va sị rị uhuhu hi ọnị kẹ? Ụtọ anị o si hi yị ịrẹka ọnị ẹ yaa kụ́ ku ọnị.

Imatiwu 17:17

Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị anụmẹ ọnọnị ẹ̀ yị dọ wụ́, dị ụ maanị nyeeyi nịnị aanị? Ịzị mị vaa yàa pe wu nịnị nee tù? Ịzị mị vaa sị ẹngụụ dọ ịrẹyị awụ nịnị nee tù? Sị ọọ ve tù mi ịzẹnị!”

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Imatiwu 9:13

Ama na nịnị, di u we ne sì uruvo ịsa ọnị ịrẹyị ọnọnị kà nịnị ka: ‘Me yi sì ịsọvọ, àyị vị ayamva.’ Agụvị ka mẹ yị vẹ ka ma hị́ ọnịrẹyịzẹyịza, àyị vị ka ọnịvị nịnị è ro ịnẹ varẹma nị.”

Iruuku 19:42

Dị ọ ka, “Àa yẹ wa hyakụ yẹ ajịnị ịsa ana zụ sị ẹngwọọrọ yị wụ! Ama we yi zụ re e nịnị booro aanị.

Ịjọọnụ 3:20

Ọza anaā mẹ̀ ịsa odivi, o mē sì ịrẹyị ẹtohweyi, ọ mā rẹ vẹ ịnị anị, agụvị ka e ve re ịsa odivi ana aa mẹ.

2Ipita 3:3

Ịsị mee sì ka wa yẹ hu nịnị yị: Ịnị ụmẹ ọdịrẹma, aza vaa kwẹẹtẹ, ana ahịka ịsa edivi ọchẹngụ ẹnịnị kẹnẹ ẹyaa mẹ nị. Dị ẹyaa mẹ wụ nịnị isiya,

Ẹtore 22:17

Ụhwẹ Ohomorihi ọnịrị ose Ozi Atẹmẹ ọnọọ ka: wa vẹ! Ọza ana àa wụ́ ịrẹyị ẹnẹnị, ọ̀ kà a ka: Wa vẹ! Ọza ene enyi àa kụ̀, ọ̀ vẹ! Ọza ene èe sì, ọ̀ va dọ enyi anaā mẹ ka ọza ọ̀ yàra pooro zịna-zịna, di ò hú ọọ ọọhẹ!