Oyinyima 8:1 - IWE ỌNỊNỊ

¹ Ohomorihi ọ tị tamayị ka Inowa ọnịrị avaba úye hi ịnị ẹpa ọnọọ. Di Ohomorihi mẹ ka ahị ọ̀ tụ́, di enyi ọnọọ aa hụ́ nị.

Oyinyima 8:1 ပူးပေါင်းရင်းမြစ်များ

Oyinyima 19:29

Ohomorihi mẹ̀ vavọọ vu ẹkụra ini ozi ọnọọ ẹtẹ, Ohomorihi ộ tamayị Abụrahamị, dị ọ dọ Ịrọọtị tụ́ nị.

Oyinyima 30:22

Di Ohomorihi va tamayị Irechẹrị nị. Ohomorihi ộ wụ́ aduwa anị dị ọ mẹ ka ọ̀ zụ ma ozi nị.

Oyinyima 9:10

Ọ kà ọnị ọ sị avaba ịsị ẹ nyị ụhwẹ, inomi nịnị, ịsụpa eehi, ọnịrị avaba uye ịnị avị tụ́ ịnị ịrẹyị ọnọọ ọ kà a ka avaba ịsị ọnịrị Inowa jịnẹ hụụnị ẹpa ọnọọ vẹ yà ịnị anị beri ụnanka ose ẹnẹẹ.”

Inehemaya 13:14

Mâ da ịpẹ yị Ohomorihi amị ka ọ̀ navọ ọ̀ tama ayị amị agụvị ịsa ọnọnị, dị asị ọ kụ ịsị mị sị ịzẹyịza mẹ yị irehi Ohomorihi amị ọnịrị ahẹkẹ ana aa mẹ ịnị anị aanị kwooze.

Inehemaya 13:22

Dị mị mẹ ọda yị Anireevi ka ẹ sị ụvọ za ẹngụ ẹnịnị, di e si eyi pe oze ọbanyị ẹkụra agụvị à sị ẹkụhị ụhwọtụ tịtẹ yị Ohomorihi nị.

Inehemaya 13:29

Ẹwụ Ohomorihi amị, tama ayị aza ẹnẹnị mẹmẹ jịnẹ ọda ụkọrọ ohirẹsụ irehi Ohomorihi beri oto oni u wo yi ohirẹsụ irehi Ohomorihi ọnịrị Anireevi nịnị.

Inehemaya 13:31

Mâ mẹ eto ọkụ ene e ve sii hù ịsa ịsọvọ ịnị ụmẹ ana vọrọ, dị mị kà a yị aza ka ẹẹ sị ịsa ịpaapa ịnị aarẹ ẹnịnịị vẹ nị. Ẹwụ Ohomorihi amị, tama ayị amị dị ụ wa mẹ ọyịza yị mị o.

Ijoovu 12:15

Ohomorihi òo ka enyi jẹẹ dị ọyọjị vẹ, ọ̀ọ hụrẹ enyi ụvọ dị ọhaara vẹ.

Ijoovu 14:13

Ijoovu ka aa yẹ Ohomorihi ọ sị ọnị na tẹ̀ ịdaneku, ịjị ayị anị ọ sị nẹtẹ, dị ọ vaa tamayị anị.

Ahẹ Ụgama 105:42

Ohomorihi ộ vavọọ mẹ agụvị ka ộ tamayị ịrẹyị ọnị ọ kà yị Abụrahamị ozi ahụ anị ka ọnị vaa mẹ.

Ahẹ Ụgama 106:4

Ẹnẹyịmavara, ịjị wàaa gụ aza awụụ ụvọ, ụ navọ wa tamayị amị. Navọ ịjị wàaa dọ waa tụ́ wa va gụ mị ụvọ.

Ahẹ Ụgama 115:12

Ẹnẹyịmavara, aarịhịnị asị u hi ayị ayị, navọ wa mẹ ka ò zee yị. Ẹnẹyịmavara vaa mẹ ka ò zee yi aneehi Isirẹrị, ọ rẹ vaa mẹ ka ò zee yi aneehi Eerọnị.

Ahẹ Ụgama 132:1

Ẹnẹyịmavara, navọ asị u hi ayị Idevidi ọnịrị avaba ẹngụkata ọnị ọ sị ẹngụ dọ.

Ahẹ Ụgama 136:23

Waa kụ́ ọ avọ ka ọnị ọ tamayị ayị ọnịvị mẹ̀ sị yị hu ẹtẹ nị. Vi óō sì ịrẹyị ọza pooro zịna-zịna nị.

Ahẹ Ụgama 137:7

Ẹnẹyịmavara, tamayị ebira anị Anedomi mẹ ịhị ịrẹkụ va rị Anijerusarẹmị. Ẹnịnị vi ene ee nowu dị ẹ ka à maanị chaka Ijerusarẹmị za ẹtẹ nẹrẹ-nẹrẹ.

Ahẹ Ụgama 29:10

Ẹnẹyịmavara vị ana yaayịtẹ tụra ịrẹsụ ọhaara enyi Ọnị ọ vị ohinọyị pooro zịna-zịna nị.

Ahẹ Ụgama 36:6

Ọza ọ yị zụ si irenu kà a ta anka ụ mẹ̀ẹ mẹ̀ ịsa ana vọrọ Ẹ yị nyị ụmẹ ọnya oni ụụ̄ sii sima ọkarẹyị mẹ Ẹnẹyịmavara, ewu ee sere ọza ọnịrị ịsụpa nị.

