Oyinyima 4:4 - IWE ỌNỊNỊ

⁴ Di Ẹba ọnị rẹ sị atẹmẹ ịpaapa ana atẹmẹ anị ma, dị ọ wụ̀ ọ, dị ọ sị ene zoza ịnị anị hu, dị ọ sị mẹ̀ ịsọvọ yị Ẹnẹyịmavara nị. Ebira Ẹba ọnịrị ịsọvọ ọnị ọ mẹ ộ ngụ Ohomorihi eyi.

Oyinyima 4:4 ပူးပေါင်းရင်းမြစ်များ

Oyinyima 15:17

Ịjị ọyị sị ngụ ẹtẹ, dị ẹtẹ si hozi, di o vene re ka ụgụga ana nyị ịra ọnịrị ọchị ene e si hū ịra ệ zi oze ịnị akakana uye ẹnẹẹ aa parahu nị.

Oyinyima 4:3

Ẹkụhị ọnya di Ikeeni sị ịsa ịnị aarẹ anị ka ọnị ọ̀ sị na mẹ̀ ịsọvọ yị Ẹnẹyịmavara nị.

1 Ohinọyị 18:24

Di u nowu hí ori awụ nịnị, dị ẹmị rẹ hị́ Ẹnẹyịmavara. Eni èe ne tụ́ ohi dị ọ sị ịra vẹ nị, dị a yẹ ka ọnọọ ọ vị Ohomorihi obooro nị.” Dị avaba aza ẹnẹẹ tụ́ ohi dị ẹ ka ịrẹyị eni Erija kà ô zoza nị.

1 Ohinọyị 18:38

Dị ịra vana hụrẹ ịda Ẹnẹyịmavara vẹ, dị ọ rị ịsa ịsọvọ ọnọọ ọnịrị ọkụ anị ịra nị. Ịrẹta ọnịrị ezi ne beri enyi ene hi ini ahata vị ọnị ịra ọnọọ rị saka-saka.

1 Ịtọpa 21:26

Idevidi ô hí ụta ọ̀ yị mẹ̀ ịsọvọ hi Ẹnẹyịmavara tụ́ ịzọọ. Dị ọ mẹ̀ ịsọvọ ana aā rị ịra ọnịrị ịsọvọ ọ̀ yị mẹ uzee ịzọọ hi Ẹnẹyịmavara nị. Ộ mẹ̀ aduwa, dị Ẹnẹyịmavara tu ọ ohi nị. Ộ mẹ ka ịra ọ̀ hụrẹ ẹbẹẹba va rị ịsa ịsọvọ anị ịrẹsụ ụta nị.

2 Ịtọpa 7:1

Isoromọnị mẹ maanị mẹ̀ aduwa ta kẹnẹ, ịra hụrẹ ẹbẹẹba chi vẹ, dị ọ va rị ịsọvọ anaā rị ịra ana ya ịrẹsụ ụta ịra nị. Obobooro ọnọọ di ụbanyị Ẹnẹyịmavara vị ẹtohweyi dọ avaba irehi anị nị.

Ahẹ Ụgama 20:3

Ohomorihi ọ̀ navọ avaba ịsọvọ ọnị waa mẹẹ yọ ọ̀ ngụ ọ eyi, dị ọ̀ dọ.

Ọyịkụra 13:12

ozi ịpaapa vị ọnị ẹ vaa sịị yị ọnị Ẹnẹyịmavara nị. Ọ kà avaba ozi ịpaapa ọnị ịsụpa ẹnịnị ma ana vị araka vị ọnị ẹ vaa sịị yị ọnị.

Ụhịrẹyị 3:9

Sị ogu awụ ọnịrị avaba ịsa ịnị aarẹ ịpaapa awụ va sị ụbanyị yị Ẹnẹyịmavara.

Ịrẹyị Ọzwọzịsa 4:4

Ọ kà ọnị ọ sị yẹ ka agụvị ọzọza ọ̀ dụ ọpa anị kẹnẹ aa sị aza mẹ̀ ụkọrọ dị ẹ yị nyị eyi tụ́ ụhwọ́ nị. Ịsị aa sị aza dụ ọyịkà tụ ọvịdị baaba ọ vị ọnọọ nị. Ọsọnị bẹẹ rẹ vị osusu, anka ọza o rere aa dụ ahị avọọ.

Ireevi 9:24

Kẹnẹ, dị Ẹnẹyịmavara vana mẹ ka ịra ọọ za, dị ọ̀ rị avaba ịsị ịsọvọ ana aa rị ịra ọnịrị avaba ụhị ana ya ịrẹsụ ụta ịsọvọ nị. Ịjị avaba aza ana gụ ré e, dị ẹnịnị na owu zẹtẹ, dị e và eyi kú ẹtẹ nị.

Ịrịka 16:15

Ịrẹyị ọnọọ ọ kụ Imosiisi ayị, dị ọ mẹ̀ aduwa ka asị Ẹnẹyịmavara dọ ịsọvọ ẹnịnị. Ọ kà a yị nyị ịsị ọnị dọ wa. Ọnị ọ yị dọ wa ịkẹrịkẹtẹ.

Ịrịka 16:35

Dị ịra chi hụụ ịdị Ẹnẹyịmavara vẹ vaa rị aza ẹnị ịrẹka tụra ẹvarẹwụ anaa rị eturare ịra.

Ịrịka 18:12

Ẹnẹyịmavara kà ọnị raa sị ịsa ịnị aarẹ ịpaapa ana aā vaa sị ọnị yị wa: angwẹ orivi ene zoza, ọnịrị eche ọwọọwa ene zoza ne beri akụ.

Ịrịka 18:17

Ama ọ zụ mẹ dị wẹ yị sị ẹkẹhị jị ezi ịpaapa imaaru atẹmẹ ne beri ẹvụ. Ẹnịnị ẹ̀ sị vị Ẹnẹyịmavara agụvị ka ẹnịnị a raa sị wa tụ́ irenyi. Che ẹnịnị sẹ ụta, dị ọ rị ụhị anị ịra mẹ̀ ịsọvọ ana aa rị ịra. Ayị Ẹnẹyịmavara vee hine tu ọ.

Anihiburu 11:4

Ini oze ka Ẹba ộ sị ayị tụra Ohomorihi, ọnị ọ mẹ ka Ẹba ọ̀ mẹ̀ ịsọvọ ene huna Íkeeni nị. Ohomorihi ộ zaa ịrịka ka ọnịzẹyịza ọ vị nị, dị ọ dọ ẹyịza anị nị, agụvị ka ộ sị ayị tụra Ohomorihi. Ẹba ô wusu; ama agụvị ka ộ sị ayị tụra Ohomorihi, aa yịị kà ịrẹyịị yị pooro ve tù ajịnị.

Anihiburu 9:22

Anka ọda Imosiisi, ọ sị vọ chee, a hị́ ka avaba ịsa aā sị anyaa vara ọnịnị nị. Ẹ̀ yị vị e che anya sẹ́ ẹtẹ, ọza ọyị zụ nyịna ịvị kwooze.

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Ọdọvịdị 6:21

Anggẹẹrị Ẹnẹyịmavara ộ sị ịrẹsụ okutẹ ọnị ọ sị rị ụvọ kanyị uye ọnịrị ụbụrẹẹdị, dị ịra kwẹẹtẹ hụụnị ịda, dị ọ rị ịsa ẹnẹẹ nị. Obobooro ọnọọ dị anggẹẹrị ọnọọ vu nị.

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.