Oyinyima 6:5 - IWE ỌNỊNỊ

⁵ Ẹnẹyịmavara o ve re ka ebira edivi ana aza aa mẹ ịnị ẹhẹ ọ sị vị ẹnẹmẹhị, ariro odivi pooro kẹnẹ o hì ịnị ayị aza nị.

Oyinyima 6:5 ပူးပေါင်းရင်းမြစ်များ

Oyinyima 13:13

Ama Anisodọmị vị aza edivi hangụ-hangụ, dị ẹ nyayịnẹ aa mẹ̀ ebira odivii ene du Ẹnẹyịmavara ayị nị.

Oyinyima 8:21

Ịjị Ẹnẹyịmavara wụ́ àgụ̀ ozoza ịsọvọ ọnọọ, dị ọ kà a ịnị ayị anị dị ọ ka, “Ọnị ọ mā vana hụ agụvị ọza chì hi ẹtẹ. Ọ kà ọnị ọ yẹ ka ọ mẹ̀ hụrẹ vi ozweyi, ariro odivi ọ yà ịnị ayị anị. Ọ kà ọnị ọ mā rẹ vana maanị wụ̀ avaba ịsa ana aa tụ́ ụhwẹ.

Ijoovu 15:16

Ẹnẹ va vị ẹyị ọza ana sị vụ dị ị sị du ha. Ẹyị anaa mẹ̀ ebira odivi pooro anka ọza mee hú enyi avọọ.

Ijoovu 22:15

Ẹwụ wa ka wa saasa oze ọnị aza ediviī zị nị.

Ahẹ Ụgama 53:2

Ohomorihi ộ yà ẹbẹẹba dị ọ kana eyi chi vẹ ve re aza nị Ộ kana eyi ka oni ò re, àa daba nyị ọza ana yẹ ịrẹyị ana aa hẹkẹ Ohomorihi.

Ụhịrẹyị 6:18

Avọọ ọ mẹ rẹ nyị ịhyẹrẹ ọza anaā sịị ọhịmị ọza tu ịnị ayị ọnịrị ọza ọnị ahịka odivi ọọ hụụ ọ ịra mẹ̀ nị.

Ịrẹyị Ọzwọzịsa 7:29

Ọ kà ọnị ọ sị yẹ ka Ohomorihi vị ana sị ebira obooro tụ aza vẹ ẹhẹ ama dị ẹ ha tụ oze ẹnịnị.

Ịrẹyị Ọzwọzịsa 9:3

Ọsọnị ọ vị ịrẹyị odivi ịnị avaba ịsị anaa mẹ ịnị ẹhẹ: ka ahịka ịsị ọnyọọnya ọ za ẹhẹ avaba aza ẹtẹ nị. Ayị aza bẹẹ vị ohihi yị ịrẹyị odivi ọnịrị ụra ẹ mẹ yị́ yara, ịrẹma anị dị è ve su.

Ijeremaya 17:9

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Ijeremaya 4:14

Ẹwụ nịnị Anijerusarẹmị, hụụnị ebira odivi awụ nịnị dị wa ha. Ịzị ụ maanị vaa sị ịrẹyị odivi tụ ịnị ayị nee tu nịnị?

Ezikẹẹrị 8:12

Ohomorihi ộ họ̀ ọnị use ka, ozi-ọza, ọnị wee re ịsị ọdọvịdị Anisirẹrị nịnị aa mẹ ịnị ewere? Ẹnịnị ẹẹ kụ ẹngụ hi ịnị aku ana va uhwoto ịsị irenyi-irenyi hi, dị ẹyaa mẹ ori nị. Dị ẹ ka, Ẹnẹyịmavara ọ́ sị ẹkụra ẹnịnị hụrị ụvọ, é yi kuku re ẹnị.

Ezikẹẹrị 8:9

Ohomorihi ộ kà a yị ọnị ka, ọnị ò ngụ eehi dị ọnị ò re ịsị aa nyị ọnị ịhyẹrẹ ẹnẹ ẹyaa mẹ ịzọọ.

Imatiwu 15:19

agụvị ka ịnị ayị ọza áriro odiviī hụrẹẹ vẹ nị, anaā mẹ ka ọ̀ọ wụ̀ ọza, dị ọ̀ọ sẹ̀ ịrẹka, di òo yi oyi, di ò ree dọ ivenu ireche, di ò ree du ọza ịrẹsụ.

Imatiwu 24:37

Ịhị ẹmị Ozi ọza onigirima àaa vẹ, vị ọ vaa yà anka ụmẹ Inowa avọọ nị:

Iruuku 17:26

Ịhị ẹmị Ozi ọza onigirima àaa vẹ, vị ọ vaa yà anka ụmẹ Inowa avọọ nị.

Iwe Ọhụhị Imosiisi ana aa hị́ Ọyịvatụrọda 29:19

Re ka, asị a nyị ọza ịzẹnị ana wụ́ ịrẹyị ana za oto ọnọnị ajịnị, ene ro ka ọnị vaa ha ọnị ọ̀ọ sị ayị ọkatẹngụ aa mẹ ịsị ene ze e eyi udivi anị vaa mẹ ka aza ọyịza ọnịrị aza edivi e vu ẹtẹ vabẹ.

Ịtayịtọsị 3:3

Yáa yẹ ka ẹyị nyẹmba vịdị vị ọnụra, dị ị rẹ vị anakamawụ, di e reè vene yi nị. Dị yaa hẹkẹ ịsa edivi ọnị ọchẹngụ ayịị̄ sì, dị ị rẹ dụ ọda ụbanyị ẹhẹ ọnọnị ọyịmẹ̀ nị. Ịị̄ vịdịị mẹ̀ ebira edivi, dị yaa mẹ eyọhụrẹ, dị yaa kụ́ ayị aza, dị ị hyakụ aa kụ́ ayị ẹngụ bẹẹ nị.

1Ipita 3:20

Ụhwẹ ẹnẹnị vị ụhwẹ aza ana mẹ akamawụ hi Ohomorihi ịyẹẹyẹ. Ụmẹ ọnọọ Ohomorihi ộ nyị isuuru, di Inowa aa mẹ ẹpa ọbanyị ọnọọ nị. Aza chee, ẹnị ịhịnta kẹnẹ ẹ ngụ ịnị ẹpa ọnọọ, dị ẹpa ọnọọ ya ịnị enyi, dị ọ dọ wa ha nị.