Oyinyima 7:23 - IWE ỌNỊNỊ

²³ Avọọ Óhomorihi mẹ̀ kụ́ avaba ịsị ẹ nyị ụhwẹ hụrẹ ịrẹsụ ẹtẹ nị. Ọza, uye, ịsị eē tura ọnịrị inomi nịnị ene hi ẹbẹẹba vị ọnị ọ kụ́ hụụnị ẹhẹ piti-piti. Inowa kẹnẹ ọnịrị aza ọnịrị uye ọnị ọ kụ́ hi ịnị ẹpa ọnọọ ọ vọ nị.

Oyinyima 7:23 ပူးပေါင်းရင်းမြစ်များ

Oyinyima 6:17

Ohomorihi ka ọnị ụvọta vaa kụ́ ọhaara enyi vẹ ịrẹsụ ẹtẹ dị ọnị sị wụ̀ avaba ịsa ana aa tụ́ ụhwẹ ịrẹsụ ẹtẹ ọnọnị. Avaba ịsa ene hi ịrẹsụ ẹtẹ bemi vee sú.

Oyinyima 8:18

Ịzẹyịza di Inowa jịnẹ hụụnị ẹpa ọnọọ nị ọnịrị ose anị beri ezi anị ọnịrị ese ezi anị e dudu jịnẹ hụụnị ẹpa ọnọọ nị.

Ijoovu 5:19

Ọ vaa dọ wụ tụ ụpẹtụrụpẹ agụvị asị a nyị ịsa ana mẹ wụ.

Ahẹ Ụgama 91:1

Ọza ana aa sị ẹngụ anị na tẹ̀ ịda Ohomorihi ana nẹba hu keekere ẹnị Ananyị yị vaa jị òkúu kú, dị ẹ yaa tụ́ ụhwọ nị.

Ahẹ Ụgama 91:7

Wa nyẹngụ ee re aza otomiroku mèe su vaa hi ẹtẹ eyi ụvọ ọnyị ọsa, ama ẹ yị nyị ịsị aa kanyị ẹwụ.

Ụhịrẹyị 11:4

Usu ọ̀ọ ngụ tụ ọza, ẹkẹhị anị ọ yị zụ dọ ọ ha ama ịzẹyịza kẹnẹ ọ zụ dọ ọza ha nị.

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

1Ipita 3:20

Ụhwẹ ẹnẹnị vị ụhwẹ aza ana mẹ akamawụ hi Ohomorihi ịyẹẹyẹ. Ụmẹ ọnọọ Ohomorihi ộ nyị isuuru, di Inowa aa mẹ ẹpa ọbanyị ọnọọ nị. Aza chee, ẹnị ịhịnta kẹnẹ ẹ ngụ ịnị ẹpa ọnọọ, dị ẹpa ọnọọ ya ịnị enyi, dị ọ dọ wa ha nị.

2Ipita 2:5

Anịyẹẹyẹ nịnị ẹnẹ ẹ̀ yị yẹ Ohomorihi, ẹ́ yị sị vayị ẹnịnị. Dị ọ sị ọhaara enyi kụ́ wa kwooze nị. Inowa ọnịrị aza ẹnị ịhịmba kẹnẹ ọ dọ há nị. Inowa vị anaā kà a yị aza ka ẹ̀ẹ mẹ̀ ịsa ana vọrọ eyi Ohomorihi.

2Ipita 2:9

Ịsa ẹnẹnị ệ sị zụ ka Ohomorihi ọ́ọ yẹ, ọ mẹmẹẹ̄ dọ aza anịị há hụụnị ẹzamare ẹnịnị. Ọ rẹ yẹ, o memeē tenyi aza edivi tịtẹ, pooro nee tù ẹkụhị ọkarẹyị, dị ọ sị ụya rị wa.

2Ipita 3:6

Ọhaara enyi ộ kụ́ ẹhẹ, dị o vú ẹhẹ ịyẹẹyẹ ẹtẹ nị.