Oyinyima 3:5 - IWE ỌNỊNỊ

⁵ Ọ kà agụvị ka Ohomorihi ộ yẹ ka ẹ̀ẹ rị ọ vi eyi ẹnịnị ee hweyi nị, dị ẹ kụkụ yà anka Ohomorihi mẹ̀ yà. Ọ kà dị ẹ sị ịsa ozoza ọnịrị ịsa odivi yẹ.

Oyinyima 3:5 ပူးပေါင်းရင်းမြစ်များ

Oyinyima 2:17

Ama we éē re ọchị anaā mẹ ka eyi ọza ò hweyi tù ịsa ozoza ọnịrị odivi aanị wẹ yị nyayịnẹ rị ẹtụtụ anị. Ịhị wàa rị ọ, ịhị ọnọọ u wee sù nị.”

Oyinyima 2:9

Ẹnẹyịmavara Ohomorihi ộ mẹ̀ ka ọchị ozoza-ozoza irenyi-irenyi è nyị hi ịzọọ, dị ẹ̀ẹ tụ́ ẹtụtụ ozoza. Ịnị akakana ụbazị ọnọọ a rẹ nyị ọchị ẹnyị ana jẹẹ ịzọọ. Ọnya vị ọnị ẹtụtụ anịị̄ mẹ ka ọza ọ̀ yàra pooro, dị ẹtụtụ ọsaa mẹ ka eyi ọza ò hweyi tù ịsa ozoza ọnịrị ịsa odivi nị.

Oyinyima 3:10

Di ọnọrụ ọnọọ ka: ọnị ọ wụ́ ọ maa zị ụsẹ ịnị ụbazị, di angwa ee hí ọnị agụvị ka ahwaahụ ọnị vị nị. Agụvị avọọ dị ọnị na tẹ̀ nị.

Oyinyima 3:22

Di Ẹnẹyịmavara Ohomorihi ka: wéē re, ọnọrụ ọnọnị vị ana kụkụ yà anka ọnya ịnị ẹngụ ayị, ọ sị ịsa ozoza ọnịrị odivi yẹ. Ọ kà ọ nyayịnẹ na sị ẹtụtụ ọchị anaā mẹ ka ọza ọ̀ yàra dị ọ rị ọ, dị asị ọ kuku sú.

Oyinyima 3:7

Ẹ mẹ̀ yị rị ọ kẹnẹ eyi ẹnịnị ẹ si hweyi, di e re ka ịnị ahwaahụ ẹnị yà nị. Dị ẹ na dị ẹ na jị avị, dị ẹ gẹ ẹ di e si kú ẹngụ nị. Ịrẹha ọchị ọnọọ ọ rị itena, dị a rẹẹ hị́ ọ ihwigi nị.

1 Ohinọyị 22:6

Ịzẹyịza dị ohinọyị Anisirẹrị hara ọnịsẹ nịnị gụ nị, Ẹnịnị ê tù akava. Ohinọyị Anisirẹrị mẹ̀ vavọọ raà kụ́ wa gụ, dị ọ họ̀ wa dị ọ ka, “Máá nọ Ịramọtị-Igiriyadi, di me ne pè wa kụ̀ ịrẹkụ, à vị asị mị nọ?” Dị avaba ẹnịnị ka, “Wa na de, ka Ẹnẹyịmavara va sị wa chire wu ụvọ.”

2 Ịtọpa 32:15

Agụvị avọọ, booro anị, asị ẹ zẹẹ ka Ihezekaya o vene wa, a vị ọ kụ wa nyee eyi. Asị ẹ sị ayị tụra a. E yị nyị ori anẹkụra ọnyọọnyị ana zụ dọ wa hụụnị ụvọ ohinọyị Anasiriya. Agụvị avọọ ẹnịnị ẹ yẹ ka ori ẹnịnị ọnọọ ẹ yị zụ dọ wa ha.

