Oyinyima 48:12 - IWE ỌNỊNỊ

¹² Di Ijosẹẹhụ kụ́ ezi ẹnẹẹ hụụnị ahụ Ijekọvụ nị. Di Ijosẹẹhụ tana tụra ẹtẹ yị ada anị,

Oyinyima 48:12 ပူးပေါင်းရင်းမြစ်များ

Oyinyima 18:2

Di Abụrahamị vene re ka anọrụ ẹẹta jẹẹ ọvịdị anị nị. Ó mè re wa di o wuse zwe hụụnị oze ajẹngụ ne tù wa, dị ọ tana tụra ẹtẹ yị wa nị.

Oyinyima 19:1

Ini oruva ịhị ọnọọ, dị anggẹẹrị ẹẹva ẹnẹẹ na sị ngụ Isodọmị nị Ịrọọtị ọnị vị ana yaayịtẹ ózee ana na ngụ ịnị ẹkụra. Ịrọọtị mè re wa, di o zwe na gẹrị wa, dị ọ tana tụra ẹtẹ kụ́ wa nị.

Oyinyima 23:7

Di Abụrahamị kwẹẹtẹ, dọ si ku ẹtẹ yị wa,

Oyinyima 33:3

Di Ijekọvụ ọnị ụvọta dọ ọvịdị ẹnịnị nị. Ọ màa vaa gẹrị ẹnẹbẹnị anị, dị ọ và kú ẹtẹ ụpẹ ịhịmba di o ve tù ọ nị.

Oyinyima 42:6

Ijosẹẹhụ ọ kụkụ sị eyi pè ẹtẹ Ijipiti nị. Ọnị aa ná ịsaa yị avaba aza ana àa vẹ ka ọnị àa vaa hị́ ịsa nị. Dị ẹnẹbẹnị Ijosẹẹhụ nịnị vẹ, dị ẹ tana tụra ẹtẹ kụ́ ọ nị.

Oyinyima 48:11

Di Ijekọvụ kà a yị Ijosẹẹhụ dị ọ ka, “Ọnị o yi ro ka ọnị kuku vee re e. Ama Ohomorihi ọ va raà mẹ ka ọnị ọ̀ hyakụ re ezi anị bẹẹ.”

Oyinyima 48:13

dị ọ jị ụvọrị chire Ehwireemi dị ọ sị ọ tụ́ eyi ụvọha Ijekọvụ nị. Dị ọ rẹ jị ụvọha chire Ịmanasẹ dị ọ sị ọ tụ́ eyi ụvọrị Ijekọvụ nị. Dị ọ vavọọ kụ́ ẹnị ẹyịva tere pè ada anị nị. Ijekọvụ mẹ̀ mẹ̀ aduwa yị Ehwireemi ọnịrị Ịmanasẹ. Ijosẹẹhụ ọnị ụvọta ọ rẹ mẹ̀ aduwa yị avọọ nị.

1 Ohinọyị 2:19

Ịzẹyịza di Ịbatịsẹba ne si tù Isoromọnị ohinọyị ka ọnị ọ̀ na kà ụtụ Adonija yọ nị. Di ohinọyị kwẹẹtẹ, ka ọnị ọ̀ na gẹrị ọ nị. Ọ mẹ̀ na sị gẹrị ọ, di ohinọyị tana tụra ẹtẹ dị ọ kụ́ ọ nị. Ịjị ọ sị ọ kụ́ dị ọ varẹma na yaayịtẹ ịnị aga anị nị. Dị ọ rẹ sị aga yị Ịbatịsẹba ọnyị ohinọyị, dị ọnị yaayịtẹ éyi ụvọrị ohinọyị nị.

2 Ohinọyị 4:37

Ọnyị ozi ọnọnị ộ vaku ẹtẹ, dị ọ si ibe ka ẹtẹ ọvịdị Erisa ọ maa kụ́ ọ nị. Dị ọ sị ozi anị ọgọnị dị ọ hụụ ịzọọ nị.

Ọyịkụra 20:12

Sị ụbanyị yị ọnyị awụ ọnịrị ada awụ agụvị di we zụ kú orubo ịnị ẹtẹ ẹnị ẹmị Ẹnẹyịmavara ana vi Ohomorihi awụ aa sịị yị wụ.

Ọyịkụra 34:8

Di Imosiisi wụsẹ tana tụra ẹtẹ dị ọ kụ́ Ohomorihi nị.

Ụhịrẹyị 31:28

Ezi anị vị anaā kà ebira ọyịza anị. Ọva anị vị anaā ga a.

Ireevi 19:3

Ọzọza ọ̀ sị ụbanyị yị ada anị ọnịrị ọnyị anị, dị ẹ̀ sị ụvọ za ịrẹyị ẹkụhị ụhwọtụ anka ọnị mẹ mẹẹ ọda yị wa, ọnị ọ vị Ẹnẹyịmavara, Ohomorihi ẹnịnị nị.

Ireevi 19:32

Ọ́ ka ẹnịnị ẹ̀ kwẹẹtẹ jẹ yị azọkụ nịnị, dị ẹ̀ sị ụbanyị yị wa. Ẹnịnị ẹ̀ sị ụbanyị ọnị Ohomorihi ẹnịnị dị ẹẹ saasa ịrẹyị anị; ọnị ọ vị Ẹnẹyịmavara nị.

Anẹhwẹsọsị 6:1

Ẹwụ nịnị ezi, waa wụ́ ịrẹyị aza na ma wụ nịnị! Ịsa ana vọrọ ini eyi Ananyị yị ọ vị ọnọọ nị.