Oyinyima 9:6 - IWE ỌNỊNỊ

⁶ Ọ rẹ ka Inowa ọ yẹ ka ọnị Ohomorihi vị ana mẹ ọza vene ẹngụ anị. Agụvị avọọ ọza ọ̀ọ wụ̀ ọza, vị a raa wụ ọnị ẹkẹhị anị nị.

Oyinyima 9:6 ပူးပေါင်းရင်းမြစ်များ

Oyinyima 4:14

Ọ kà ọ sị ọnị dụ hụụnị ẹtẹ ọnọnị, ọ sị ọnị dụ hụụ ịda anị, di ahịka vị ọnị kụkụ aa ngụ ẹhẹẹ zị doodo nị. Ọza ene èe re ọnị kẹnẹ, vị aa wụ ọnị nọ.”

Oyinyima 42:22

Di Irubẹnị ve tụ́ wa ohi dị ọ ka, “Aanị ka ọnị ọ yị kà a ka asị ẹnị mẹ̀ ebira odivi hi ozi ọnọọ ịhị ọnọọ di è yi tụ́ ohi. Dị ọ ka éē re ka vi Ohomorihi aa họ̀ ẹnị oponu anị aanị nị.

Oyinyima 5:1

Ọsọnị ọ vị ịtọpa ezi Adamị nị. Ịjị Ohomorihi mẹ aza, ọ mẹ wa vene ẹngụ anị nị.

2 Ịsamụwẹrị 4:11

Ẹwụ nịnị aza edivi ẹ va ngụ ini eehi ne tù aza ẹnẹ ẹ̀ yị nyị ịsị ẹ mẹ̀ wa wụ̀ ọ tụ́ ịnị ịbẹẹdị anị nịnị. Maa họ̀ wụ nịnị oponu anị, dị mị mụ̀ nịnị hụụnị ẹhẹ.”

1 Ohinọyị 2:9

Ama wẹ yị vaa zẹẹ ka ịsị ọ mẹ avọọ, ọ̀ sị rị kẹnẹ. Mâ yẹ ka wâ yẹ ịrẹyị para avọọ hu, wâ yẹ ịsị a vọrọ ka wa mẹ̀ ẹ. Re ka waa wụ ọ.”

2 Ohinọyị 11:1

 nyị ọnẹẹ ọnya ana aā hị́ Atarịya. Ọnị ọ vị ọnyị Ahaziya nị. Ịjị o re ka a sị ozi anị wụ, dị o tenyi ẹngụ ka ọnị aà wụ̀ avaba aza ohinọyị ana vọ nị.

2 Ohinọyị 11:16

Ẹnịnị ệ za Atarịya, dị ẹ sị ọ nọ ini irehi ohinọyị nị. Ê tù oze ọbanyị ana aā hị́ oze umaata, dị ẹ wụ̀ ọ ịzọọ nị.

2 Ohinọyị 11:20

Avaba aza vị ana nyayịnẹ aa jẹ, dị ẹkụra kụkụ tịtẹ sii nị, á mẹ̀ sị Atarịya wụ ịnị irehi ohinọyị aanị.

2 Ịtọpa 33:24

Ọdọvịdị Amọnị nịnị ê geeyi anị, dị ẹ wụ̀ ọ tụ́ ịnị eehi anị nị.

Ahẹ Ụgama 51:4

Ohomorihi, ẹwụ nya chọ̀chọ̀chọ̀ kẹnẹ m maanị rị ịvị anị nị Ẹwụ m maanị mẹ̀ ebira odivi hi nị Ịrẹyị ọnị ụ kà ọnịrị ọkarẹyị ọnị ụ mẹ vị ana vọrọ.

Ọyịkụra 20:13

Wẹ yị nyayịnẹ wụ̀ ọza.

Ụhịrẹyị 28:17

Ayị ọza ana wụ̀ ọza ọ yị vaa nẹtẹ, ọ vaa doodo zị pooro dị o su nị. Asị a nyị ọza ana gụ ọ ụvọ.

Ịrẹyị Ọzwọzịsa 3:3

Aa nyị ụmẹ ana a sịị wụ̀ ọza, dị a nyị ụmẹ ana a sịị mẹ ọza ụkụ nị. Aa nyị ụmẹ ene e sii wú irehi hi ẹtẹ, dị a nyị ụmẹ ana a sịị tenyi ọ tụra nị.

