Oyinyima 39:9 - IWE ỌNỊNỊ

⁹ Ọ rẹ ka ẹ yị kụkụ nyị ọza ana nyị ọda hu ọnị ini eehi ọnọnị. Ọ kà ẹ yị rẹ nyị ịsị ọga anị ọ̀ yị sị yị ọnị, à yị hụhụ vị ọnị ịnya kẹnẹ agụvị ka ọnị ọ vị ose anị. Ọ kà o mè ro ka ọnị ọ zụ mẹ̀ ẹngụ ebira odivi ọnọnị, ebira odivi ọbanyị ọ vị ágada Ohomorihi nị.

Oyinyima 39:9 ပူးပေါင်းရင်းမြစ်များ

Oyinyima 13:13

Ama Anisodọmị vị aza edivi hangụ-hangụ, dị ẹ nyayịnẹ aa mẹ̀ ebira odivii ene du Ẹnẹyịmavara ayị nị.

Oyinyima 20:3

Ama ịnị ịrahụ ịhị ọnọọ gẹdẹ-gẹdẹ, dị Abimẹrẹkị ra ụra re Ohomorihi nị. Di Ohomorihi kà a yọ dị ọ ka, “Wéē wusu, ẹwụ ọnọnị, agụvị ọnẹẹ ọnị ẹ na sị avọọ. Ọ̀ ka ọ́ọ́ yẹ ka ose onose yọ nị?”

Oyinyima 20:6

Di Ohomorihi kà a yọ dị ọ ka: Ịzẹyịza ọnị ọ yẹ ka ayị ọnya ọ vavọọ sị mẹ̀ nị. Ọ kà ọnị ọ rẹ ẹ̀ yị zẹẹ ka ọ kanyị ọ nị ka ọ va rị ịvị ọnị Ohomorihi.

Oyinyima 20:9

Di Abimẹrẹkị va hị́ Abụrahamị dị ọ họ̀ ọ dị ọ ka, “Sị ọ mẹ yị aanị? Ọ kà sị ọnị na mẹ̀ ẹ dị ọ maanị mẹ ka ọnịrị anẹkụra anị ọ̀ maanị na mẹ ịvị ọbanyị? Ọ kà ịsị ọ mẹ̀ ọnị aanị ọ yị vọrọ.”

Oyinyima 24:2

Ẹhụhị ọnya di Abụrahamị kà a yị ozi ahụ anị ana vị ọzọkụ ana sị eyi pè avaba ịsa ọnị ọ nyị dị ọ ka, “Ọ̀ Sị ụvọ chire ọnị agada,

Oyinyima 39:10

Ọnẹẹ ọnọọ vị ana aa yịị kụ́ ịrẹka hi Ijosẹẹhụ ẹngụ eyinị-eyinị, ama Ijosẹẹhụ ọ yị dọ ka ọnịrị ọ ọ̀ sụ. Ọ yị hyakụ dọ ka ọnị ọ̀ gụrị ọ.

Oyinyima 41:40

Ọ kà ọnị ọ vaa sị eyi pè ẹkụra anị nị. Ọ kà ịsị ọọ ka aza anị ẹ̀ mẹ kẹnẹ avaba ẹnịnị vaa mẹ nị. Ọ kà ini oze ka ọnị vị ohinọyị nị kẹnẹ oni ve sii huna a nị.”

Oyinyima 42:18

Ịhyẹgwẹta anị di Ijosẹẹhụ va hị́ wa dị ọ ka, “Ọnị ộ nyị angwahi Ohomorihi. Ẹ̀ẹ mẹ ịsị ọnị kà ọza ọ yị vaa wụ̀ wa.

2 Ịsamụwẹrị 11:27

Ịjị ọ sị orere anị jị ta, dị Idevidi tụ́ ka à na sị ọ va tụ́ ini eehi anị nị. Di Idevidi kụkụ nyị ọ, dị ọ ma ozi ọnọrụ ọnya yọ nị. Ama ịsa oni Idevidi mẹ avọọ ộ kụ́ Ẹnẹyịmavara ayị.

2 Ịsamụwẹrị 12:13

Di Idevidi kà a yị Inatanị dị ọ ka, “Ma sị ebira odivi mẹ hi Ẹnẹyịmavara.” Di Inatanị tụ́ Idevidi ohi dị ọ ka, “Ẹnẹyịmavara ọ raà jị eyi vee hụụnị ebira odivi ọnị ụ mẹ. We yi kuku vee sú.

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Inehemaya 6:11

Dị mị tụ ọ ohi ka sị ẹ vẹ dị ẹngụ ẹmị ọnọnị ee zwe na tẹ̀? Óó ro ka mị maa na tẹ̀ ịnị irehi Ohomorihi agụvị ụhwẹ amị? Mẹ yị nọ!

Ijoovu 31:23

Mẹ yị nyayịnẹ vavọọ mẹ̀ ebira, agụvị ka angwa ọkarẹyị Ohomorihi ee hí mi.