Ọyịkụra 14:21

Di Imosiisi tana ụvọ hi òkū nị. Ịnị avaba ịrahụ ịhị ọnọọ dị Ẹnẹyịmavara mẹ ka ahị ọbanyị ọ̀ tụ́ hụrẹ oze ọnị ọyịị̄ zị vẹ dị ọ kụ́ enyi varẹma dị ọ mẹ ka okuha ọ̀ wụ nị. Enyi o si cheva.

Ọyịkụra 15:10

Ama ụhwẹ ụ tụ́ kú wa, di òkū mụnẹ wa nị. Di e chì ngụ enyi ene ee sì vụụ-vụụ anka enyusẹ avọọ nị.

Ọyịkụra 2:24

Ohomorihi ộ wụ́ ẹ mẹ̀ vavọọ ee nowu. Di Ohomorihi tama ayị ịrẹyị ọnị ọnịrị Abụrahamị, Ayiziiki ọnịrị Ijekọvụ vịdị kà tịtẹ yị ẹngụ nị.

Ụhịrẹyị 25:23

Ireche vị ana mẹ̀ ọzaa kụ ayị anka ahị ana hụrẹ eyi ẹbẹẹba mẹẹ̄ zụ orihi avọọ.

Ayịsaya 44:27

Ẹ̀ma mẹ ọda ka òkù ọ̀ wụ nị. Mị vaa mẹ irehu awụ nịnị ẹ̀ wụ.

Ijeremaya 50:38

Ọyị vaa jị ẹkụra ẹnịnị, dị avaba irehu ẹnịnị wụ. Ịbabịrọnị vị ẹtẹ ọnị ori edivi-edivi hi. Ori ẹnẹẹ ẹ́ sị wa tụ́ ụra.

Emọsị 8:7

Ẹnẹyịmavara ọ si ụbanyị ẹngụ anị hị́ eku ka ọnị ẹ yị vaa va hụụnị ebira ọnọọ ọnị ẹ yaa mẹ̀.

Ijona 4:11

Ọ̀ọ maanị aa zị ẹngụ yị avị ọnọnị, aanịka ẹ yị vọrọ ka ọnị ọ tẹsị Anininivẹ, ẹkụra ọbanyị ọnọọ, ịzịị aza ene hụụnị ịrịka akahị-akahị oze ẹchẹhị tụra oohu raa hị́? Aza ẹnẹnị ẹ yị yẹ ọyịza, yẹ ọhịmị, dị a hyakụ vaa ka ịsụpa ẹnịnị.

Ịnahụmị 1:4

Ẹnẹyịmavara ọ̀ọ mẹ̀ ọda kẹnẹ, dị avaba enyi ini irehu ọnịrị òkū nịnị wụ̀ za ẹtẹ. Avị ọnịrị ododo ene hi inozi Ịbasanị ọnịrị Ịrẹbanọnị ne beri Ataba Ịkamẹrị vị anaa wara za eteesu.

Ihabaku 3:2

Dị ọ ka ọnị ọ wụ́ ịtọpa ịsị ẹbanyị-ẹbanyị ọnị Ẹnẹyịmavara mẹ̀ ịnị ịyẹẹyẹ, di o hi ọnị irenu nị. Dị ọ da ịpẹ ka ọ navọ ọ rẹ mẹ̀ yị ẹnị ịnị ụmẹ ẹnịnị anka ọ mẹẹ mẹ̀ ịyẹẹyẹ, dị ọ sị ụkata anị dọ ẹnịnị tụ́. Aarịhịnị ọ va hụụnị ọyịkụ anị, dị ọ vayị ẹnịnị.

Ịzakaraya 10:11

Ẹnịnị ẹ̀ẹ ngụ oku ana jị ayị, Ẹnẹyịmavara vaa za a jẹẹ, irehu Ịnayịrị vị ana wụ́ na za ụnyịnẹ anị. A vaa ka Asiriya chi, dị a dọ Ijipiti ụkata anị.

Ịrịka 10:9

Ẹnẹyịmavara kà ịjị ẹ̀ẹ sị ngụ ịnị ẹtẹ ẹnịnị, dị ẹ ya nọ ịrẹkụ ọnịvị ẹnịnị nị, e hu ọ. Ịkakanchị ọnọọ vaa tama ọnị ayị ka ọnị ọ sị wa nyị ẹbẹẹba ọnịvị ẹnịnị.

Ịrịka 22:32

Dị anggẹẹrị Ẹnẹyịmavara họ̀ ọ ka, sị ẹ vẹ dị ọ nya ịkẹrịkẹtẹ ịsa ụpẹ ẹẹta? Ọnị ọ va jẹẹ oze ka asị o re oze parahu agụvị ụsẹ akụvị anị nị.

Ẹtore 16:19

Dị ẹkụra ọbanyị ọnọọ che hi oze ẹẹta nị. Dị ẹkụra avaba ẹhẹ hyẹdụ va hi ẹtẹ nị. Ohomorihi ọ́ọ tamayị ẹkụra ọbanyị Ịbabịrọnị ọnọọ, dị ọ ká ọyịkụ ọbanyị anị tụ́ ini ako yọ ka ò hú ọọ nị.

Ẹtore 18:5

Ebira odivi ẹnịnị ệ hyakụ va kụ́ ngụ ẹbẹẹba. Ohomorihi ê hí ayị ịsa edivi ẹnẹ ẹ mẹ.

1 Ịsamụwẹrị 1:19

Ịnị ẹnẹnẹ viri-viri eyinẹhẹ anị, dị ẹ kwẹẹtẹ, dị ẹ na hẹkẹ Ẹnẹyịmavara, dị ẹ varẹma nọ Iraama ana vị eehi ẹnịnị nị. E mè tù eehi, di Erikana nọ ịda Ịhaana ana vị ose anị nị. Ẹnẹyịmavara ộ wụ́ aduwa Ịhaana,