17 Ọpa ọnị ọza re o mē che e.
Ẹnịnị e yi si Ohomorihi ana sị ịrẹyọyẹ yị, dị ọ mẹ ka ya yẹ ịrẹyị hu ịsụpa ọnịrị inomi nịnị.
Ẹngụ vị anaā hụ ọyị mẹ̀ ebira odivi. Eyiha-eyiha ẹẹ̄ sị dọ ọza ụhwẹ nị.
Ama anako nịnị vi ene vee su usu ụkọrọ ụvọ ẹnịnị. Ebira odivi ẹnịnị vị anaa vụ ụhị tu wa.
Ọ sị mẹ anka inomi ene hira na ngụ ịrẹpa anaa va zị ọ ịnị ịrẹngwẹ anị nị. Ịjị ịsa sụ ọ kẹnẹ ọ va yẹ ka eyi usu anị ọ sị nị.
Ọ rẹ ka ọkọnị imaaru ệ yẹ ọza ana nyị wa, dị ịkẹrịkẹtẹ ẹnị rẹ yẹ ịzị ẹ yàa rị ịsa nị. Ama Anisirẹrị nịnị ẹ yị vavọọ yẹ ịrẹyị. Ẹ yị nyị ịsị ẹ yẹ vụrụ-vụrụ.
Inomi ana aā hị́ anẹ nịnị ẹẹ yẹ ụmẹ ẹnị ẹ sịị vaavẹ eehi, Arivadi nịnị, aara nịnị ọnịrị atuporogo nịnị ẹẹ yẹ ụmẹ ẹnị sịị kụ̀ra. Ama, ẹwụ nịnị aza anị, ẹ yị yẹ ọda Ohomorihi awụ nịnị.
