Oyinyima 32:4 - IWE ỌNỊNỊ

⁴ Dị ọ ka ọnụtụ ẹnẹẹ ẹ kà a yị Iisọ ọga anị ka, “Ijekọvụ ozida anị ka ịdị Ịrabanị ọnị ra, di ahịka vị ọnị vaa vẹ aanị nị.

Oyinyima 32:4 ပူးပေါင်းရင်းမြစ်များ

Oyinyima 23:6

“Nda, ọza okumokumi ụ vị tụ́ ịda ayị ịzẹnị nị. Ụtẹha ene èe zoza hu kẹnẹ ịnị ụtẹha ayị ịzẹnị ụ nyẹngụ ne oku tụ́ nị. Ẹ yị nyị ọza ayị ana vaa kà a ka ọnị ọ yị sị ụtẹha anị yi wụ ka we ne oku ene su wu tụ́.”

Oyinyima 25:30

Di Iisọ ka: Ijekọvụ, ọ̀ ká ọọmẹ ovivi anị ọnọọ yị ọnị dị ọnị ọ rị ọ de, ka ụngwẹ aa vaa wụ̀ ọnị: (Iruvo ana a sịị hị́ Iisọ Edomi ọ vị ọnọọ nị.)

Oyinyima 27:29

Anẹkụra nịnị vị ana vaa hẹkẹ ẹwụ, di e yee kú ẹtẹẹ yị wụ. Ẹwụ waa vị ọga tụra avaba ẹyịnyara awụ ịrẹsụ nị. Ẹnịnị vi ene vee kú ẹtẹẹ yị wụ. Aza ene èe chì hi wụ, vị ọnị ọnị vee chìi hí. Aza ana àa ka o zee yị wụ, vị ọnị o vee zee yị.”

Oyinyima 27:37

Di Ayiziiki tụ́ ohi dị ọ ka, “Ma raà kà a ka ọnị ọ vaa vị ọga awụ nị. Avaba ẹyịnyara anị vị ana vaa hẹkẹ ẹ. Ịsa aarẹ ọnịrị echee vị ana vaa mẹ̀ yọ ẹtẹẹtẹrẹ. Booro aanị ẹ yị nyị ịsị mị kụkụ zụ mẹ yị wụ, ozi emi.”

Oyinyima 31:41

Ọ rẹ ka ịrayị oohu ọnị ọnị hụrẹ yà ịda anị avọọ yị. Ọ kà ọnị ọ sị ịrayị ẹwụrẹna hẹkẹ ẹ agụvị ezi anẹẹ anị ẹẹva. Ọnị ọ rẹ sị ịrayị ịhịnọnyị sị eyi pè ịsụpa anị. Dị ọ rẹ ka ụpẹ ẹẹwụ ọ vara ụta ọnị ọ ka ọnị ee si ọnị nị.

Oyinyima 32:18

dị ẹ kà a yọ ka Ijekọvụ ozida anị ọ nyị nị. Ọ kà ẹ kà a ka vị ọnị ka à sị va yị Iisọ ọga anị nị. Ọ kà ẹ̀ rẹ kà a yọ ka ọnị yà ịrẹma aa vẹ.

Oyinyima 32:5

Ộ nyị imaaru, ịkẹrịkẹtẹ, atẹmẹ, ẹvụ ne beri ezi ahụ anẹẹ ọnịrị ọnọrụ. Ọ raà tụ́ hì wu ka ịsavọọ ẹwụrị ọnị ò zụ zee.”

Oyinyima 33:14

Ọ kà ọ̀ navọ ọ dọ ọvịdị ọ̀ọ na, ka ọnị tangwa aa vẹ anka ọpa ụsẹ ọnị ịsụpa ọnịrị ezi ẹnịnị zụ zị. Ọ kà ọnị tangwa aa vẹ pooro di oni ò ve tù ọ Ịsẹyị.

Oyinyima 33:8

Di Iisọ ka, “Ịsụpa ọnị ọnị gẹrị ịjọọ yọ, a màa mẹ wa.” Di Ijekọvụ ka, “Vị ọnị ka ịsavọọ ọnị ọ̀ sị da ịpẹ yọ nọ.”

