Oyinyima 4:7 - IWE ỌNỊNỊ

⁷ Ọ kà ọọ yaanị mẹ̀ ebira ana vọrọ, ịnẹ anị yaanị ee hine aanị. Ọ rẹ ka ọ̀ yị mẹ̀ ebira ana vọrọ, ịvị ọ sị gụrị ọ ee sì ka ọnị ọ̀ nyị ehuna anị Ọ kà ama ọ̀ sị vụrị di ò re ka ọnị ô huna a.”

Oyinyima 4:7 ပူးပေါင်းရင်းမြစ်များ

Oyinyima 19:21

Dị anggẹẹrị ọnọọ ka, “Ooho, ẹnị e yi vee vu ẹkụra ana aa kà aanị ẹtẹ.

Oyinyima 3:16

Di Ohomorihi kà a yị ọnẹẹ ọnọọ ka, “Ọnị vaa sị eyi anị re ịrẹyị ẹtẹẹtẹrẹ àa ma ozi. Vị ọ vaa zị ọ ẹnẹmẹhị nị. Ama vi o vee yii sì ka ọnị ọ̀ yà ịda ọva anị nị, di ahịka ọnị aa mẹ ọdaa tụra a nị”.

2 Ịsamụwẹrị 24:23

Taarụ, avaba mị kụ́ yị wụ ọọhẹ nị. Ẹnẹyịmavara Ohomorihi awụ ọ̀ navọ ò tụ́ wu ohi ọyịza.”

2 Ohinọyị 8:28

Ohinọyị Ahaziya ộ saasa Ijorami ohinọyị Ísirẹrị ne pe Ihazayẹrị ohinọyị Isiriya kụ̀ ịrẹkụ. Ịzị aā hị́ Ịramọtị ịnị ẹtẹ Anigiriyadi isoja ẹnịnị na gẹ nị, dị a tọ̀ Ijorami ụnava ịnị ịrẹkụ ọnọọ nị.

Ijoovu 11:14

Dị ọ̀ va hụụnị ebira odivi anị, dị asị ọ zẹ ka aza ene hi ini eehi anị ẹẹ mẹ̀ ebira odivi.

Ijoovu 11:15

Ọ̀ọ vavọọ aa mẹ, ụhị ọ̀ yị vaa nyị ọ, dị ọ nyị ọtụtụrụma, dị angwa e yi hi ọ.

Ijoovu 29:4

Ịjọnọọ vị ọnị ọnị jẹẹ, dị ọnịrị Ohomorihi zee, dị ọ vị aha yị irehi anị.

Ijoovu 42:8

Ịzịịzọọ, ẹnịnị ẹ na sị ụnọ ịhịmba, ọnịrị ịdẹba ịhịmba ne tu Ijoovu, dị aa sị mè ịsọvọ ana aā rị ịra. Ẹnẹyịmavara kà ọnị vaa wụ́ aduwa ọnị Ijoovu ọ̀ọ mẹ̀ yị wa. Ọnị ẹ yị va mẹ̀ ụhị nyị wa anka ebira ẹnịnị. Ẹnịnị ẹ yị ka ịzẹyịza anka Ijoovu.

Ụhịrẹyị 18:5

Ẹ yị vọrọ ka ọmọkarẹyị ọ̀ jị ịhị yị ọza odivi, dị ọ jị ịvị yị ọnịzẹyịza.

Ụhịrẹyị 21:27

Ẹnẹyịmavara ọ̀ nyị ịhyẹrẹ ịsọvọ ọnị aza edivi aa mẹ̀ dị ọ vaa sị vị ka agụvị ịsa odivi ẹ yaa mẹ̀ ẹ nị.

Ijeremaya 3:12

Ẹnẹyịmavara kà ọnị ọ na nọ̀ ọ yị Anisirẹrị nịnị ka, ẹwụ nịnị Anisirẹrị, aza anị ẹnẹ ẹ yị nyị ịzẹyịza, và vẹ eehi nịnị, dị waa ka ọnịị vẹ nịnị, agụvị ka ọnịị vayị ọza. Ọnị ẹ yị vaa kụ́ ayịị hi u nịnị zịna-zịna.

