Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.
Agụvị avọọ, à vẹ ya nyị ọtụtụrụma, di ye tere vẹ ọvịdị aga ohinọyị ịzị Ohomorihi yà dị aa mẹ ọyịzaa yị aza. Ịzọọ Ohomorihi vaa vayị ayị, dị ọ rẹ gụ yị ụvọ ịnị ụmẹ oni yèe sì ọgụvọ nị.
Ụhwẹ ẹnẹnị vị ụhwẹ aza ana mẹ akamawụ hi Ohomorihi ịyẹẹyẹ. Ụmẹ ọnọọ Ohomorihi ộ nyị isuuru, di Inowa aa mẹ ẹpa ọbanyị ọnọọ nị. Aza chee, ẹnị ịhịnta kẹnẹ ẹ ngụ ịnị ẹpa ọnọọ, dị ẹpa ọnọọ ya ịnị enyi, dị ọ dọ wa ha nị.
Anịyẹẹyẹ nịnị ẹnẹ ẹ̀ yị yẹ Ohomorihi, ẹ́ yị sị vayị ẹnịnị. Dị ọ sị ọhaara enyi kụ́ wa kwooze nị. Inowa ọnịrị aza ẹnị ịhịmba kẹnẹ ọ dọ há nị. Inowa vị anaā kà a yị aza ka ẹ̀ẹ mẹ̀ ịsa ana vọrọ eyi Ohomorihi.