Oyinyima 36:8

Di Iisọ na ra ịnị ẹkụra ịnị ataba ana aā hị́ Ịsẹyị nị. Ịzọọ a rẹẹ̄ hị́ Edomi nị.

Oyinyima 36:9

Iisọ ọ vị ohiku Anedomi nị. Ẹnị ẹ ra hi ịnị ẹkụra ataba ana aā hị́ Ịsẹyị avọọ nị.

Oyinyima 4:7

Ọ kà ọọ yaanị mẹ̀ ebira ana vọrọ, ịnẹ anị yaanị ee hine aanị. Ọ rẹ ka ọ̀ yị mẹ̀ ebira ana vọrọ, ịvị ọ sị gụrị ọ ee sì ka ọnị ọ̀ nyị ehuna anị Ọ kà ama ọ̀ sị vụrị di ò re ka ọnị ô huna a.”

1 Ohinọyị 20:32

Ịzẹyịza dị ẹ kụ́ ịta kú ẹngụ anka ọza oni oku sú ene ee sụ ùnè avọọ, dị ẹ rẹ kụ́ obo sụ́ ịrẹsụ, dị ẹnịnị ve tù ohinọyị Anisirẹrị nị. E mè ve si tù ọ dị ẹ ka, “Ozi ịda awụ Ịbẹnịhadadị ka aarịhịnị wa dọ yị tụ́ de!” Di ohinọyị Anisirẹrị ka, “Aanị ka ọ yị yà ịzọọ? Ọyịnyara amị ọ vị nọ!”

Ọyịkụra 32:22

Di Eerọnị ka, “Nda, aarịhịnị asị ụ kụ́ ayị. Wáā yẹ ka aza ẹnẹnị vi ene ee sì ka ẹnị ẹ̀ẹ mẹ̀ ebira odivi.

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.

Ụhịrẹyị 25:15

Ayọnẹtẹ aa sị dọ ohinọyị ayị nị. Ịrẹyị anaa sị ụmẹnụmẹnẹ ka ọzaa sẹdẹ yị nị.

Ụhịrẹyị 6:3

Ka wa sị ngụ ọza ọnọọ ụvọ, ịsị vaa mẹ dị wa ha yị. Na da ịpẹ yọ, dị wa tụ ụvọ awụ hụụnị anị.

Ịrẹyị Ọzwọzịsa 10:4

Ohinọyị aa kụ ayị hi wụ, asị ụ hụrị ịzị ụ yà, wàa zaku hẹẹ, ọ zụ mẹ ka ọ̀ sị eyi hụụnị avaba akụvị ọnị ụ mẹ.

Ayịsaya 21:11

Ịrẹyị ene vee tù Anedomi yị: Ọza ịnya ộ hụrẹ Edomi vẹ dị ọ họ̀ mị dị ọ ka, “oserẹtẹ, eyi wáá vaa hụra nị̄, kà a mị de!”

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”

1Ipita 3:6

Ọnyara ịnị ẹnịnị vị Isera, ose Abụrahamị. Ộ sị ụbanyị yị Abụrahamị, dị aa hị́ ọ Ịnda nị. Wa sị vara ezi anị nịnị, wàa nyị ebira ozoza, di u wè yi hí angwa ọza nịnị nị.

Ọdọvịdị 5:4

Ẹnẹyịmavara ụ̀ụ mẹ hụrị Ịsẹyị, ịjị ụ jịnẹ tụ́ ẹhẹ ịnị ẹtẹ Edomi, dị avaba ẹtẹ ziizi, di orihi zụ nị. Ịzẹyịza, dị orihi va hi ẹtẹ nị. Anati

1 Ịsamụwẹrị 26:17

Ịsọọrụ ọ sị yẹ ka Idevidi aa kà ịrẹyị nị. Dị ọ ka, “Idevidi ozi emi, ẹwáá kà ịrẹyị nị?” Di Idevidi ka, “Taarụ! ohinọyị, ẹmị yọ nọ.”