Oyinyima 41:16 - IWE ỌNỊNỊ

¹⁶ Di Ijosẹẹhụ tụ́ ohi dị ọ ka, “Taarụ ẹ yị vị ọnị ọ vavọọ yà. Ọ kà Ohomorihi vaa sị iruvo ụra ọnọọ zụ̀ ọ vaa nyị ịrẹyị.”

Oyinyima 41:16 ပူးပေါင်းရင်းမြစ်များ

Oyinyima 37:14

Dị ada anị ka, “Ò ve ne hee ẹnẹbẹnị anị, ẹ̀ẹ dahi beri ịsụpa ẹnẹ ẹ kụ́ na. Ọ kà ọ̀ọ sị wa re dị ọ̀ va kà a yị ọnị.” Dị ada anị vavọọ tụ́ ọ hụrẹ ini ozi Ihebirọnị, di Ijosẹẹhụ na dị ọ na ngụ Ịsẹkẹmị nị.

Oyinyima 40:8

Dị ẹ ka ẹnị ệ ra ụra, ẹnị ẹ yi re ọza kà iruvo anị yị ẹnị. Di Ijosẹẹhụ kà Ohomorihi kẹnẹ oō yẹ iruvo ụra nị. Ẹ kà ụra ẹnị ẹnịnị ra yị ọnị.

Oyinyima 41:17

Di Ihwarawo kà ụra anị yị Ijosẹẹhụ dị ọ ka, “Ọnị ọ ra ụra ka ọnị jẹẹ ụtọ okuha Ịnayịrị,

Oyinyima 41:25

Di Ijosẹẹhụ ka, “Taarụ, Ohomorihi ọ ra à sị zụ ọ ịsị aa vaa mẹ. Ụra ẹnẹnị vị ikonya.

Oyinyima 41:28

Di Ijosẹẹhụ rẹ ka Taarụ anka ọnị mẹ̀ vịdị kà a yọ ịsọọnị, Ohomorihi ọ ra à sị zụ̀ ọ ịsa ana aa vaa mẹ.

2 Ohinọyị 6:27

Dị ohinọyị tụ́ ohi ka, “Heyiye de, Navọ Ẹnẹyịmavara ọ̀ gụ wụ ụvọ?” Ọnị ẹ yị nyị akụ, ọnị ẹ yị nyị eche, Sị ọnị ọ́ọ́ sị gụ ọ ụvọ?

Ịdanịyẹrị 2:47

Dị ohinọyị kà a yị Ịdanịyẹrị ka, ịzẹyịza, Ohomorihi Ịdanịyẹrị o huna avaba ori nịnị nị, dị ọ rẹ nyị avaba ohinọyị nịnị nị. Ọ kà, ọnị ọọ̄ sị ịsa ana tẹẹ zụ aza nị. Ohomorihi ọnọọ ọ mẹ ka ọ̀ zụ ka ẹ yị ọnị ụra ọnị ọnị rá nị.

Ịdanịyẹrị 4:2

Ọ kà, Tangwa o nịnị e! Avaba aza ẹ sị ụtọ pe ẹtẹ dị ẹ̀ wụ́ ịrẹyị ịvọpa ọnị Ohomorihi Enehu kere-kere sị zụ ọnị.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

Ịrịka 12:6

Dị ộ kà ẹnịnị batọ, dị ẹ wụ́ ịrẹyị ọnị aa vaa ka. Ọ kà ụmẹ ana a sị nyị ọnịsẹ anị nịnị ịnị akakana Anisirẹrị nịnị, ọnịị̄ pe wa ka ịrẹyị ịnị etore ọnịrị ịnị ụra nị.

Iruuku 19:42

Dị ọ ka, “Àa yẹ wa hyakụ yẹ ajịnị ịsa ana zụ sị ẹngwọọrọ yị wụ! Ama we yi zụ re e nịnị booro aanị.

Odeyi 3:12

Ípita mè re wa, di o nyima aa kà a yị wa ka, “Ẹwụ nịnị Anisirẹrị, sị ẹ vẹ dị ọ maanị ee hí wu eyi nịnị? Sị ẹ vẹ dị ụ maanị ee re yi nịnị? U wéé ro ka ụkata ayị, à vị ka yâ da nị chẹngụ, ị sị mẹ ka ọnọrụ ọnọnị ọ̀ọ zị ụsẹ nị?

Odeyi 3:7

Dị Ipita sị ụvọ gẹ ẹ ụvọrị, dị ọ sị ọọ kwẹẹtẹ nị. Obooboro, dị ẹchụkụ ahụ anị ọnịrị ataahụ anị sị ụkata nyị nị.

1 Anịkọrịntị 15:10

Ayamva Ohomorihi ọ mẹ ka ma vị ẹngụ ọza ọnị mị vị ajịnị aanị nị. Ayamva ọnị ọ vayị amị ọ rẹ̀ vaa vị ọọhẹ. Ẹma hyakụ mẹ̀ ụkọrọ huna avaba ezirẹma Ijeesu ana vọ nị. Ayị vị ẹmị ụvọta ọ vavọọ zụ mẹ̀ ụkọrọ, ayamva Ohomorihi aa gụ mị ụvọ ka ma vavọọ mẹẹ nị.

2 Anịkọrịntị 3:5

Yẹ yị vavọọ yà ana aa kà a ka ya zụ mẹ̀ ụkọrọ ọnọnị. Ama Ohomorihi aa sị ụkataa yị nị.

Iwe Ọhụhị Imosiisi ana aa hị́ Ọyịvatụrọda 29:29

A nyị ịsa ẹnyị ọnị Ẹnẹyịmavara Ohomorihi sị tẹ̀ yị ẹyị aza: Ama ộ sị ọda anị zụ yị ka ẹnịrị evere ayị ẹ saasa pooro zịna-zịna.