Oyinyima 4:8 - IWE ỌNỊNỊ

⁸ Ẹkụhị ọnya Ikeeni ô pè Ẹba ọyịnyara anị kà ịrẹyị. E mè hi ịnị aarẹ, di Ikeeni za Ẹba dị ọ wụ̀ ọ nị.

Oyinyima 4:8 ပူးပေါင်းရင်းမြစ်များ

Oyinyima 4:25

Adamị ọ rẹ nọ ịda ose anị, dị ọ ma ozi ọnọrụ nị. Dị ọ hị́ ọ Ịsẹtị nị, ọnị ọ vị ka Ohomorihi ọ raà sị ozi ọnọrụ ọsa dọ Ẹba ịrẹsụ mị. Ikeeni mẹ̀ sị Ẹba wụ.

2 Ịsamụwẹrị 14:6

Taarụ, Mâ ma ezi anọrụ ẹẹva. Ê mè hi ịnị aarẹ, dị e ba egidi, dị ẹ yị nyị ọza ịzọọ ana a vọrọ ka ò ji wa. Di ọnya và ịsa hi ọsa ẹngụ, dị ọ sị ọ wụ nị.

2 Ịsamụwẹrị 3:27

Abịna mẹ̀ vavọọ vavẹ va ngụ Ihebirọnị, di Ijowabi hị́ ọ nọ oboka ọnya ini oze ana va ngụ ẹkụra, dị ọ sị mẹ̀ ẹ ka vi ee sì ka ọnị ọ̀ kà ịrẹyị chire e ụtọ nị. E mè tù ịzọọ, di Ijowabi ne ụhwọ ọ ịrẹkụ dị ọ wụ̀ ọ. Avọọ Ijowabi mẹmẹ sí atọ ịrẹyị Asahẹrị ọyịnyara anị ana Abịna wụ nị.

2 Ịtọpa 21:4

Ịjị ịjọva ẹkụra sị ngụ ọ ụvọ ẹtẹẹtẹrẹ, dị ọ wụ́ ẹyịnyara anị ẹnịrị ọdọvịdị Anisirẹrị ẹnyị ha nị.

Inehemaya 6:2

dị Ịsanbaratị ọnịrị Ịgẹsẹmị tụ́ hị́ mị ka ẹmịrị ẹnị ẹ̀ na gẹ ịnị ẹkụra ọnya ana aā hị́ Ikehirimi ana vị ọnyara ịnị ẹkụra eweyi-eweyi ini ozi ẹtẹ Ono. Ama mâ yẹ ka vị́ ẹnịnị ee si oze ọnị ẹ vaa zị mẹ mị ọnyara nị.

Ijoovu 11:15

Ọ̀ọ vavọọ aa mẹ, ụhị ọ̀ yị vaa nyị ọ, dị ọ nyị ọtụtụrụma, dị angwa e yi hi ọ.

Ahẹ Ụgama 139:19

Ohomorihi, àa yẹ wa za aza edivi dị wa wụ̀ wa và ha. Ẹwụ nịnị ene ee sì ọza ka wa wụ̀ ọ, jịnẹ hụrẹ mị eyi nịnị.

Ahẹ Ụgama 36:3

Irenu ọza odivi ọ mā kà ọyịza, di ee vene ọza Ọ yị kụkụ zụ mẹ̀ ebira ịrẹyọyẹ ọnịrị ịsa ene zoza.

Ahẹ Ụgama 55:21

Ọ nyẹngụ kà ịrẹyị mẹnẹ-mẹnẹ, ama ịrẹkụ vi oni o tenyi tụ́ ịnị ayị Mị ka ọ̀ọ kà ịrẹyị, ụ ka ịrẹyị anị vị ẹngwọọrọ, ama ụhwọ vị oni o ne rị ụvọ.

Ihoseya 4:2

Ẹnẹyịmavara kà ẹnịnị aa hị́ eku uruku, di e yee cheeche, dị ẹ yaa wụ́ ọza, di e yee yi oyi, dị ẹ yaa sẹ̀ ịrẹka; dị ezigi hi ẹtẹ avaba aha, dị aza wụ́ ẹngụ ha kẹnẹ nị.

Imika 7:6

Ezi e yị sị ụbanyị yi ada ọnịrị ọnyị ana ma wa vẹ ẹhẹ Ose ozi ọ sị kwẹẹtẹ tù ọnyị ọva anị ka ọ sị dà ajịnị. Anineehi ọza ọ Ẹ kụkụ vị ọnịvị ọza nị, e.

Ịrịka 35:20

Avọọ ọ mẹ rẹ vị yị ọza anaa sị̀ ayamụkụ tụ́ ọza ụvọ, a vị di o ne ịsa ịrịra na wụ́ ọza nị.

Imatiwu 23:35

Agụvị avọọ ịrẹsụ ẹwụ nịnị anya avaba ọnịrẹyịzẹyịza ana a wụ̀ aa vẹ nị, hụụnị Ebẹrị ọnịzẹyịza ana a wụ̀ na ngụ usu Ịzakaraya, ozi Ibarakaya ọnị ụ wụ ịnị akakana irehi Ohomorihi ọnịrị ụta ịsọvọ nịnị.

Iruuku 11:51

O vee nyima hụụnị Ebẹrị ana a wụ̀ na ngụ Ịzakaraya ana a wụ ịnị akakana ụta ọnịrị irehi Ohomorihi. Ịzẹyịza, m maa kà a wụ nị, anụmẹ ọnọnị Óhomorihi vaa sị ụya ịrẹyị aza ẹnẹnịị rị nị.

Iruuku 22:48

Dị Ijeesu kà a yọ ka, “Ijudasi, wee kú emi Ozi ọza onigirima irenu, agụvị di u we re oze sị mị chire ọnịvị amị ụvọ nịị?”

Anihiburu 11:4

Ini oze ka Ẹba ộ sị ayị tụra Ohomorihi, ọnị ọ mẹ ka Ẹba ọ̀ mẹ̀ ịsọvọ ene huna Íkeeni nị. Ohomorihi ộ zaa ịrịka ka ọnịzẹyịza ọ vị nị, dị ọ dọ ẹyịza anị nị, agụvị ka ộ sị ayị tụra Ohomorihi. Ẹba ô wusu; ama agụvị ka ộ sị ayị tụra Ohomorihi, aa yịị kà ịrẹyịị yị pooro ve tù ajịnị.

Anihiburu 12:24

Wa zị vẹ ịdị Ijeesu nịnị, ana yà ịnị akakana aza ọnịrị Ohomorihi ini oze oto ọwọọwa, dị o re che anya anị sẹ́ ẹtẹ nị. Ịsa ana anya ọnọọ aa kà, o zoza huna ịsa ana anya Ẹba aa kà nị.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.