Oyinyima 41:41 - IWE ỌNỊNỊ

⁴¹ Dị ọ rẹ kà a yị Ijosẹẹhụ dị ọ ka, “Ọnị ọ raà sị avaba ẹtẹ Ijipiti chire e ụvọ.”

Oyinyima 41:41 ပူးပေါင်းရင်းမြစ်များ

Oyinyima 39:22

Di ọga aza ene sị eyi pè anịnẹngwa sị Ijosẹẹhụ mẹ ọga avaba anịnẹngwa ana vọ nị. Ịsa tụra ịsa ana àa kụkụ mẹ ịzọọ, Ijosẹẹhụ éē nee họ̀ use nị.

Oyinyima 39:5

Hụrẹ ụmẹ ọnị Ipotihwa maanị sị sị irehi anị chire Ijosẹẹhụ ụvọ aanị, dị Ẹnẹyịmavara mẹ ka ò kukuu zee yị Anijipiti ọnọọ agụvị Ijosẹẹhụ nị. Aarẹ ọnịrị irehi anị ne beri avaba ogu anị vi ẹnẹ Ẹnẹyịmavara vana aa mẹ ka èe zoza ẹtẹẹtẹrẹ.

Oyinyima 41:44

Dị Ihwarawo kà a yị Ijosẹẹhụ dị ọ ka, “Ịzẹyịza ọnị ọ vị ohinọyị nị. Ama ẹ yị nyị ọza ana va nyayịnẹ sị ụvọ ọ̀ọ vị ahụ ịnị ẹtẹ Ijipiti à yị vị Ijosẹẹhụ ọ sị oze yọ.”

Oyinyima 42:6

Ijosẹẹhụ ọ kụkụ sị eyi pè ẹtẹ Ijipiti nị. Ọnị aa ná ịsaa yị avaba aza ana àa vẹ ka ọnị àa vaa hị́ ịsa nị. Dị ẹnẹbẹnị Ijosẹẹhụ nịnị vẹ, dị ẹ tana tụra ẹtẹ kụ́ ọ nị.

Oyinyima 45:8

Ọ kà éē re avọọ ka ẹ yị vị ọnị ọ sị ọnị vẹ ịzẹnị, Ohomorihi yọ nị. Ọ kà Ohomorihi o raà mẹ ka ọnị ọ̀ vị ọza ana si eyi pe ịsa yị Ihwarawo. Ọnị Ihwarawo kụkụ sị irehi chire ụvọ nị, dị ọnị rẹ sị eyi pè avaba ẹtẹ Ijipiti nị.

Ẹsịta 10:3

Imodekaya ana vị Aniju ọ si irenu tụra Ahasẹrọsị ohinọyị nị. Anda ẹnịnị Aniju ệ sị ụbanyị yọ, dị ẹ sì ịrẹyị anị ẹtẹẹtẹrẹ nị. Ộ dụ ka ò zoza yị Aniju aza anị, dị ẹngwọọrọ ọ vị avaba ezi ịrẹma ẹnịnị nị.

Ahẹ Ụgama 105:21

Di ohinọyị ọnọọ sị Ijosẹẹhụ mẹ ọga irehi anị, dị ahịka Ijosẹẹhụ ọ kụkụ sị eyi pè avaba ogu ọnị ọ nyị nị.

Ụhịrẹyị 17:2

Ozi ahụ ana yẹ ịrẹyị vaa mẹ ọda tụra ozi anaā mẹ̀ ebira ụhị, dị a gà ogu tu ọ anka ozi avọọ.

Ụhịrẹyị 22:29

Ọza ana yara mẹ̀ ụkọrọ ẹtẹẹrẹ, ọ zụ mẹ̀ ụkọrọ yị ohinọyị nị. Ọ mā mẹ̀ ụkọrọ yị aza kẹnẹ-kẹnẹ.

Ịrẹyị Ọzwọzịsa 4:14

Ẹngụ ozweyi ọnọọ ọ zụ hụụnị ẹngwa va rị ohinọyị, ọ̀ọ daka vị ka ịnị osiye a ma a tụ nị.

Ịdanịyẹrị 2:48

Dị ọ ka udi Ịdanịyẹrị hịrẹ ka ọ̀ kụkụ sị eyi pe avaba ẹtẹ Ịbabịrọnị nị, dị ọ rẹ vị ohirẹsụ avaba anajuwe Anibabironi nị. Dị ọ rẹ mẹ̀ ẹ ẹyịza ẹbanyị-ẹbanyị va kà a nị.

Ịdanịyẹrị 6:3

E yi kù dị ẹnịnị re ka Ịdanịyẹrị aa mẹ̀ ụkọrọ ẹtẹẹrẹ huni ẹnị ẹẹva ana vọ ana a ka ọnịrịị è si eyi pe Ịgọvọnọ nịnị nị. Ụkọrọ anị o re zoza huni ụkọrọ Ịgọvọnọ nịnị bẹẹ nị. Agụvị ka ụkọrọ anị ô zoza huni ẹnị ana vọ ẹtẹẹtẹrẹ, dị ohinọyị aa mẹ eto ka ọnị aa sị avaba ẹtẹ anị chire e ụvọ nị.

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Odeyi 7:10

dị ọ dọ ọ tụ́ hụụnị avaba ụyọrị anị nị. Ohomorihi ộ sị ịrẹyọyẹ yị Ijosẹẹhụ, ộ mẹ̀ ka Ihwarawo, ọnị ọ vị ka ohinọyị Anijipiti ò sì ịrẹyị anị. Dị Ihwarawo sị Ijosẹẹhụ mẹ ọga Anijipiti ọnịrị avaba irehi anị nị.