Oyinyima 6:9 - IWE ỌNỊNỊ

⁹ Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.

Oyinyima 6:9 ပူးပေါင်းရင်းမြစ်များ

Oyinyima 10:1

Ịtọpa ezi Inowa ọ vị ọnọọ nị. Ezi Inowa ẹnẹẹ vị Isemi, Ihami ọnịrị Ịjahwẹtị. Ẹnị ẹ rẹ vana ma ezi ịrẹma ọnị ọhaara enyi kụ́ ẹhẹ.

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Oyinyima 2:4

Aani a mẹmẹ tụ́ avaba ẹhẹ vị nị. Ohomorihi ộ sị ọza ọnị ọ mẹ tụ́ ịnị Ụbazị Edẹnị. Ụmẹ ọnị Ẹnẹyịmavara Ohomorihi sị mẹ̀ ẹhẹ,

Oyinyima 48:15

Di Ijekọvụ mẹ̀ aduwa yị Ijosẹẹhụ dị ọ ka, “Ohomorihi, oni ohiku anị Abụrahamị ọnịrị Ayiziiki hẹkẹ, Ohomorihi ana zụ̀ ọnị oze pooro ve tù ajịnị,

Oyinyima 5:1

Ọsọnị ọ vị ịtọpa ezi Adamị nị. Ịjị Ohomorihi mẹ aza, ọ mẹ wa vene ẹngụ anị nị.

Oyinyima 5:22

Enọkị ọnịrị Ohomorihi ệ rị pooro mẹ ịrayị ịrẹkẹẹchẹhị ọ mẹ̀ hụrẹ ma Imetusẹra. Ộ rẹ vana ma ezi anọrụ ọnịrị anẹẹ.

Oyinyima 5:24

Enọkị ọnịrị Ohomorihi ệ rị, dị ọza ò yi vene re e nị, agụvị ka Ohomorihi ọ raà sị ọ si hu.

Oyinyima 6:10

Ezi ẹẹta ọnị Inowa ma ẹ vị Isemi, Ihami ọnịrị Ịjahwẹtị nị.

Oyinyima 7:1

Inowa mẹ̀ sị ẹpa ọnọọ mẹ, di Ẹnẹyịmavara kà a yị Inowa ka: ọnịrị avaba aza anị ẹ̀ na ngụ ịnị ẹpa ọnọọ. Ọ kà ini eyi anị, ẹnị ịnyara aa mẹ̀ ebira ana vọrọ ịnị avaba aza ene hi ẹhẹ aanị nị.

2 Ịsamụwẹrị 22:24

Ẹnẹyịmavara o re ka mẹ yị mẹ akụvị. Ẹmaa sị ụvọ za ẹngụ amị agụvị asị ẹmị na rị ịvị.

1 Ohinọyị 3:6

Di Isoromọnị ka, “Wa raà vayị Idevidi ada amị ana vị ozi ahụ awụ ẹtẹẹtẹrẹ anka ọnị ịnyẹmba mẹ̀ mẹ̀ ebira ini eyi awụ. Wâ yẹ ka ộ mẹ̀ ịzẹyịza ọnịrị ịsa ana vọrọ, dị ọ rẹ nyị ayị ana vọrọ ini eyi awụ nị. Avọọ ẹwụ mẹ̀ rẹ nyayịnẹ vayị anị dị u si ozi yọ ka ọ̀ rị ohinọyị tụ́ udi anị ajịnị nị.

2 Ịtọpa 15:17

Ọ̀ọ daka vị ka ohinọyị Asa e yi du avaba ịzị ikanhweri nịnị yaa mẹ ahẹkẹ ịnị ẹtẹ anị ha, Ẹnẹyịmavara ọnịnya ọ sị ayị tụra pooro ịnị ẹhẹ anị nị.

2 Ịtọpa 25:2

Amaziya ộ mẹ̀ ebira ene hine Ẹnẹyịmavara ayị ama ệ yị sị ayị ọnya mẹ̀.

