Oyinyima 38:18 - IWE ỌNỊNỊ

¹⁸ Di Ijuda ka Ye re ịsa ivenu ana vọrọ ka ọnị ọ̀ sị yọ. Di Ịtama ka: re ọọmẹ ọnị ọ sịị sị ụvọọ tụ́ ini iwe avọọ ọnịrị obo anị ana sịị̄ sị ọ gẹ ọbẹ ọ̀ sị yị ọnị ne beri okutẹ anị ọnị ọ sị rị ụvọ aanị. Ịzẹyịza dị Ijuda vavọọ kụ́ ọ yọ, dị ọnịrị ọ na sị sụ nị. Dị ọ sị ịrẹẹ dọ ẹngụ anị nị.

Oyinyima 38:18 ပူးပေါင်းရင်းမြစ်များ

Oyinyima 38:17

Di Ijuda ka, “Ọnị aa si ozi ẹvụ ọnya hụụnị ịsụpa anịị va yọ.” Di Ịtama ka, “Áá nyị ịsị aa sịị yị ọnị ana vaa vị ivenu dị ọ̀ va sị ẹvụ ọnọọ tụ́ vẹ.”

Oyinyima 38:19

Ịtama mẹ̀ zị nọ ini eehi, dị ọ na ngwa ubobo anị tịtẹ, dị ọ rẹ sị ịta orere anị chire nị.

Oyinyima 41:42

Di Ihwarawo tụ̀ ochirigege anị, dị ọ sị tụ́ Ijosẹẹhụ ụvọ nị. Dị ọ kụ́ ịta ozoza dị ọ kụ́ ọ hi Ijosẹẹhụ ẹngụ nị. Dị ọ sị ịsọbẹ igooru tụ́ ọ ọrọkọ nị.

Ijeremaya 22:24

 nyị ohinọyị ọnya ana aā hị́ Ijehoyakimi, ozi Ijehoyakimi ana vị ohinọyị Ijuda ọ vị nị. Ẹnẹyịmavara ộ kà a yọ ka, ọnị Ohomorihi ana yara ọ̀ọ yị yà ịzọọ, àa da ka vị ọnị ọ̀ vị ochirigege ọnị ọnị sị tụ ụvọ nị, ọnị vaa tụ ọ kwooze.

Ihoseya 4:11

Ịrẹkọyịsẹ ọnịrị eche ahaahara ene e yee hu, ọ raà dọ wa ịrẹyọyẹ.

Ireevi 18:15

À sị ọza sị ose ozi anị o. Ose ozi anị ọ́ vị nị, à sị ọ sị ọ.

Iruuku 15:22

Ama dị ada anị kà a yị ezi ahụ anị ka ẹ̀ wụsẹ na sị awuru ene zoza hu keekere vẹ, di è si chire e, dị ẹ̀ sị ochirigege tụ́ ọọ ụvọ, dị ẹ̀ rẹ kụ́ adava hi ọọ ahụ nị!