Ijeremaya 6:20

Ẹnẹyịmavara kà, sị ẹ vẹ dị ẹ yaa kụ eturare hụrị ẹtẹ Ịsẹba va yị ọnị? Sị ẹ vẹ dị ẹ yaa ku ịsị ohine hụrị aha onoze vẹ va yị ọnị. Ọ kà ọnị ẹ yị vaa dọ ịsị ịsọvọ ẹnịnị, ịsọvọ ẹnị ẹ yaa mẹ e yị hine ọnị.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.

Ịmarakayị 1:10

Dị ọ kà, ayị anị eyi hine tu ịsọvọ ẹnịnị. Aa yẹ a hyakụ kụkụ gu oze hi irehi anị ọnọọ. Dị asị ẹnịnị kụkụ hu ịra tụ ịzọọ agụvị ka ayị anị e yi hine tụ ịnị ịsọvọ kẹnẹ-kẹnẹ ọnị ẹyaa mẹ avọọ.

Ịmarakayị 1:13

Dị Ẹnẹyịmavara ana vị Ochẹtẹẹngụ kà, aza ẹnẹẹ ka ịsọvọ anị o ku du eni eyi, dị ẹyaa jị ọ agụ nị, dị ẹyaa sị ịsụpa ẹnẹ sị ụkata-ụkata dọ ọza ọnịrị ịsụpa ene che ahụ beri ịsụpa ọnị ẹngụ aa zị va mẹ̀ ịsọvọ yị ọnị nị. Éé ro ka ọnị va dọ ẹngụ ịsọvọ ẹnịnị ọnọọ nị?

Ịmarakayị 1:8

Ẹ̀ẹ vị avọọ, áá vọrọ ka ẹẹ sị ịsụpa ene gu eyi ọnịrị ene che ahụ beri ẹnị ụkụ za va mẹ̀ ịsọvọ yị ọnị? Ẹ́ẹ́ zụ sị ẹngụ ịsa ẹnẹẹ na yị Ịgọvọnọ ẹnịnị? Ẹnẹyịmavara Ochẹtẹẹngụ kà, ẹnịnị éé ro ka ayị Ịgọvọnọ ẹnịnị ọnọọ vee hine tụ ẹnị?

Ịrịka 32:23

Ama ẹnịnị ẹ yị vavọọ mẹ, ẹ raà rị ịvị Ẹnẹyịmavara, dị ọ sị ụya anị rị wa.

Odeyi 10:35

Ọza ene èe hí angwa anị, dị ọ mẹ̀ ịsa ana vọrọ nị, vị Ohomorihi aa dọ ọ nị, anẹkụra tụra anẹkụra ọnị ọ̀ọ vị.

Aniroomi 12:1

Ẹwụ nịnị ẹyịnyara amị, aarịhịnị, maa sị ayamva Ohomorihii dá ịpẹẹ wụ nịnị ẹtẹẹtẹrẹ. Navọ wa sị avaba ẹngụ awụ nịnị yị Ohomorihi anka ịsa ịsọvọ ana yára, dị ọ vị ọnịnịn, di o re zé Ohomorihi eyi! Ọnọọ ọ vị ahẹkẹ Ohomorihi obooro anaa vọrọ ka waa mẹ nịnị nị.

Aniroomi 14:18

Ọza ana àa vavọọ aa hẹkẹ Ikirisiti, óo zé Ohomorihi eyi, aza ẹ rẹ sị ụvọ tụ́ ọọ bẹẹ.

