Oyinyima 32:7 - IWE ỌNỊNỊ

⁷ Di Ijekọvụ ee hí angwa ẹtẹẹtẹrẹ, dị ayị anị sị vazi nị. Dị ọ gà aza anị ọnịrị ịsụpa anị hi oze ẹẹva nị.

Oyinyima 32:7 ပူးပေါင်းရင်းမြစ်များ

Oyinyima 32:11

Dị ọ ka aarịhịnị kwogwo, ọ̀ dọ ọnị hụụnị ụvọ Iisọ ẹnẹbẹnị anị. Ọ kà angwa anị vi ene ee hí ọnị. Ọ nyayịnẹ va wụ ẹnị và ha. Ọ kà ọ zụ wụ ọnyị ezi ẹnẹnị beri ezi ẹnịnị.

Oyinyima 32:3

Ịnị ụmẹ ọnọọ Ijekọvụ ộ tụ́ hi Iisọ ẹnẹbẹnị anị ana yà ịnị ẹtẹ ịnị ataba Ịsẹyị. Ịsẹyị ọnọọ vị ana yà ịnị ẹkụra Edomi.

Oyinyima 32:8

Ọ kà, “Iisọ ọ̀ọ vẹ dị ọ va wụ oze ọnya anị, ana vọ vaa ha.”

Oyinyima 33:1

Ijekọvụ ộ kana eyi di o re ka Iisọ aa vẹ nị. Ọ màa vé ộ kụ́ aza ẹnị akava saasa ẹngụ. Ijekọvụ mẹ̀ vavọọ re e, dị ọ gà ezi anị yị Iriya, ọnịrị Irechẹrị ne beri ezi ahụ ẹnịnị anẹẹ ẹyịva nị.

Oyinyima 35:3

dị ẹnị ẹ̀ kwẹẹtẹ dị ẹnị ẹẹ nọ Ịbẹtẹrị. Ọ kà ẹnị èe tù ịzọọ ọnị ee hi ụta yị Ohomorihi ịzị ọnị vaa yàa mẹ̀ ịsọvọ yọ. Ọ kà Ohomorihi ọnọọ ộ ba ọnị owu ịnị ụmẹ ọnị ọ sị kata ọnị ẹngụ. Ọ kà ọ rẹ jẹẹ ọnị ịrẹma aha tụra aha ọnị ọnị àa nọ.”

Ahẹ Ụgama 107:6

Ẹ́ mẹ̀ vavọọ aa rị ụya, di e re nowu na za Ẹnẹyịmavara, dị ọ dọ wa tụ́ hụụnị ụya ẹnị ẹ yaa rị nị.

Ahẹ Ụgama 112:5

Aza ana aā mẹ ẹyịza dị ẹ̀ yị mā sị ụvọ kú oku, dị ẹ̀ yị mā rẹ mẹ irikichi vị ana vaa dọ ẹyịza.

Ahẹ Ụgama 142:4

M mẹ̀ kana eyi kara ẹngụ me yi re ọza ana vọrọ ka ọ̀ mẹ ọgụvọ mị, me yi re aha zwe na tẹ̀, ẹ yị nyị ọza ana aa tẹsị amị.

Ahẹ Ụgama 31:13

Maa wụ́ aza ọrụrụ-ọrụrụ mèe cheechee kú mị dị ẹnịnị ee chire mi angwa eyi ụvọnị-ụvọnị ẹ yaa gẹ eyi amị ka ẹnị ẹ̀ dọ mị ụhwẹ.

Ahẹ Ụgama 61:2

Wéē re ka mẹ yị gụrị eehi vụrụ-vụrụ ịzị mị yà aa hị́ wụ aanị Ọ kụ́ mị tụ́, ộ ta du mi eyi Navọ we sì aha sị mị tẹ dị asị a nyị ịsị ẹ zụ mẹ mị.

Ọyịkụra 14:10

Ịjị Anisirẹrị nịnị re ka Ihwarawo ọnịrị Anijipiti aa dụ ẹnịị vẹ, dị angwa ee hí wa, di e nowu na za Ẹnẹyịmavara nị.

Ụhịrẹyị 2:11

Ịrẹyọyẹ vee sere wu, dị eyohweyi awụ aa dọ wụụ tụ́.

Ayịsaya 28:26

Ohomorihi ọ́kụrịkụ ọ vavọọ si zụ̀ ọ a mẹ̀ vọrọ ka ọ̀ dà aarẹ nị.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Imatiwu 8:26

Dị ọ kà a yị wa, dị ọ ka, “Sị ẹ vẹ du wee hí angwa nịnị? Ẹdọwụ awụ nịnị ô weyi, oo!” Dị ọ kwẹẹtẹ, dị ọ tụ́ ahị ọnịrị irehu ohuvọ nị, dị ẹtẹ tịtẹ sii nị.

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Odeyi 14:22

Ệ tụ́ ezirẹma nịnị ọtụtụrụma, dị ẹ kà a yị wa ka ẹ̀ jẹẹ geri-geri ịnị ẹdọwụ ẹnịnị nị. Dị ẹ ka, “Â nyị ka ya há ụyọrị ọrụrụ-ọrụrụ na jịnẹ, dị ya va na ngụ ịzị Ohomorihi yà aa mẹ ịjọva.”

2 Anịkọrịntị 1:4

Ohomorihi ee hunẹnẹ yị ayị ịnị avaba ụyọrị ayị, agụvị ẹ̀ ya rẹ zụụ sị ayohunẹnẹ oni Ohomorihi sị yị, dị ya sịị yị aza ana àa rị ụya.

2 Itimoti 3:12

Avaba aza ẹnẹ ẹnịrị Ijeesu sị vị ọnya, dị eyee sì ka ẹnị ẹ̀ẹ m ẹ ebira oni Ohomorihi sì, a vaa sị ụyaa rị wa.