Oyinyima 4:5 - IWE ỌNỊNỊ

⁵ Ama ebira Ikeeni ọnịrị ịsọvọ ọnị ọ mẹ e yi zee Ohomorihi eyi. Agụvị avọọ dị ayị Ikeeni aa dà ọ̀va, dị ọ sụ́ eyi anị nganganga nị.

Oyinyima 4:5 ပူးပေါင်းရင်းမြစ်များ

Oyinyima 31:2

Ijekọvụ o re re ka Ịrabanị o yi kuku sị eyi ọyịza re ọnị.

Oyinyima 31:5

Dị ọ kà a yị wa ka ọnị o si re ka ada ẹnịnị ọ yị kụkụ sị eyi ọyịza re ọnị anka ịyẹẹyẹ. Ama Ohomorihi ada anị vị ana jẹẹ ọnị ịrẹma.

Oyinyima 39:19

Ịjị ọga Ijosẹẹhụ maanị wụ́ ịrẹyị oni ose anị kà, ka aanị Ijosẹẹhụ ozi ahụ anị mẹ̀ mẹ̀ ọnị nị, ayị ọga Ijosẹẹhụ ọ sị tụ́.

Ijoovu 15:13

Ọ kà Ijoovu aa kụ ayị hi Ohomorihi dị ọ raa ka chire e nị.

Ijoovu 5:2

Ọyịha ọnịrị ụhị ọyịkụ ọ vaa wụ̀ ọnụra nị.

Ahẹ Ụgama 20:3

Ohomorihi ọ̀ navọ avaba ịsọvọ ọnị waa mẹẹ yọ ọ̀ ngụ ọ eyi, dị ọ̀ dọ.

Ụhịrẹyị 19:3

Ọza ẹnyị ọọ raa sị ụra wụ ẹngụ anị dị a su ọ za Ẹnẹyịmavara.

Ụhịrẹyị 29:10

Ọwọza nịnị vị anaā nyị ịhyẹrẹ ọnịzẹyịza, ví eē si ka ẹnị ẹ wụ̀ ọnịzẹyịza kwooze nị.

Ịrẹyị Ọzwọzịsa 4:4

Ọ kà ọnị ọ sị yẹ ka agụvị ọzọza ọ̀ dụ ọpa anị kẹnẹ aa sị aza mẹ̀ ụkọrọ dị ẹ yị nyị eyi tụ́ ụhwọ́ nị. Ịsị aa sị aza dụ ọyịkà tụ ọvịdị baaba ọ vị ọnọọ nị. Ọsọnị bẹẹ rẹ vị osusu, anka ọza o rere aa dụ ahị avọọ.

Ayịsaya 3:9

Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.

Ịrịka 16:15

Ịrẹyị ọnọọ ọ kụ Imosiisi ayị, dị ọ mẹ̀ aduwa ka asị Ẹnẹyịmavara dọ ịsọvọ ẹnịnị. Ọ kà a yị nyị ịsị ọnị dọ wa. Ọnị ọ yị dọ wa ịkẹrịkẹtẹ.

Imatiwu 20:15

Aanịka me yi re oze sị ẹkẹhị amị mẹ̀ ịsa ene zé mi eyi? A vị agụvị ka mâ mẹ ẹyịza, áyị aa sịị kụ́ wụụ?

Odeyi 13:45

Ịjị Aniju nịnị maanị re ọkọnị aza ẹnẹẹ, ẹyaa kụ̀ ụhị dị ẹ ka, ịrẹyị Ịpọọrụ vị ireche, dị ẹya kụ̀ ọọ ụhụ nị.

Anihiburu 11:4

Ini oze ka Ẹba ộ sị ayị tụra Ohomorihi, ọnị ọ mẹ ka Ẹba ọ̀ mẹ̀ ịsọvọ ene huna Íkeeni nị. Ohomorihi ộ zaa ịrịka ka ọnịzẹyịza ọ vị nị, dị ọ dọ ẹyịza anị nị, agụvị ka ộ sị ayị tụra Ohomorihi. Ẹba ô wusu; ama agụvị ka ộ sị ayị tụra Ohomorihi, aa yịị kà ịrẹyịị yị pooro ve tù ajịnị.

Ijudi 1:11

Aza ẹnẹnị ẹ sị da. Ẹyaa mẹ̀ ebira odivi anka Ikeeni. Ẹ raa sị avaba ẹngụ ẹnịnị tụ́ ịnị ịsa odivi ọyị mẹ, agụvị ẹ zụ nyị ẹkẹhị, anka Ịbaraamị ọnị mẹ̀ rẹ mẹ. Ẹnịnị vị anaā kwẹẹtẹ tu ọza ene huna wa, anka Ikora mẹ̀ mẹ, dị o sú ne ta.

1 Ịsamụwẹrị 16:7

Dị Ẹnẹyịmavara va hị́ Ịsamụwẹrị dị ọ ka asị ụ re eyi ịrẹsụ anị ọnịrị ọ mẹmẹ hụ, agụvị ka ẹ yị vị avọọ ọnị mẹẹ̄ nyị ọza rị ohinọyị. Ọ kà a yị vị ọza mèe re ẹtẹ ọnịị̄ re ẹtẹ. Ọ kà ọza vi ene eē re ẹhẹẹhẹ, ama ọnị Ẹnẹyịmavara vi ene eē re ayị ọza.