Oyinyima 3:16 - IWE ỌNỊNỊ

¹⁶ Di Ohomorihi kà a yị ọnẹẹ ọnọọ ka, “Ọnị vaa sị eyi anị re ịrẹyị ẹtẹẹtẹrẹ àa ma ozi. Vị ọ vaa zị ọ ẹnẹmẹhị nị. Ama vi o vee yii sì ka ọnị ọ̀ yà ịda ọva anị nị, di ahịka ọnị aa mẹ ọdaa tụra a nị”.

Oyinyima 3:16 ပူးပေါင်းရင်းမြစ်များ

Oyinyima 4:7

Ọ kà ọọ yaanị mẹ̀ ebira ana vọrọ, ịnẹ anị yaanị ee hine aanị. Ọ rẹ ka ọ̀ yị mẹ̀ ebira ana vọrọ, ịvị ọ sị gụrị ọ ee sì ka ọnị ọ̀ nyị ehuna anị Ọ kà ama ọ̀ sị vụrị di ò re ka ọnị ô huna a.”

1 Ịtọpa 4:9

 nyị ọnọrụ ana aā hị́ Ijabezi.  sị ụbanyị yọ huna anda ẹnịnị ana vọ ẹtẹẹtẹrẹ. Ọnyị anị ọ yị̀ ọ ịrẹha ka ọnị ọ rị Ijabezi nị; agụvị ka ọ́ raà rị ụya baaba dị ọ va ma a.

Ẹsịta 1:20

Ịjị àa nọ ọ ọda ọnọọ oni ohinọyị vavọọ mẹ avaba aha saka-saka, ọnyẹnẹẹ ọzọza vaa sị ụbanyịị yị ọva anị.”

Ahẹ Ụgama 48:6

Ẹgahị mẹ̀ sụ wa ẹngụ, ẹngụ ẹnịnị ộ kata anka ọnẹẹ ana aa ba ịrẹẹ avọọ.

Ayịsaya 13:8

Ẹngụ ẹnịnị vaa sụ ẹgahị. Ụya vaa rị wa di eyee nowu anka ọnẹẹ ana aa barẹẹ avọọ. Ayị vaa hụrẹ ọzọza ịnẹ di eyi ẹnịnị ee vi ịra. Dị ẹnịnị hi ẹtẹ ee re ẹngụ kẹnẹ.

Ayịsaya 21:3

Ịrẹyị ọnị mị wụ́ m mẹ̀ vavọọ re ẹtẹ ọnọọ ộ mẹ̀ ka avaba ẹngụ ọ̀ọ zị mị. Ộ kata mị ẹngụ anka ọnẹẹ ana aa barẹẹ avọọ. Ịsị mị wụ́ ọnịrị ịsị mi re ô chire mi angwa.

Ayịsaya 53:11

Ịjị òo re avaba ịsị ẹ mẹ agụvị ụya ọnị ọnị rị, ayị anị vee hine. Agụvị ịsa ene reè tù ọ, ozi ahụ amị ana vị ọnịrẹyịzẹyịza vaa mẹ ka, aza ọrụrụ-ọrụrụ ẹ̀ vara ọnịrẹyịzẹyịza, agụvị ka ọnị ọ rị avaba ụya ịvị ẹnịnị nị.

Ijeremaya 13:21

Sị ụ vaa kà nịnị ịjị aza ẹnị ụ rò ka ẹẹ vị ọta awụ nịnị ẹẹ raa nyị ẹbẹẹba awụ nịnị, dị ẹ yaa mẹ ohinọyịị wụ nịnị nị? Ọ vaa zị ụ nịnị anka ọnẹẹ ọnị ịrẹẹ aa zị avọọ.

Ijeremaya 22:23

Oo zoza ụ mẹ hi ịnị irehi ọyịza-ọyịza ana a sị ọchị isida Ịrẹbanọnị mẹ ọvị nịnị aanị, ama e yi vee kù di waa jị òrèrè, di wee rimanya nịnị anka ọnyẹnẹẹ ana barẹẹ mee rimanya avọọ.

Ijeremaya 4:31

Ijeremaya ka ọnị ộ wụ̀ aza mee nowu anka ọnẹẹ anaa vaa ma ozi ịpaapa anị, ọnị ịrẹẹ aa zị avọọ. Anijerusarẹmị nịnị ẹ vavọọ ee nowu, ẹ maa vụrịị tụ́ ụhwẹ nị. Ẹẹ tana ụvọ, dị ẹ vaku ẹtẹ ọvịdị ọwọza nịnị nị. Ẹ ka, ẹwụ aa za ẹnị aanị nị. Ẹnị ẹ sị da!

