Oyinyima 7:7 - IWE ỌNỊNỊ

⁷ Di Inowa ọnịrị ose anị beri ezi anị ọnịrị ese ezi anị dudu ngụ ịnị ẹpa ọnọọ ka asị ọhaara enyi kụ́ ẹnị nị.

Oyinyima 7:7 ပူးပေါင်းရင်းမြစ်များ

Oyinyima 6:18

Ama ịsị ọnị vịdị kà tịtẹ ka ọnị vaa mẹẹ yị aza vị ọnị ọnị vaa mẹẹ wu. Ọ kà Inowa vaa ngụ ịnị ẹpa ọnọọ, di ezi anị beri ose anị ọnịrị ose ezi anị rẹ ngụ ọ.

Oyinyima 7:1

Inowa mẹ̀ sị ẹpa ọnọọ mẹ, di Ẹnẹyịmavara kà a yị Inowa ka: ọnịrị avaba aza anị ẹ̀ na ngụ ịnị ẹpa ọnọọ. Ọ kà ini eyi anị, ẹnị ịnyara aa mẹ̀ ebira ana vọrọ ịnị avaba aza ene hi ẹhẹ aanị nị.

Ụhịrẹyị 22:3

Ọza ana yẹ ịrẹyị oo re ezigi dị ọ yẹ̀ yị ọ, ama ọnụra vị ana na gẹrị ọ dị ọ vaa sị ụmayịyẹ.

Imatiwu 24:38

Dị ọhaara enyi ọnọọ va kụ́ ẹhẹ, aza vị ana aa rị, di eyee hú, dị ẹyaa nyị ọnẹẹ, dị ẹyaa sị ozii gà ọnọrụ. Avọọ ẹ mẹ̀ mẹ pooro ne tù ẹkụhị oni Inowa ngụ ẹpa nị.

Iruuku 17:27

Ịnị ụmẹ Inowa, aza vị ana aa rị, di eyee hú, dị anọrụ aa nyị ọnẹẹ, dị anẹẹ aa vá anọrụ. Avọọ ẹ mẹ̀ mẹ pooro ne tù ẹkụhị oni Inowa sị ngụ ịnị ẹpa nị. Dị ọhaara enyi vẹ, dị ọ va kụ́ avaba aza ana vọ nị.

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

Anihiburu 6:18

Ịrẹyị ẹẹva ẹnẹẹ ẹ mā vara. Ohomorihi oyi re zụ cheeche ịnị anị. Agụvị avọọ, ẹyị ene zwe na tẹ̀ ịdị anị, yaa nyị ọtụtụrụma ẹtẹẹtẹrẹ ka ya sị ụvọ za oni Ohomorihi raà sị tụ́ ọvịdị ayị geri-geri. Ịsa ọnọọ ị sị eyi tụ́ ịnị anị nị.

1Ipita 3:20

Ụhwẹ ẹnẹnị vị ụhwẹ aza ana mẹ akamawụ hi Ohomorihi ịyẹẹyẹ. Ụmẹ ọnọọ Ohomorihi ộ nyị isuuru, di Inowa aa mẹ ẹpa ọbanyị ọnọọ nị. Aza chee, ẹnị ịhịnta kẹnẹ ẹ ngụ ịnị ẹpa ọnọọ, dị ẹpa ọnọọ ya ịnị enyi, dị ọ dọ wa ha nị.

2Ipita 2:5

Anịyẹẹyẹ nịnị ẹnẹ ẹ̀ yị yẹ Ohomorihi, ẹ́ yị sị vayị ẹnịnị. Dị ọ sị ọhaara enyi kụ́ wa kwooze nị. Inowa ọnịrị aza ẹnị ịhịmba kẹnẹ ọ dọ há nị. Inowa vị anaā kà a yị aza ka ẹ̀ẹ mẹ̀ ịsa ana vọrọ eyi Ohomorihi.