Aniroomi 15:16

ka ma vị ozi ahụ Ijeesu Ikirisiti dị maa nọ ịda Anigiriki. Maa naa mẹ̀ ụkọrọ anka ohirẹsụ irehi Ohomorihi avọọ, m màa kà enube ọyịza Ohomorihi. Mị vavọọ aa mẹ, agụvị aza ẹnẹẹ ẹ̀ zụ yà anka ịsa ene zé Ohomorihi eyi. Ụhwẹ Ọnịnị ộ vara a ọnịnịị yọ.

Aniroomi 6:12

Asị ụ kụkụ zẹẹ ka ịvị ọ̀ kụkụụ mẹ ọdaa tụra ẹngụ awụ nịnị, ana ahịka o vee sú! Asa ahịka ịsị ọchẹngụ awụ nịnị òo yi sì kẹnẹ, ẹwụ nịnị raa mẹ avọọ nị!

Aniroomi 6:16

Wáa yẹ nịnị ka ọza ọnị ụ wàaa hụrẹ ẹngụ awụ nịnịị ụvọ yị anka ọrịhị, áa nyị ka waa mẹ̀ ịsa ọnị ọ̀ọ kà. Ọza ọnị ụ wàa vavọọ aa wụ́ ịrẹyị anị, ọrịhị ọza ọnọọ ụ vị nịnị nị. Wa zụ hụrẹ ẹngụ awụ ụvọ yị ịvị, ọnị ọdịrẹma anị vị isu; wa rẹ nyẹngụ aa mẹ ịsị Ohomorihi ọ̀ọ kà, ana vaa mẹ ka Ohomorihi ọ̀ jị ịhị wụ nịnị.

Anẹhwẹsọsị 1:6

À vẹ yaa ga Ohomorihi, agụvị ka ayamva anị ọ́ọ nyị ụbanyị ẹtẹẹtẹrẹ, ọnị ọ vị ka ộ vayị ayị ini oze Ozi anị oni o sì ịrẹyị anị ẹtẹẹtẹrẹ.

1 Itimoti 5:4

Osoku ana àa ma ozi, à vị ka dị ọ nyị aazị nị, áa vọrọ ka ezi ẹnẹẹ ẹ̀ vịdị tẹsị aneehi ẹnịnị, anka Óhomorihi mè sì ọọ. Avọọ ẹ mẹ̀ zụ mẹ sí aza ana ma wa ụta nị. Ịsị Ohomorihi sì ọ vị ọnọọ nị.

Anihiburu 11:4

Ini oze ka Ẹba ộ sị ayị tụra Ohomorihi, ọnị ọ mẹ ka Ẹba ọ̀ mẹ̀ ịsọvọ ene huna Íkeeni nị. Ohomorihi ộ zaa ịrịka ka ọnịzẹyịza ọ vị nị, dị ọ dọ ẹyịza anị nị, agụvị ka ộ sị ayị tụra Ohomorihi. Ẹba ô wusu; ama agụvị ka ộ sị ayị tụra Ohomorihi, aa yịị kà ịrẹyịị yị pooro ve tù ajịnị.

Ijemiisi 1:15

Ariro odivi ọnọọ ọọ̄ mẹ̀ ọza ka ọ̀ mẹ ịvị nị. Ịjị ọza ọ̀ọ sị ịvị mẹ ta, dị ahịka isu ọ zaa ịrẹsụ nị.

1Ipita 2:5

Ẹwụ nịnị nyẹmba vị ana rẹ yà anka ịrẹta ana yára avọọ. Ohomorihi aa sị wụ nịnịị dà irehi anị ana yára. Ohomorihi ọ raà sị wụ nịnị tụ́ irenyi yị ẹngụ anị anka ohirẹsụ irehi Ohomorihi nịnị, ka wa sị ụkata Ụhwẹ Ọnịnịị hẹkẹ Ohomorihi nịnị. Ọnọọ ọ vị ịsọvọ ọnị waa mẹ̀ ẹ hi Ohomorihi ini oze Ijeesu Ikirisiti nị. Ịsị Ohomorihi sì ọ vị ọnọọ nị.