Ijeremaya 49:24

Anịdamasịkọsị nịnị ẹ raa tụ ọkụmị, ẹnịnị ẹ sị zwe ayị maa hụrẹ wa ịnẹ. Ẹngụkata ô tù wa, ẹ sị mẹ suku-suku anka ọnyẹnẹẹ anaa barẹẹ avọọ.

Ijeremaya 6:24

Dị Anijerusarẹmị nịnị ka, ẹnị ệ vavọọ wụ ọ, dị ẹngụ ẹnịnị wusu nị. Ayịhụrịnẹ ọ sị ẹnị za va hi ẹtẹ, dị ẹnị ee rimanya anka ọnẹẹ ọnị ịrẹẹ aa zị avọọ nị.

Ịrịka 30:13

Ọva anị ọ zụ sị ụvọ tụ ọ yọ ka ọ̀ mẹ ịsị ọ hị́ eku anị à vị isi o wo oto anị. Ọ́ rẹ zụ kụ́ ịsị ọ hị́ eku anị à vị ịsị o wo oto anị kwooze.

Ịjọọnụ 16:21

Ọnyẹnẹẹ àaa barẹẹ, ayị anị vị ene vee du, agụvị ka ụmẹ ụyọrị anị o si tù. Ama ọ̀ọ sị ozi anị ma, dị ayị ụyọrị anị kuku hi ọ, agụvị ka ọ kụkụ aa jẹ ka ọnị ọ sị ozi ma va ngụ ịnị ẹhẹ.

1 Anịkọrịntị 11:3

Ama mee sì ka wa yẹ nịnị ka Ikirisiti ọ vị ohirẹsụ ọnọrụ nịnị nị. Ọva ọnẹẹ ọ vị ohirẹsụ ọnẹẹ nị. Ohomorihi ọ vị ohirẹsụ Ikirisiti nị.

1 Anịkọrịntị 14:34

àa sị gụ, anyẹnẹẹ èe kú oku irenu. Ọza ọ yị sị oze yị wa ka ẹ̀ẹ kà ịrẹyị. Ama ẹnịnị ẹ̀ kà ẹngụ ẹnịnị chí, anka ọ́da Ohomorihi mẹ̀ rẹ kà a.

1 Anịkọrịntị 7:4

Ọnẹẹ ọ yị nyị ọda ọchẹngụ anị; ọva anị ọ nyị ọda anị. Ọnọrụ ọnị ọ yị rẹ nyị ọda ọchẹngụ anị, ose anị ọ nyị ọda anị nị.

Anikorasi 3:18

Ẹwụ nịnị ọnẹẹ ana nyị ọnọrụ, waa ká ịrẹsụ hii yị ọva awụ nịnị anka ọ mẹ̀ vọrọ tụra ọza Ohomorihi.

1 Anịtẹsaronika 5:3

Ịjị aza àa kà a ka ẹ́ yị nyị ịrẹyị vụrụ-vụrụ, dị ịrẹyị vana ngụ tù wa kẹnẹ anka ọnẹẹ ọnị ịrẹẹ aa zị avọọ. Dị ẹnịnị ẹ́ yị zụ há.

1 Itimoti 2:13

Adamị Óhomorihi vịdị mẹ, dị ọ va mẹ Iivi nị.

1 Itimoti 2:15

Ama ányẹnẹẹ màa ma ozi, ẹ̀ẹ yaa yịị sị ayịị tụra Ohomorihi, dị e re yee sì ịrẹyị ọza, dị ẹyaa mẹ̀ ebira ọnịnị dị ẹ rẹ sị ụvọ za ẹngụ ẹnịnị nị, Ohomorihi vaa dọ waa há.

Ịtayịtọsị 2:5

Ẹnịnị ẹ̀ẹ mẹ̀ ebira ịrẹyọyẹ, dị ẹ̀ nyị ayị ọnịnị, dị ẹ̀ rẹ vị ọnẹẹ ozoza tụ́ eehi ọva ẹnịnị, dị ẹ̀ẹ ngụ ayị ọza. Ẹnịnị ẹ̀ẹ ka ịrẹsụụ hi yị ọva ẹnịnị, agụvị asị a nyị ọza ana zụ kà ịrẹyị odivi hi ịrẹyị Ohomorihi.