Ireevi 17:4

àa vị ka ẹ́ yị vị ọ sị ọ vẹ enoze ajẹngụ Ẹnẹyịmavara dị ọ sị va mẹ ịsọvọọ yị ọ, ọza ọnọọ ọ sị ịvị rị ka ộ jị ịsa hi ẹtẹ. Vị ọ jị ịsa avọọ nị; ọza ma vana kụkụ ro ọza ọnọọ vaka aza Ohomorihi.

Ireevi 24:17

Ọza ana àa wụ̀ ọza, vị ana á vaa wụ̀.

Ịrịka 35:16

Ọza tụra ọza anaa sị enyusẹ nya ọza di o su nị, ọ wụ́ ọza avọọ nị. Ọnị vị ana vọrọ ka a rẹ wụ́ chire e.

Ịrịka 35:25

Dị ịragụ dọ ọza ene nyeeyi wụ̀ ọza aanị tụ́, dị aa sị ọ na tụ́ ẹkụra aha ọyị tẹ̀. Dị ọ ya ịzọọ pooro ne tụ́ ụmẹ ọnị ohirẹsụ ọbanyị irehi Ohomorihi ohirẹsụ o sú.

Ịrịka 35:33

Ọza anaa vavọọ mẹ, o reè du ẹtẹ. Ọza ana wụ́ ọza vị ene du ẹtẹ. Ẹtẹ ọ yị zụ nị, ẹ́yị vị aa rẹ wụ́ ọnị.

Imatiwu 26:52

Dị Ijeesu kà a yị ọza ọnọọ ka, “Sị ụhwọ awụ varẹma tụ́ aha anị, agụvị ka ọza ana àa tụ̀ ụhwọ, ụhwọ a vaa sị wụ ọọ nị.

Aniroomi 13:4

Ọza ana nyị ọda vị ozi ahụ Ohomorihi, ụkọrọ ozoza aa mẹẹ yị wụ nịnị nị. Wàa mẹ̀ ịsa odivi, wee hí angwa anị, agụvị ka ụkata ọnọọ nyị, ọyị vị kẹnẹ-kẹnẹ, ozi ahụ Ohomorihi ọ vị nị. Ọza ana àa mẹ̀ ịsa odivi, vị aa sị ọyịkụ Ohomorihi zụ̀ ọọ nị.

1 Anịkọrịntị 11:7

Ama ayị vọrọ ka ọnọrụ ọ̀ sị ịsa kú ịrẹsụ anị, agụvị ka ọnọrụ vị ene véné Ohomorihi, dị ọ raa sịị zụ̀, Óhomorihi mẹmẹ nyị ụbanyị. Ama ọnẹẹ ọnị vị ana aa sịị zụ̀, ọ́va anị mẹmẹ nyị ụbanyị.

Iwe Ọhụhị Imosiisi ana aa hị́ Ọyịvatụrọda 19:11

Ama ọza ọ̀ọ yẹ wụ̀ ọnịvị anị, di o zwe na tẹ̀ ịnị ọnya ịnị ẹkụra ẹnẹẹ nị,

Iwe Ọhụhị Imosiisi ana aa hị́ Ọyịvatụrọda 5:17

Wẹ yị nyayịnẹ wụ̀ ọza

Ijemiisi 3:9

Ịrarẹ ị sịị̄ ga Ohomorihi Ananyị yị ana vị Ada ayị nị. Ọnị ị rẹ sịị̄ tụ́ ozirenuu hi aza ọnị Ohomorihi mẹ véné ẹngụ anị nị.

Ẹtore 13:10

Aza ana àa sị kà ka vaa vaa za nị, vị a vaa za wa nị. Aza ana àa sị ụ̀hwọ̀ wụ̀ ọza, ụhwọ a rẹ vaa sị wụ ọnị nị. Ọsọnị ọ́ọ dọ ka aza Ohomorihi ẹ̀ sị ẹngụ dọ ọ, dị ẹ̀ yị sị ayị tụra Ohomorihi.

Ọdọvịdị 9:56

Avọọ Ohomorihi mẹmẹ si Abimẹrẹkị atọ ebira odivi ọnị ọ sị wụ̀ ezi ada anị ẹtarẹwụ ha nị.

1 Ịsamụwẹrị 15:33

Dị Ịsamụwẹrị kà a yị Agagị dị ọ ka, “Wa raà wụ̀ aza, wa sị ọnyị ẹnịnị vara ọbọrị. Avọọ ọnyị ẹwụ ọnị mẹ rẹ kụkụ vaa vara ọbọrị ịnị anyẹnẹẹ nị.” Dị Ịsamụwẹrị wụ Agagị ọvịdị Ẹnẹyịmavara Igirigari nị.