Ahẹ Ụgama 51:4

Ohomorihi, ẹwụ nya chọ̀chọ̀chọ̀ kẹnẹ m maanị rị ịvị anị nị Ẹwụ m maanị mẹ̀ ebira odivi hi nị Ịrẹyị ọnị ụ kà ọnịrị ọkarẹyị ọnị ụ mẹ vị ana vọrọ.

Ọyịkụra 20:14

Wẹ yị nyayịnẹ sẹ̀ ịrẹka.

Ụhịrẹyị 6:29

Avọọ ọza ana dụ ose ọzaa zị mẹ vee re nị. Ọ yị zụ mẹ̀ ẹ dị ọọ sị rị.

Ụhịrẹyị 6:32

Ọnọrụ ana aa sị ose ọza ọ yị yẹ ịrẹyị. Ẹngụ anị kẹnẹ aa va nẹtẹ nị.

Ịrẹyị Ọzwọzịsa 7:26

Ọ kà ọnị ọ sị yẹ ka ọnyẹnẹẹ anaā sẹ̀ ịrẹka o divi huni iswọọza nị. Ọ̀ọ ka ọnị oo sì ịrẹyị awụ, ịrẹpa aa vàa zi wụ nị. Ọ̀ọ ha ụvọ kara awụ, vị aa sịị mẹẹ anka aa sị ẹba sụ ọza avọọ nị. Aza anaā mẹ ịsị ọnị Ohomorihi sị kẹnẹ ẹ zụ ha hụrẹ ẹ ụvọ nị, ama ịrẹpa anị vị ana vaa za aza anaā mẹ̀ ebira odivi.

Ijeremaya 28:16

Avọọ, Ẹnẹyịmavara kà ọnị vaa sị ụ hụrị ẹhẹ. Wee sú dị ịrayị ọnọnị ọ̀ gẹ, agụvị ka wàa sị ịrẹyị irenu awụụ kụ̀ụ hịrẹ Ẹnẹyịmavara.

Ijeremaya 50:7

Avaba aza ene ré wa vị ana kwẹẹtẹ tu wa. Ọnịvị ẹnịnị ka, ịsa tụra ịsa ọnị ẹnị ẹẹ mẹ wa booro aanị, ẹnị ẹ́ yị rị ịvị, agụvị ka Anisirẹrị nịnị ẹ mẹ̀ ebira odivi hi Ẹnẹyịmavara nị. Ẹnẹyịmavara ọnọnị ọọ̄ sị ẹngwọọrọ yị wa nị. Ọnị ohiku Anisirẹrị vịdị sị ayị tụra nị.

Ireevi 20:10

Ọza ọ̀ọ sị ose ọnọhụva anị, à wụ ọnọrụ ọnọọ ọnịrị ọnyẹnẹẹ ọnọọ.

Ireevi 6:2

Àa nyị ọza ọnị ọnọhụva anị Anisirẹrị sị ịsa yị tẹ, di o yi dị ẹ yị và a ịrẹma yọ nị, àa vị ka vị o sima a ụvọ dọ ịsa nị, àa vị ọ rẹ va mẹ ọnọhụva ịrẹma ụvọ nị, ọza ọnọọ ọ sị ịvị mẹ̀ hi Ẹnẹyịmavara.

Ịrịka 32:23

Ama ẹnịnị ẹ yị vavọọ mẹ, ẹ raà rị ịvị Ẹnẹyịmavara, dị ọ sị ụya anị rị wa.

Iruuku 12:48

Ama ozi ahụ ẹnẹ ẹ̀ yị yẹ ịsị ọga anị sì, dị ọ mẹ ịrẹyị ịjapa nị, ọ vaa dọ ịjapa chee. Ọza ana àa sị ịsa ọrụrụ yị, a rẹ vaa kà a ka ọ̀ sị ịsa ọrụrụ vẹ nị. Ọza ọnị ọza ọ̀ọ sị ịsa ọrụrụ chire ụvọ, o reē họ̀ use ịsa ọrụrụ ịnị ụvọ anị.”

1 Anịkọrịntị 4:2

Àa sị ịsa chire ọza ụvọ, eē sì ka ọza ọnọọ ọ̀ọ mẹ ịzẹyịzaa tụ́ ịnị anị.

Ịtayịtọsị 2:10

Kàa ka asị e yi ọga ẹnịnị oyi, ama ẹ̀ẹ sịị zụ̀ ka ẹnị ẹ́ẹ nyị ịzẹyịza ịnị avaba ịsa! Ẹ̀ẹ vavọọ aa mẹ, ẹ vaa mẹ ka ịrẹyị Ohomorihi Ọdọzaha ayị ọ̀ zụ zé aza eyi ini oze tụra oze.

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

1 Ịjọọnụ 3:9

Ọza àa vị ozi Ohomorihi, ọ yị mā kụkụ mẹ ịvị, agụvị ka ebira Ohomorihi yà ịnị ayị anị. Ẹ yị nyẹngụ aa mẹ ịvị agụvị ka Ohomorihi ọ vị Ada anị nị.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.