Ijoovu 1:1

 nyị ụmẹ ọnya ịnị ẹtẹ Uzi ana a nyị ọnọrụ ọnya aanị ọnị ịrẹha anị rị Ijoovu. Ọza anaā mẹ̀ ebira ana vọrọ dị ẹ̀ yị mā mẹ ịrẹyị ọhịmị ọ vị nị, ka oo hí angwa Ohomorihi ẹ̀ yị mẹ̀ ebira odivi.

Ijoovu 1:8

Dị Ẹnẹyịmavara họ̀ ọ use ka o meme re Ijoovu kẹ? Ijoovu vị ọnịrẹyịzẹyịza ana nyị angwahi anị. Ọ yị mā mẹ̀ ebira odivi.

Ijoovu 12:4

Ọ kà ẹnịnị ẹ̀ daka ee nyi ọnị unyi booro aanị, ẹ yị nyị ịsị ọnị mẹ. Agụvị avọọ ọnị ọ mẹ̀ aduwa dị Ohomorihi wụ ọnị nị.

Ahẹ Ụgama 37:37

Tangwa sị eyi pè aza ana aa mẹ̀ ebira ana vọrọ dị ẹ̀ yị mā mẹ akụvị ẹngụ aza ana vavọọ aa mẹ̀ ebira ozoza ệ nyị ẹhẹ tụ́ ịrẹma.

Ahẹ Ụgama 37:39

Ẹnẹyịmavara ọọ̄ dọ aza ana aa mẹ ịzẹyịza há nị. Ịjị akanya ọ̀ọ vẹ dị ọ sị ọtụ kà wa ịrẹma.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ịrẹyị Ọzwọzịsa 7:20

Ẹ yị nyị ọza ọyịza ịnị ẹhẹ ọnọnị ana mẹ ọyịza pooro dị asị ọ mẹ odivi ẹkụhị ọnya.

Ezikẹẹrị 14:14

Ọ kà aza ẹnị ẹẹta ẹnẹnị ẹ̀ẹ daka ya ịnị ẹkụra ọnọọ; Inowa, Ịdanịyẹrị ọnịrị Ijoovu, Ẹnẹyịmavara kà, ẹngụ ẹnịnị kẹnẹ ẹ va zụụ sị ebira ọyịza ẹnịnị dọ ọ ha nị.

Ezikẹẹrị 14:20

Inowa, Ịdanịyẹrị ọnịrị Ijoovu ẹ̀ẹ daka Yà ịzọọ, àa yị vị ọnị Ẹnẹyịmavara ọ vị Ohomorihi ana yara nị, ẹnịnị ẹ́ yị va zụụ dọ ezi ẹnịnịị ha. Ẹngụ ẹnịnị kẹnẹ ẹ́ va zụụ sị ebira ọyịza ẹnịnịị dọ ọ ha nị.

Ihabaku 2:4

Ree, ọza ana aa sị ẹngụ tụ ẹba dị a mẹ̀ ebira odivi ọ yị vaa ha. Ama aza ana a sị ayị tụra Ohomorihi vaa ra agụvị ka ẹ yaa mẹ̀ ebira ọyịza.

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Iruuku 2:25

 nyị ọnọrụ ọnya aanị Íjerusarẹmị ọnị ịrẹha anị rị Isimiyọnị. Ọnịzẹyịza ọ vị nị, dị ọ rẹẹ̄ hẹkẹ Ohomorihi nị. Ee zí eyi ka Ohomorihi ọ̀ va kụ́ Anisirẹrị vavẹ udi ẹnịnị. Ụhwẹ Ọnịnị yà ịnị ayị anị.

Iruuku 23:50

 nyị ọza ịnya aanị ana aā hị́ Ijosẹẹhụ, ọnyara ọ vị ịnị anikootu nịnị nị. Ọza ọyịza ọ vị, dị ọ rẹẹ̄ mẹ̀ ebira ana vọrọ nị.

