Oyinyima 41:8 - IWE ỌNỊNỊ

⁸ Ịjị eyi sị nị̄, ayị anị ọ yị nẹtẹ. Di ọ va tụ́ na hị́ avaba ọvavo ene hi Ijipiti ọnịrị ọyẹrẹyị, dị ọ kà ụra ọnị ọ ra zụ̀ wa nị. Ama ẹ yị va nyị ọza ikonya ana zụ kà iruvo ụra ẹnẹẹ yị Ihwarawo.

Oyinyima 41:8 ပူးပေါင်းရင်းမြစ်များ

Oyinyima 40:6

Ijosẹẹhụ mè ve hee wa ẹnẹnẹ ịhị ọnọọ, di o re ka ẹngụ ẹnị ẹyịva ẹ sị và hi nị.

Oyinyima 40:8

Dị ẹ ka ẹnị ệ ra ụra, ẹnị ẹ yi re ọza kà iruvo anị yị ẹnị. Di Ijosẹẹhụ kà Ohomorihi kẹnẹ oō yẹ iruvo ụra nị. Ẹ kà ụra ẹnị ẹnịnị ra yị ọnị.

Oyinyima 41:15

Di Ihwarawo kà a yị Ijosẹẹhụ dị ọ ka, “Ọnị ọ ra ụra ọnya, ana ẹ yị nyị ọza ana zụ kà iruvo anị yị ọnị. Ọ kà ọnị ọ va wụ́ ka ọza ọ̀ọ kà a yọ ụra ọnị ọ ra ọ zụ sị iruvo anị zụ̀ ọ.”

Oyinyima 41:24

Dị ihwiti hyeke-hyeke ẹnẹẹ za akụ ozoza ẹnẹẹ dị ẹ mụnẹ wa nị. Dị ọ ka ọnị ộ ka ụra ọnọnị yị ọnịvọpa nịnị, ama ẹ yị nyị ọza ikonya ana zụ sị iruvo anị zụ̀ ọnị.”

Oyinyima 41:7

Di ihwiti ẹnẹ ẹ̀ yị mẹ aanị, za ihwiti ịrẹsụ ịhịmba ene zoza dị ọ nyị ịsa dị ẹ mụnẹ ẹ nị. Ịjị ohinọyị sị ha, dị ọ va yẹ ka ụra ọnị aa ra nị.

Ahẹ Ụgama 25:14

Ẹngụ aza ana sị ụbanyị yị Ẹnẹyịmavara Ẹnẹyịmavara ọnị rẹ vaa sị ịnẹẹ zụ̀ nị Ọ vaa kà a zụ̀ wa ịsa ọnị ọ ka ọnị vaa mẹẹ yị wa.

Ọyịkụra 7:11

Di Ihwarawo hị́ aza anị ana yẹ ịsa beri ọpọchị ọnịrị ọnịvọpa ene hi Ijipiti gụ nị. Dị ẹnị rẹ sị ịvọpa ẹnịnị mẹ̀ ịsa oni Imosiisi ọnịrị Eerọnị mẹ nị.

Ọyịkụra 7:22

Dị ọnịvọpa ene hi Ijipiti ẹnị rẹ vavọọ mẹ ịvọpa nị. Ayị Ihwarawo ọ sị sị kà geri-geri. Anka Ẹnẹyịmavara mẹ̀ vịdị kà a, Ihwarawo ọ yị zẹẹ ka ọnị ọ̀ dọ ịrẹyị Imosiisi ọnịrị Eerọnị tụ́ ịzọọ.

Ọyịkụra 8:7

Dị ọnịvọpa Ihwarawo ẹnị rẹ mẹ ịvọpa dị ẹ sị kụ́ ọnyọ hi ẹtẹ ịnị ẹtẹ Ijipiti nị.

Ọyịkụra 9:11

Ọnịvọpa nịnị ẹ yị kụkụ zụ jẹẹ pè Imosiisi agụvị ịtahụ ana tụra wa ọnịrị avaba Anijipiti.

Ayịsaya 19:3

Ẹnẹyịmavara kà avaba ịsa ana Anijipiti ro ka ẹnị aa mẹ vị ọnị ọnị aa dọ waa duu ha, di angwahi ngụ wa ẹngụ. Ọ kà Anijipiti nịnị vaa nọ ịda ori, ẹ rẹ vaa nọ ịda aza ene eē pè okuu kà ịrẹyị ka ẹnị ẹ̀ na zama ẹtẹ.