Ahẹ Ụgama 12:4

Ẹnịnị ee ro o, ẹ ka ịrarẹ ọ mā yà ọza irenu dị ụvọ ò re kú ọza ọnọọ. Ẹ ka ịsị èe zee ẹnị eyi kẹnẹ ẹnị vaa kà nị Ẹ ka ẹ yị nyị ọza ana zụ za ẹnị irenu kụ oku.

Ọyịkụra 20:7

Wẹ yị nyayịnẹ sị ịrẹha Ẹnẹyịmavara ana vị Ohomorihi awụ hị́ eku ireche, ẹmị Ẹnẹyịmavara vị ana aa sị ụyaa rị ọ.

Ọyịkụra 5:2

Di Ihwarawo ka, “Ẹ̀nị aā hị́ Ẹnẹyịmavara nịnị kẹ? Ẹ̀nị ọnọọ vị ana aa kà ịrẹyị ana vọrọ ka ọnị ò batọ anị, ọnị ọnị vaa hụ agụvị anịị hụrẹ Anisirẹrị nịnị ụvọ? Ọ kà ọnị ọ yị yẹ ka â vavọọ nyị Ẹnẹyịmavara. Dị ọ ka dị asị a kụ́ ịrẹka gọdọ, ọnị ọ yị vaa zẹẹ ka Anisirẹrị ẹ̀ na.”

Ayịsaya 14:14

Wụ ka wụ vaa hịrẹ nọ akẹbẹẹba eguhi, dị wa kụkụ ya anka Ohomorihi Ochẹtẹẹngụ avọọ.

Ezikẹẹrị 13:22

Ọ kà, waa raa sị ireche mẹ ka aza ọyịza ọnị ọnị è yị sì ka ọnị kụ ẹngụkata tu, asị ẹ kụkụ nyị ọtụtụrụma. Waa mẹ nịnị ka asị aza ẹhịmị và hụụnị ebira odivi ẹnịnị agụvị dị ẹnịnị ẹ̀ zụ ha.

Ezikẹẹrị 28:12

Ozi-ọza, ọnị ọ̀ hụ agụvị ịsị ene vee tu ohinọyị Ịtaya aanị, dị ọnị ọọ jị ahẹ ayodu. Ọ kà ọnị ọ̀ kà a yị ọ ka, ọnị Ẹnẹyịmavara Ochẹtẹẹngụ ka, ẹwụ ohinọyị Ịtaya ọ vị apojuwe ọza mẹmẹẹ gụ nị.

Ezikẹẹrị 28:2

Ozi-ọza, ọnị kà a yị ohinọyị Anitaya ka ọnị Ẹnẹyịmavara Ochẹtẹẹngụ ka; wâ sị ẹngụ awụ tụ ẹba pooro, ụ kụkụ ka ori u vị̀ nị; Ụ ka vị ụ yaatụ ịrẹsụ aga ohinọyị awụ tụ ịnị akakana enyi anka ori avọọ nị. Wa nyẹngụ aa mẹ apẹ ka ori ụ vị nị, ama, yẹ ka ọza ịrẹsụ-ịrẹsụ ụ vị̀ nị.

Ezikẹẹrị 28:9

Wáá kụkụ va zụụ yà ọvịdị aza anaa wụ wụ hị́ ẹngụ awụ ori ịjị ọnọọ? U vee re ka ọza ịrẹyị-ịrẹyị osusu ụ vị nị, wẹ́ yị vị ori.

Ezikẹẹrị 29:3

Ọ kà ọnị ọ̀ kà a ka ịsị, ọnị, Ẹnẹyịmavara Ochẹtẹẹngụ aa kà a yị ohinọyị Ijipiti yị ka: ẹwụ agụgụ odivi ana hụtẹtẹ tụ ini enyi ọnị ọ́ sị vara ọnịvị awụ o. Wâ kà a ka ẹwụ a nyị irehu ana aā hị́ Ịnayịrị nị. Ụ ka ẹwụ a nyị irehu ana aā hị́ Ịnayịrị nị. Ụ ka ẹwụ hyakụ mẹ̀ ẹ nị.

