Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Oyinyima 7:11 - IWE ỌNỊNỊ

11 Ịnị ịrayị oni Inowa gụ ịrayị akata ini ụhwẹ ọhụva ịrayị ọnọọ, ịnị ịhị ana tụ́ ọ ẹkụhị ẹwụrịhịmba ịnị ụhwẹ ọnọọ, ịhị ọnọọ gẹdẹ-gẹdẹ avaba ìrìkù enyi chaka hi ẹhẹ nị. Di avaba ozokete ihinẹba na,

အခန်းကိုကြည့်ပါ။ ကော်ပီ




Oyinyima 7:11
27 ပူးပေါင်းရင်းမြစ်များ  

Dị Ohomorihi mẹ̀ ịsa ọnya ana ya anka itu avọọ dị ọ há enyi ọnọọ hì ẹẹva nị. Ọnya yà iruvo itu dị ọsa yà ẹbẹẹba anị nị. Ịzẹyịza dị ọ vavọọ yà nị.


Ohomorihi ka ọnị ụvọta vaa kụ́ ọhaara enyi vẹ ịrẹsụ ẹtẹ dị ọnị sị wụ̀ avaba ịsa ana aa tụ́ ụhwẹ ịrẹsụ ẹtẹ ọnọnị. Avaba ịsa ene hi ịrẹsụ ẹtẹ bemi vee sú.


Inowa ọ sị gụ ịrayị akata (600) dị ọhaara enyi vavọọ ve nyima.


Ịhị ẹ tụ́ ọ ẹkụhị ohurịhịmba ịnị ụhwẹ ọhụva dị ẹtẹ sị wụ̄ korowu nị.


Dị avaba ìrìkù enyi ini ẹtẹ ọnịrị ozokete ihinẹba gù nị. Orihi ana aa zụ̀ ọ̀ sị jị.


Ọdọvịdị ọnọnị ộ kà a yọ ka, Ẹnẹyịmavara ọ̀ọ daka na ozokete ihinẹba hi ẹtẹ ka ịsọyịrị ọọ zụ̀ụ anka orihi avọọ, ịrẹyị ọnị Erisa kà ẹ̀ yị zụ mẹ. Dị Erisa tụ́ ọ ohi ka, ọ vaa mẹ di o re e, ama ẹ yị vaa rị ịnị ịsọyịrị ọnọọ.


 nyị ozi ahụ ohinọyị ọnya ọnị ọ hụraa tụ́ ụtụ. Ộ kà a yị Erisa ka, ịzị ọ na vị̀. Ẹnẹyịmavara ọ̀ọ daka na ozokete ihinẹba, dị ọ zụ̀ orihi ka ịsa ẹ̀ mẹ nị, ọ́ọ́ zụ vavọọ yà? Ama Erisa ộ kà a yọ ka, ọ vaa sị eyi anịị re e, ama ẹ yị vaa rị ịnị anị.


Ohomorihi òo ka enyi jẹẹ dị ọyọjị vẹ, ọ̀ọ hụrẹ enyi ụvọ dị ọhaara vẹ.


Dị ẹ chị ụsị ọgọdọ tụ uruvo ẹtẹ ene noze hi ịzị aza ẹ yị ra hi. Dị ẹ vị ẹnị ịnya gẹ ịnị obo aa mẹ̀ ụkọrọ ịzọọ.


Ẹnẹyịmavara kà Ijoovu ọ́ọ́ zị ụsẹ ini eteesu ana ya iruvo oku da?


Ẹnẹ nyị ịrẹyọyẹ ana zụ sị za eguhi ịrịka, a vị dị ọ ka a ịrẹsụ hi dị enyi ọọ va hi ẹtẹ?


Ộ kụ́ enyi ini òkū gụ, ọgụgụrụgụ vene ataba Avaba enyi ini òkū, ọ wara gụ tụ́ aha ọnya nị.


Ẹwa mẹ ka okuha ọnịrị orosi nịnị ee sì nị Dị ụ rẹ mẹ kà enyi eneē vidii sì pooro, ọ̀ wụ nị.


Dị ọ mẹ̀ ka enyi ọ tụ hụụnị ẹtẹ, dị ọ gara hi ịnị ẹhẹ, dị ihinẹba ọ zụ orihi nị.


Ọza ana àa ka ọnị ò zwe hụụnị ịrẹyị, di o ne na ngụ ụsị. Ọza ana àa tụ̀ hụụnị ụsị, dị ọ na ngụ ịrẹpa. Orihi ọbanyị vaa zụ̀ dị avaba ẹhẹ henyi.


Ẹnẹyịmavara kà, wẹ yị daba hí angwa anị nịnịị? Ayị anị ẹ yị daba hụrẹ ẹwụ nịnị ịnẹẹ? Ọnị ọ sị aarẹ tẹ ẹhwị ẹtẹ yị oku ka asị ọ zụ jịnẹẹ pooro nị. Enyi ini òkū ọ zụ jị ayị dị aa da gụgụrụgụ ama ẹ yị zụ jịnẹ ẹhwị ẹtẹ ọnọọ.


Ọnị ọọ̄ kà ịrẹyị, dị orihi aa kà irutu nị. Ọọ̄ kụ́ eguhi gụ hụrị avaba aha ịnị ẹhẹ. Ọọ̄ mẹ ka ịnyanya ọọ rị orihi aa zụ, dị ọ mẹ ka ahị ọọ tụụ hụrị ịzị ọ zaa ku tụ nị.


Ẹnẹyịmavara Ochẹtẹẹngụ ka, ọnị vaa tụ wụ osusu anka ẹkụra ana a jị eburu dị ẹ̀ yị nyị ọza ana kụkụ ra ịnị anị avọọ. Ọnị vaa mẹ ka we vu hi ịnị enyi ana nyịnẹ nịnị.


Ọ kà ẹnịnị ẹ kụ avaba agẹẹwụ ẹnịnị vị ịzị aā kụ ogu hi ịnị irehi anị, agụvị dị aa nyị ịsọyịrị ịzọọ. Dị ọ ka ẹnịnị ẹ zama ọnị re daa re, ọnị ẹ yị rẹ vaa na ozokete ihinẹba yị wa, dị ọnị mẹ ka o ze yi wa hyọvọ-hyọvọ.


Dị ọhaara enyi ọnọọ va kụ́ ẹhẹ, aza vị ana aa rị, di eyee hú, dị ẹyaa nyị ọnẹẹ, dị ẹyaa sị ozii gà ọnọrụ. Avọọ ẹ mẹ̀ mẹ pooro ne tù ẹkụhị oni Inowa ngụ ẹpa nị.


Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.


Ọhaara enyi ộ kụ́ ẹhẹ, dị o vú ẹhẹ ịyẹẹyẹ ẹtẹ nị.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