Oyinyima 4:22 - IWE ỌNỊNỊ

²² Izira ọnị ộ ma Itubari Ikeeni. Itubari Ikeeni vị anaā mẹ ụ̄hị́, di aa sị enyusẹ tụ́ ịsa irenyi-irenyi. Ọyịnyara Itubari Ikeeni ana vị ọnẹẹ ọ rị Inaama nị.

Oyinyima 4:22 ပူးပေါင်းရင်းမြစ်များ

Oyinyima 4:21

Ọyịnyara Ijabari ọ rị Ijubari nị. Ọnị ọ vị ọnịpaapa eneē hú àgidibò ọnịrị okokoro nị.

Oyinyima 4:23

Ẹkụhị ọnya di Irameki hị́ ese anị dị ọ ka, “Ada ọnịrị Izira, ọ wụ́ ịrẹyị anị ọ ka, ẹwụ nini ese emi, mị ka we batọ ịrẹyị amị nịnị. Ọ kà â nyị ọza ana tụ̀ ọnị ụnava, dị ọnị wụ̀ ọ nị, ozwọọmụha ọnya mẹ̀ nya ọnị ịsa vị ọnị hyakụ rẹ wụ̀ ọ nị

2 Ịtọpa 2:7

Isoromọnị ka Ihurami ana vị ohinọyị Anitaya ọ kụ anụkọrọ ana yara tụ́ igooru, isiriva, ọnịrị enyusẹ ana vọ va yị ọnị. Ọ rẹ kụ aza ana yara mẹ achị ịrẹdọ ovivi, uvuru, ọnịrị enyi achị ana vọ va yị ọnị. Anụkọrọ ẹnẹẹ vaa va ụvọ beri anụkọrọ ọnị Idevidi nyị ene hi Ijuda ọnịrị Ijerusarẹmị.

Ọyịkụra 25:3

Ịsa anị Anisirẹrị vaa sị naa mẹ Ẹnẹyịmavara ẹyịza ẹ vị igooru, ẹkẹhị ọnịrị enyusẹ ana aā hị́ ịkọpa.

Ịrịka 31:22

Ọ kà Igooru, isiriva, ọswẹ, enyusẹ, oje, ọnịrị ịrẹdị

Iwe Ọhụhị Imosiisi ana aa hị́ Ọyịvatụrọda 33:25

Oze enyusẹ e vee si gu ẹkụra ẹnịnị. Ẹ yị nyị ịsị ẹ vaa mẹ wa pooro.

Iwe Ọhụhị Imosiisi ana aa hị́ Ọyịvatụrọda 8:9

Ịnị ẹtẹ ọnọọ, ẹ yị vaa nyị ụngwẹ, ịsa ẹ yị vaa zwọ́. Ịrẹta ene hi ịzọọ vị ịrẹta enyusẹ, dị otutu ẹnịnị vị ẹtẹ Enyusẹ Ịkọpa nị.