Ịdanịyẹrị 4:30

dị ọ ka, aanị ka ẹ yị vị ọnị ọ dà Ịbabịrọnị, ana maanị banyị ọyị sị mẹ aha ọyị yaayịtẹ anị? Ọ kà vị ọnị dà a ọyị sị sị ụkata anị ọnịrị ụbanyị anị zụ nị.

Ịdanịyẹrị 6:7

Ẹ ka, avaba ẹnị ọdọvịdị ẹkụra ẹ sị eyi gẹ ka ohinọyị ọ mẹ ọda ọnị ọza ẹ yị va nyayịnẹ sị ahụụ jịnẹ. Ẹ ka ọ̀ mẹ ọda ka asị a nyị ọza ene kuku họ̀ use ịsa hụụnị ụvọ ọza ọnyọọnyị ẹ yị vị hụụnị ụvọ ohinọyị ọnịnya kẹnẹ pooro dị ọ̀ mẹ ẹkụhị ohurẹẹwụ. Dị ọ̀ kà a ka ọza ene èe họ̀ use ịsa hụụnị ụvọ ọza ẹnẹsa, ọ̀ọ vị ori, ọ̀ọ vị ọzarẹyịrẹsụ vị e vee ne e ngụ ịnị ụsị ọbanyị ana a kụ idu nịnị hi nị.

Imatiwu 6:23

Ama eyi ọza òo si divi, avaba ẹngụ anị vị ana vaa vị ịrahụ-ịrahụ. Etohweyi ana yà ịnị ẹngụ ọza ọ̀ọ sị vara ịrahụ, ịrahụ ọnọọ vaa daa banyị kẹnẹ.”

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

2 Anịkọrịntị 11:3

Angwa ee hí mi ka, asị a na vara wụ nịnị ayị, anka ẹwụ ọnọọ mẹ̀ sị ọbọ vene Iivi ịyẹẹyẹ avọọ. Dị ụ kụkụ sị va, dị ụ wẹ yị kụkụ sị avaba ayị yị Ikirisiti, ọnị ụ vịdị aa sị ịzẹyịzaa saasa nịnị.

2 Anịkọrịntị 4:4

Ẹnịnị ẹ yị dọ wụ, agụvị ka Echu ana anẹhẹ nịnị aa hẹkẹ, ọ sị wa ayị gu. Ọ yị zẹẹ ka è re ẹtohweyi ene ee hweyii tụra wa. Etohweyi ọnọọ vị ana hụụnị enube ọyịza Ijeesu oni Ohomorihi nyị mẹ ohinọyị ka ọ̀ dọ há, ana nyị igirima vẹ. Ọza oni Ohomorihi nyị ọdọzaha aanị vị uhwoto Ohomorihi.

2 Anịtẹsaronika 2:4

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.

Ẹtore 13:14

Ụkọrọ ohyozirenu ọnọọ nyị ụkata dị ọ maanị aa mẹ éyi uye ọnọọ aanị, ee sii vene aza ene hi ịnị ẹhẹ nị. Dị ọ kà a yị aza ene hi ẹhẹ ka ẹ̀ mẹ ori yị uye ịnị avị ọnọọ anaa sị ụhwọ tụ̀ ụnava, dị ọ yị yàra nị.

Ẹtore 13:4

Dị ẹyaa hẹkẹ uye odivi ana sị ụkata yị uye ọnọọ nị. Dị ẹ rẹ yaa hẹkẹ uye ịnị avị ọnọọ, dị ẹ ka, “Ẹnẹ yà anka uye ọnọnị? Ene zụ pee kụ̀ ịrẹkụ?”

Ọdọvịdị 3:2

Ọ vavọọ mẹ̀ wa agụvị dị anụmẹ ọzọza ẹ yẹ ịsị a hị́ ịrẹkụ, hu kere-kere ẹnị ẹnẹ ẹ yị vịdị nọ ịrẹkụ da.