Oyinyima 4:20 - IWE ỌNỊNỊ

²⁰ Ada ọ ma Ijabari nị. Ijabari ọnọọ ọ vị ọnịpaapa ana ra ịnị ajẹngụ, dị ọ pá imaaru nị.

Oyinyima 4:20 ပူးပေါင်းရင်းမြစ်များ

Oyinyima 25:27

Ezi ẹnẹẹ mẹ̀ sị hụ̄, Iisọ ọnị vị ozube obooro, dị ọọ̄ ngụ avị nị. Ijekọvụ ọnị vị ọza hẹẹ aanị, di ahịka ini eehi ọọ̄ yà nị.

Oyinyima 4:19

Irameki ọnọọ ọnị ộ nyị ọnẹẹ ẹẹva. Ọnya ọ rị Ada dị ọsa ọnị rị Izira nị.

Oyinyima 4:2

Ọ rẹ ma ozi ọnọrụ ọsa ana aā hị́ Ẹba. Ẹba, ọ mẹ sị vịra dị aā pá atẹmẹ ọnịrị ẹvụ nị, di Ikeeni ọnị aa kụ́ ịrịkụ nị.

Oyinyima 4:21

Ọyịnyara Ijabari ọ rị Ijubari nị. Ọnị ọ vị ọnịpaapa eneē hú àgidibò ọnịrị okokoro nị.

Ịjọọnụ 8:44

Ezi ada awụ nịnị ụ vị nịnị nị; ada awụ nịnị ọnọọ ọ vị Echu nị. Ịsa ana ada awụ nịnịị̄ sì kẹnẹ, ụ waa mẹ nịnị nị. Ọwọza ọ vị hụrẹ ụmọrụmọ nị. Ọ mā rẹ saasa ịzẹyịza, agụvị ka ẹ yị nyị ịzẹyịza ikonya ịnịnẹ anị. Èe cheeche, ebira anị aa mẹ avọọ nị, agụvị ka onireche ọ vị nị. Ọnị nyẹmba ọ vị ada ireche nị.

Anihiburu 11:9

Ini oze ka Abụrahamị ộ sị ayị tụra Ohomorihi, ọ na ra ịnị ẹtẹ oni Ohomorihi ka ẹ yị zụ nyị ka ọnị ọ yị vaa sịị yọ. Ộ yà ịzọọ anka ọzọga. Ọnị beri Ayiziiki ọnịrị Ijekọvụ oni Ohomorihi rẹ hị́ eku ọnọọ vị ana ra ịnị ajẹngụ kẹnẹ,