Oyinyima 3:8 - IWE ỌNỊNỊ

⁸ Ọyị mẹ̀ sị rọ ịhị ọnọọ, dị ẹ wụ́ ka Ẹnẹyịmavara Ohomorihi aa vẹ ịnị ụbazị nị. Dị ọnọrụ ọnọọ ọnịrị ose anị si zwe na tẹ̀ ịnị ọchị ẹnẹẹ nị ka asị Ẹnẹyịmavara Ohomorihi re ẹnị.

Oyinyima 3:8 ပူးပေါင်းရင်းမြစ်များ

Oyinyima 18:33

Ịjị Ẹnẹyịmavara vavọọ sị Abụrahamị pè kà ịrẹyị, dị ọ si hu nị. Di Abụrahamị và nọ ịzị ọ yà nị.

Oyinyima 3:10

Di ọnọrụ ọnọọ ka: ọnị ọ wụ́ ọ maa zị ụsẹ ịnị ụbazị, di angwa ee hí ọnị agụvị ka ahwaahụ ọnị vị nị. Agụvị avọọ dị ọnị na tẹ̀ nị.

Ijoovu 22:14

Úú wee ro ka eguhi banyị pooro dị ọ sị gu ọ hi ka asị o re ẹtẹ ee chire ẹtẹ ahụ ịzị ẹbẹẹba ọnịrị ẹtẹ na gẹ nị?

Ijoovu 31:33

Aza ana vọ e sì ka ẹnị ẹ̀ sị ịvị ẹnịnị tẹ̀, ama ẹmị ẹ́ yị ma sị aamị tẹ.

Ijoovu 38:1

Ẹnẹyịmavara ộ ka ịrẹyị Ijoovu hụụnị opomi

Ụhịrẹyị 15:3

Ẹnẹyịmavara e re avaba ịsa ana a ná. Ee re odivi ọnịrị ọyịza ana aza aa mẹ̀.

Ijeremaya 23:24

Ọ kà áá nyị ọza ana zụ tẹ aha ewere ọnyọọnyị ka asị ọnị ré ọnị? Ọ kà áá nyị ịzị ọnị ẹ̀ yị yà ẹbẹẹba ọnịrị ịnị ẹhẹ ọnọnị kẹ?

Ihoseya 10:8

Ụta ori ene hi aveni ịzị Anisirẹrị nịnị ya mẹ̀ ịvị vị ana vee wú ha, di igegenechi hụ kụ wa ịrẹsụ. Dị ọzọza aa da ịpẹ ka ataba ọnịrị otutu o wu za ẹnị ịrẹsụ.

Ireevi 26:12

Ọnị vaa raa pe wa; ọnị vaa vị Ohomorihi ẹnịnị, dị ẹnịnị vị aza anị.

Ijona 1:3

Ama dị Ijona kwẹẹtẹ, dị ọ sị ịrẹsụ ka oze ẹkụra ana aā hị́ Itasisii ka ọnị ò zwe yị Ẹnẹyịmavara nị. Ộ nọ ẹkụra ana aā hị́ Ịjọpa ịzị ọ ya re ẹpa ini enyi ana nọ Itasisii nị. Ịjị o reè si ụta ẹpa, dị ọ ngụ ọ vaka aza ana vọ ana aa nọ Ịtasisii nị. Ijona vị ene si ka ọnị o zwe agụvị asị ọnị na kà ụtụ ọnị Ẹnẹyịmavara tụ́ ọ hi Anininivẹ nịnị.

Aniroomi 2:15

Ebira ẹnịnị ọ́ọ sị zụ̀ ka ịsa anaa chẹrẹ tụ́ ịnị ọda ọnọọ, rẹ yà ịnị ayị ẹnịnị. Ivehu ẹnịnị ọ́ọ dọ ivenu tụ́ ọọ. Ayị ẹnịnịị̄ jị ịvịị yị wa ịjẹnyị, ịjẹnyị dị ọ rẹ kà ọda yị wa.

Iwe Ọhụhị Imosiisi ana aa hị́ Ọyịvatụrọda 23:14

Agụvị ka Ẹnẹyịmavara Ohomorihi awụ ya avaba aha udi ọnọnị, di e sere wu, dị ọ dọ ha hụụnị ụvọ ọnịvị awụ. Navọ ịzị ụ kụ́ udi aanị ọ vị aha ọnịnị, agụvị dị asị o re ebira odivi ịnị akakana awụ nịnị dị ọ va varẹma wụ nịnị.

Iwe Ọhụhị Imosiisi ana aa hị́ Ọyịvatụrọda 4:33

Áá nyị aza ana wụ̀ ọngwẹ Ohomorihi hụụnị ịnị akakana ịra anka ẹwụ nịnị ana ra da?

Iwe Ọhụhị Imosiisi ana aa hị́ Ọyịvatụrọda 5:25

Sị ẹ zụ mẹ̀ ka asị ẹnị su, dị asị ịra ọbanyị rị ẹnị? Ẹnị ẹ kụkụ ka ẹnị aa wụ ọngwẹ anị hu avọ, eni e su nị.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

Ẹtore 6:15

Di ohinọyị nịnị ẹnịrị azẹbanyị beri ọnyẹkẹhị nịnị ẹnịrị ọga ịrẹkụ nịnị beri aza ana nyị ụkata, beri avaba ọrịhị ẹnịrị ezi kụ́ ẹngụ ẹnịnị na tẹ̀ ịnị ụtẹha ọnịrị ịnị anaha ịrẹta ene hi ịnị ataba nị.