Oyinyima 41:54 - IWE ỌNỊNỊ

⁵⁴ Dị ụngwẹ ịrayị ịhịmba sị nyima nị anka Ijosẹẹhụ mẹ̀ vịdị kà a. Ụngwẹ vị ana aa kụ̀ avaba aha ana vọ, ama â nyị ịsọyịrị ịnị avaba ẹtẹ Ijipiti.

Oyinyima 41:54 ပူးပေါင်းရင်းမြစ်များ

Oyinyima 41:27

Imaaru gawụ-gawụ ịhịmba ẹnẹẹ ọnịrị ịrẹsụ akụ ịhịmba hyeke-hyeke ẹnẹẹ ana ahị sị banyị ha avọọ ana chị pè akụ ozoza vị ana jẹẹ yị ịrayị ịhịmba ọnị ụngwẹ vaa kụ̀.

Oyinyima 41:30

Ịrẹma ọnọọ dị ịrayị ịhịmba ọsa tụra a vẹ ọnị ụngwẹ vaa kụ̀ dị ayị hi ka â vịdị nyị ịsọyịrị gwẹtẹ ịnị ẹtẹ Ijipiti da. Ụngwẹ ọnọọ vaa kụ̀ ẹnẹmẹhị.

Oyinyima 41:53

Ịrayị ịhịmba ọnị ịsọyịrị chaka hi ẹtẹ ịnị ẹtẹ Ijipiti ộ vẹ, ộ ta.

Oyinyima 42:2

Ọ kà ẹ́ẹ́ yẹ ka ọnị ộ wụ́ ka a ka â nyị akụ Ijipiti. Ọ kà a nọ ịzọọ dị ẹ na hị́ akụ vẹ, dị ẹnị ẹ rị ọ di asị ẹnị su va ha.

Oyinyima 43:1

Ụngwẹ aa kịị kụụ hu avọọ ịnị ẹtẹ Ijipiti.

Oyinyima 45:11

Ọ kà ọnị vaa sị ịsọyịrịị yị wa ịzọọ. Dị ọ rẹ ka ụngwẹ ọnọnị ọ sị vọ ịrayị ẹẹhị dị ọ̀ ta. Ọ kà ọnị ọ yị vavọọ mẹ, ẹnịrị aneehi ẹnịnị beri avaba ịsụpa ẹnịnị vị ọnị ụzọngwa aa za.”

Oyinyima 47:13

Ịsa ọyịrị ộ ta hụụnị avaba ẹtẹ, agụvị ka ụngwẹ ọnọọ ộ katẹngụ. Anijipiti ọnịrị Anikenaani ee vee sú agụvị ụngwẹ ọnọọ.

2 Ohinọyị 8:1

Erisa ộ vịdị kà a yị ọnẹẹ ọnị ozi anị su, dị ọ́ ha a varẹma yọ ka, ọnịrị avaba aza anị ẹ̀ kwẹẹtẹ ẹ̀ na ra ịzị ẹ̀ẹ zụ na ra; agụvị ka Ẹnẹyịmavara ọ́ raà kà a ka ụngwẹ vaa kụ̀ ẹkụra ọnọnị. Ọ kà ịrayị ịhịmba ụngwẹ ọnọọ vaa kụ̀ nị.

Ahẹ Ụgama 105:16

Ohomorihi ộ kụ́ ụngwẹ na ngụ ịnị ẹtẹ Anijipiti, di o du avaba ịsọyịrị ẹnịnị ha nị.

Odeyi 7:11

Ịrayị ọnya dị ụngwẹ vavẹ ịnị avaba ẹtẹ Ijipiti ọnịrị Ikanaani nị, ana ahịka aza ệ rị ụya ẹtẹẹtẹrẹ. Ada ayị nịnị e yi re ịsa rị.