Odeyi 10:22

Dị ẹ ka, “Ịkọnẹrịyọsị ọga ayị vị ọnịzẹyịza, dị ọ rẹ nyị angwahi Ohomorihi nị. Avaba Aniju nịnị ệ sị ụbanyị yọ ẹtẹẹtẹrẹ. Anggẹẹrị Ohomorihi ọnya ộ kà a yọ ka ọ̀ tụ́ hị́ wụ vẹ ini eehi ịdị anị, dị ọ̀ wụ́ ịrẹyị ọnị ụ wàa nyị ọyịkà.”

Aniroomi 1:17

Ini oze enube ọyịza, Ohomorihi ộ sị zụ̀, ọ mẹmẹẹ̄ mẹ ka aza ẹ̀ vị ọnịzẹyịza. Avaba anị ộ jẹẹ tụ́ ịrẹsụ ka ọza ọ̀ sị ayị tụra Ohomorihi hụụnị oyinyima ne tù ẹzẹtẹ; anka a mẹ̀ vịdị chẹrẹ ẹ tụ́ ini Iwe Ohomorihi ka: Aza ana vị ọnịzẹyịza (ini eyi Ohomorihi) vaa yàra, agụvị ka ệ sị ayị tụra a.

Anigaratiya 3:11

Ya sị yẹ ka ẹ yị nyị ọza ana nyẹngụ vavọọ saasa ọda, dị ọ̀ rị ịhị ini eyi Ohomorihi. Yáa yẹ agụvị ka, “Aza ana vị ọnịzẹyịza (ini eyi Ohomorihi) vaa yàra, agụvị ka ẹ́ẹ sị ayị tụra a.”

Iwe Ọhụhị Imosiisi ana aa hị́ Ọyịvatụrọda 18:13

Re ka waa sị ayị tụra Ẹnẹyịmavara Ohomorihi awụ nịnị ọnịnya kẹnẹ.

Anihiburu 11:7

Inowa ộ sị ayị tụra Ohomorihi; agụvị avọọ ộ sị ụtọ pe Ohomorihi, ọ màa kà a ọnọ agụvị ịrẹyị ana aa vẹ. Inowa ọọ̀yị daka sị eyi re ịsa ẹnẹẹ, ama ộ wụ́ ịrẹyị chire Ohomorihi. Agụvị avọọ dị ọ mẹ ẹpa ọbanyị ọnya ana dọ ọnịrị aneehi anị há nị. Ini oze ọnọọ, ộ jị ịvị yị anẹhẹ. Ohomorihi ộ zaa ịrịka tụ́ ịnị ọnịzẹyịza, agụvị ka ọ́ọ sị ayị tụra Ohomorihi.

1Ipita 2:5

Ẹwụ nịnị nyẹmba vị ana rẹ yà anka ịrẹta ana yára avọọ. Ohomorihi aa sị wụ nịnịị dà irehi anị ana yára. Ohomorihi ọ raà sị wụ nịnị tụ́ irenyi yị ẹngụ anị anka ohirẹsụ irehi Ohomorihi nịnị, ka wa sị ụkata Ụhwẹ Ọnịnịị hẹkẹ Ohomorihi nịnị. Ọnọọ ọ vị ịsọvọ ọnị waa mẹ̀ ẹ hi Ohomorihi ini oze Ijeesu Ikirisiti nị. Ịsị Ohomorihi sì ọ vị ọnọọ nị.

2Ipita 2:5

Anịyẹẹyẹ nịnị ẹnẹ ẹ̀ yị yẹ Ohomorihi, ẹ́ yị sị vayị ẹnịnị. Dị ọ sị ọhaara enyi kụ́ wa kwooze nị. Inowa ọnịrị aza ẹnị ịhịmba kẹnẹ ọ dọ há nị. Inowa vị anaā kà a yị aza ka ẹ̀ẹ mẹ̀ ịsa ana vọrọ eyi Ohomorihi.