Ayịsaya 29:14

Mị rẹ va naa mẹ̀ ịsa ana ahịka ô hi wa eyi. Avọọ m mẹ̀ vaa mẹ̀ ẹ tụ̀ ẹngụ tù ẹngụ nị. Aza ana ka ẹnị ệ yẹ ịrẹyị vee re ka ọnụra ẹnị vị nị. Avaba ịrẹyọyẹ ẹnị ẹ ka ẹnị ệ nyị vị ana vaa tụ́ osusu.”

Ayịsaya 8:19

Aza vaa kà a wụ ka wa nọ ịdị ọvavo ọnịrị ọpọchị nịnị ana aa kụ́ nyẹ̀ngụ̀-nyẹ̀ngụ̀ dị wa na zama ẹtẹ. Dị ẹ ka â vọrọ ka ọza ọ̀ daba na zama ẹtẹ ịda ori nịnị. Ama yẹ nịnị, o ka ịda Ohomorihi kẹnẹ a vọrọ ka ọza ò nee si oze ịrẹyị nị. Ụ mẹmẹ nyẹngụ hụ agụvị aza ana yà ẹẹhẹ dị waa naa zama ẹtẹ ịda aneku?

Ịdanịyẹrị 1:20

Ịnị avaba ịrẹyị ịrẹyọyẹ ọnịrị ọkarẹyị obooro ọnị ohinọyị họ̀ wa use, ô re ka Ịdanịyẹrị nịnị ee huna avaba ọmahọnọ ọnịrị ọvavo ene hi ịnị avaba ẹtẹ anị nị.

Ịdanịyẹrị 4:18

Dị ohinọyị Inebukadineza ka, ụra ọnị ọnị ra yọ. Ịbẹtịsaza ọ̀ navọ ọ̀ kà iruvo anị yị ọnị agụvị ka ẹ́ yị rẹ va nyị ikonyara ịnị avaba ọyẹrẹyị ịnị ẹtẹ anị ana zụ kà a yị ọnị. Ọ kà, ama ọnị ộ yẹ ka Ịbẹtịsaza ọ zụ kà a agụvị ka Ohomorihi ộ jẹẹ yọ ịrẹma.

Ịdanịyẹrị 4:19

Ịrẹyị ọnọnị ô hí Ịdanịyẹrị ana aā hị́ Ịbẹtịsaza irenu, dị ee ré ẹtẹ kẹnẹ nị. Dị ohinọyị kà a yọ ka, a sị ọ zẹẹ ka ụra ọnọnị ọnịrị ịsị ẹ vị iruvo anị ò hí ọnị irenu nị. Dị Ịbẹtịsaza tú ohi, dị ọ ka: Taarụ! àa yẹ ụra ọnọnị ọnịrị iruvo anị ẹ sị vị ọọza ana kụ ayị ohinọyị, dị à sị ẹ vị ohinọyị.

Ịdanịyẹrị 4:5

Ama ọnị maa sụ̀ ara, ọnị ộ ra ụra ana mẹ ayị hụrẹ ọnị ịnẹ, dị oni ré ẹtẹ ene chire ọnị angwa nị.

Ịdanịyẹrị 4:6

Agụvị avọọ, ọnị tụ́ hị́ avaba ọyẹrẹyị Anibabironi ka ẹ̀ va ka ẹ yị ọnị ịsị ẹ vị iruvo ụra anị ọnọọ nị.

Ịdanịyẹrị 4:7

Ịzẹyịza, â kụ avaba ẹnịnị eneē rè ẹtẹ, ọmahọnọ nịnị, ẹnẹbẹ nịnị, ẹnịrị aza ọkatẹngụ ene hi ịnị ẹkụra vẹ ọvịdị anị. Ịjị ẹ vẹ, ọnị ộ kà a yị wa ụra ọnị ọnị ra, ama ẹnịnị ẹ yị zụ ka iruvo anị yị ọnị.

Ịdanịyẹrị 5:11

Ọ kà, â nyị ọnọrụ ọnya ịnị ẹkụra ohinọyị ọnọnị ana aā hị́ Ịdanịyẹrị, Ohomorihi ộ sị ụkata yọ. Ọ kà, ịjị ada ohinọyị yà ịzọọ, ộ yẹ ka ọnọrụ ọnọnị ộ yẹ ịsa ọnị aza ana vọ ẹ̀ yị yẹ, dị ọ rẹ yẹ ịrẹyị ẹtẹẹtẹrẹ nị. Agụvị avọọ dị ohinọyị Inebukadineza ada anị sị ọ mẹ ohirẹsụ ẹnị eneē re ẹtẹẹ yọ, ọmahọnọ anị nịnị, ọpọchị nịnị ọnịrị avaba ọvavo anị nịnị nị.

Ịdanịyẹrị 7:28

Ịdanịyẹrị ka, avaba ẹtẹ ọnị ọnị re ịnị ụra anị yị. Ịrẹyị ẹnẹnị ệ vị angwahi yị ọnị, dị ẹngụ anị sị và hí nị. Ama dị ọnị sị avaba anị tụ ịnị ayị anị nị.

Ịdanịyẹrị 8:27

Ịdanịyẹrị ka ịrẹyị ọnọnị ộ za ọnị zizi, dị ọ vara ẹngụ aa zị ọnị nị. Ẹngụ ộ zị ọnị mẹ ẹkụhị chee, ịjị ọnị sị kwẹẹtẹ, dị ọnị naa mẹ̀ ụkọrọ ọnị ohinọyị sị yị ọnị nị. Ama ẹtẹ oni oni re aanị ô hi oni irenu; e yị re ye ọnị bẹẹ.

Ireevi 19:31

Ẹnẹyịmavara kà à sị Anisirẹrị nọ ịdị aza anaa họ̀ oku nini use ịrẹyị ka ẹ̀ sị ajuwe yị ẹnị, ẹnịnị ẹ̀ẹ vavọọ mẹ, vị́ eyee du ẹngụ ẹnịnị ẹngụ nị. Ọnị ọ vị Ẹnẹyịmavara, Ohomorihi ẹnịnị nị.

Ireevi 20:6

Ọza àa nọ ịdị aza ana aā họ̀ ụhwẹ aza ene sú usirẹyị, dị ahịka ẹnị ẹ kụkụ aa sị ajuwee yị ọ nị, ọnị Ẹnẹyịmavara vaa và eyirazịị ka ọza ọnọọ, dị ọnị ẹ́ yị kụkụ za a ịrịka beri aza anị.

Ihabaku 3:16

Ịjị Ihabaku wụ́ avaba ịsa ẹnẹnị, dị ayị hụrẹ ẹ ịnẹ, dị ẹgahị ngụ ọ ẹngụ nị. Di o ne ku hẹẹ ee zi ịhị Ohomorihi vaa sị ụya rị ọnịvị ẹnịnị ana kụ́ ọ ka ẹnị ụhwẹ aanị nị.

Imatiwu 2:1

Ijeesu vị ana a ma ịnị ẹkụra Ịbẹtịrẹhẹmị ịnị ẹtẹ Ijudiya. Ịhẹrọdị ọ vị ohinọyị ịnị ụmẹ ọnọọ nị. Â nyị aza ẹnyị aanị ana ahịka ệ yẹ ịsị ụzọmịị̄ ka. Ẹnịnị ệ hụrẹ eyi ọnị ọyịị̄ zịị hụrẹẹ vẹ, ệ vẹ Ijerusarẹmị.

Odeyi 17:18

 nyị aza ẹnyị ana yẹ ịrẹyị ẹtẹẹtẹrẹ ịzọọ. Aā hị́ ẹnyị “Anepikuri”, dị a rẹẹ̄ hị́ ọsa “Anisitoyiki” nị. Dị ẹnịrị Ịpọọrụ sị gẹ tụ́ ịnị ahankata nị, ẹnyị ịnị aza ẹnẹẹ ka, “Sị ọnọrụ ene ee sì ịrẹyịị kà aanị ee sì ka ọnị ọ̀ ka kẹ?” Dị aza ẹnyị rẹ ka, “Vị ọ sị mẹẹ ka vị a nyị ịrẹyị ori ọzọga ọnị ọnị rẹ za vẹ nị.” Ẹ maanị aa kà, agụvị ka Ịpọọrụ ộ kà ịrẹyị Ijeesu ọnịrị ọ mẹmẹ ha hụụnị isu.

Odeyi 7:22

Imosiisi ộ kọ avaba ịrẹyọyẹ Anijipiti. Ịrẹyị anị ọnịrị ịsa ana aa mẹ, vị ana nyị ụkata.

1 Anịkọrịntị 1:19

Áa chẹrẹẹ tụ́ ini Iwe Ohomorihi ka (Ohomorihi ka): “Mị vaa kụ́ ịrẹyọyẹ ọyẹrẹyị nịnị ị kwooze; aza ana yẹ ịsa, dị mị kụ́ ịsa ẹnẹ ẹ yẹ kwooze.”

1 Ịsamụwẹrị 6:2

Ẹkụhị ọnya dị Anihwirisiti nịnị va hi ọga ori ẹnịnị ọnịrị ẹnị ana aā há ẹva dị ẹ họ̀ wa ka ẹnị mẹ̀ vaa mẹ apoti Ẹnẹyịmavara aanị kẹ. Ẹ ka aza ẹnẹẹ ẹ̀ kà a yị ẹnị, ẹnị mẹmẹ vaa sị ọ varẹma nọ aha anị.