Oyinyima 27:4 - IWE ỌNỊNỊ

⁴ Ọ kà ọ̀ Chịnẹ ẹ di o zoza anka ẹngụ oni oni sì ịrẹyị anị, dị ọ̀ sị ọ va yị ọnị dị ọnị ọ̀ rị ọ. Ọ kà ọnị ọ̀ọ sị ọ rị dị ọnị mẹ̀ aduwaa yọ di ọnị ò ve sú.

Oyinyima 27:4 ပူးပေါင်းရင်းမြစ်များ

Oyinyima 14:19

Dị ọ mẹ̀ aduwa yi Abụramị dị ọ ka, “Ohomorihi ọgọdọgọdọ ọnị ụvọ ọza è yi mè tù ana mẹ ẹbẹẹba ọnịrị ẹhẹ ọ̀ navọ ó zee yị Abụramị.

Oyinyima 24:60

Dị anda Irebeka mẹ̀ aduwa yọ dị ẹ ka, “Ọyịnyara ayị, ọza ọ yị va zụụ za ozi ewu ịrịka. Ozi ewu ẹ vaa nyị ẹbẹẹba ọnịvị ẹnịnị dị ẹ dọ wa ẹkụra ẹnịnị.”

Oyinyima 27:14

Di Ijekọvụ na kụ́ ẹvụ ẹnẹẹ va yị ọnyị anị nị. Dị ọnyị anị chịnẹ ẹ anka ẹngụ ana ada ẹnịnịị̄ sì nị.

Oyinyima 27:17

Dị ọ kụ́ uye ọnị ọ chịnẹ ẹtẹẹtẹrẹ aanị ne beri ịbụrẹẹdị ọnị ọ mẹ tụ́ ọ, dị ọ kụ́ ọ yị Ijekọvụ nị.

Oyinyima 27:19

Di Ijekọvụ tụ́ ohi dị ọ ka, “Ọnị Iisọ ozi anị ana vị ọzọkụ yọ nọ. Ọ kà Ịsị ọ ka ọnị ọ̀ mẹ, ọnị ọ sị ọ mẹ. Dị ọ ka ọ̀ kwẹẹtẹ yaayịtẹ dị ọ̀ rị uye ọnị ọnị wụ va yọ, dị wa mẹ̀ aduwaa mị.”

Oyinyima 27:23

Ayiziiki ọ yị yẹ ẹ agụvị ka ụvọ anị vị ẹyị-ẹyị anka ụvọ Iisọ ẹnẹbẹnị anị. Di Ayiziiki va mẹ̀ aduwaa yọ nị.

Oyinyima 27:25

Di Ayiziiki ka, “Sị̀ uye ọnọọ va mị, màa sị ọ rị, dị ma mẹ̀ aduwaa yị wụ.” Di Ijekọvụ sị ịsa naa yọ, dị ọ rị ọ nị. Dị ọ rẹ sị eche yọ, di o hú ọ nị.

Oyinyima 27:27

Ịzẹyịza di Ijekọvụ tere pè e, dị ọ za a kú ayị, dị ọ ku ọ irenu nị. Di Ayiziiki jị awuru anị agụ, di o nyima di aa mẹ̀ aduwaa yọ nị. Dị ọ ka, “Awuru ozi emi aa dà agụ ozoza anka agụ ẹtẹ ana Ẹnẹyịmavara raà mẹ ka ọ̀ vị ẹtẹ ize.

Oyinyima 27:31

Dị ọnị rẹ chịnẹ uye anị ẹtẹẹtẹrẹ, dị ọ sị ọ va yị ada anị nị. Dị ọ ka, “Ada amị kwẹẹtẹ, dị wa rị uye ọnị ẹmị ozi ewu sị vẹ, dị waa mẹ̀ aduwaa yị mị.”

Oyinyima 27:5

Ịjị Ayiziiki maanị ee pe Iisọọ kà ịrẹyị, Irebeka tangwa aa wụ́. Di Iisọ ọnị si hu aa naa ngụ avị ka ọnị ọ̀ na wụ̀ uye ọnọọ vẹ nị.

Oyinyima 27:7

ọ̀ na wụ̀ uye, dị ọ̀ chịnẹ ẹ anka ẹngụ ọnị ọnịị̄ sì, dị ọ sị va yị ọnị. Ọ kà ọnị ọ̀ọ sị ọ rị, dị ọnị ọ̀ yà ọvịdị Ẹnẹyịmavara mẹ̀ aduwaa yọ dị ọnị ò ve sú.”

Oyinyima 27:9

Ọ kà ọ̀ nọ ịnị ịsụpa ẹnẹẹ dị ọ̀ sị ozi ịdẹ ẹẹva ana banyị va yị ọnị. Ọ kà ọnị ọ̀ọ sị ọ mẹ, dị ọnị chịnẹẹ anka ẹngụ ana ada anị sì ịrẹyị anị,

Oyinyima 28:3

Di ọ mẹ̀ aduwa yọ dị ọ ka Ohomorihi Ochẹtẹẹngụ vaa mẹ ka ò zee yọ, dị ọ mẹ ka ọ ma ozi ẹtẹẹtẹrẹ. Ezi ewu ẹ vaa vị ohiku anẹkụra ọrụrụ-ọrụrụ nị.

Oyinyima 48:9

Di Ijosẹẹhụ ka, “Nda, ezi emi yọ nọ. Ịzẹnị Ohomorihi yà sị wa yị ọnị nị.” Di Ijekọvụ ka, “Aarịhịnị ẹ̀ kụ́ wa vẹ ịzẹnị dị ọnị ọ̀ mẹ̀ aduwa yị wa.”

Oyinyima 49:28

Ịrẹsụ ẹwụrẹva ana vi Anisirẹrị ẹ vị ẹnẹẹ nị. Ịrẹyị ana ada ẹnịnị kà yị wa ọ màa mẹ̀ aduwaa yị wa ọ rẹ vị ẹnẹẹ nị. Aduwa ene rere ọzọza ọ mẹ yị ọzọza nị.

Iruuku 2:34

Dị Isimiyọnị rẹ mẹ̀ aduwa yị wa nị. Dị ọ kà a yị Imeri ọnyị Ijeesu ka, “Ohomorihi ọ sị ozi ọnọnị nyị ka ini oze anị aza ẹnyị ịnị Anisirẹrị nịnị vaa yàa hyẹdụ, dị aza ẹnyị rẹ varẹma kwẹẹtẹ nị. Ohomorihi ọ raà sị ọọ mẹ apọtẹrẹwa ọnị aza ẹnyị vee yii tịtẹ;

Iruuku 24:51

Ọ màa mẹ̀ aduwaa yị wa, dị ọ hụrẹ wa ẹngụ, dị a sị ọọ nọ ẹbẹẹba nị.

Anihiburu 11:20

Ayiziiki ộ sị ayị tụra Ohomorihi. Ọnị ọ rẹ mẹ ka ọ̀ mẹ̀ aduwa yị Ijekọvụ ọnịrị Iisọ, dị ọ kà a yị wa ịsị e vee tù wa ịrẹma ụhwọọ nị.

Ijosuwa 14:13

Dị Ijosuwa mẹ̀ aduwa ka Ẹnẹyịmavara ọ gụ Ịkarẹbị ụvọ, dị ọ sị Ihebirọnị yị ọnịrị ezi anị.

Ijosuwa 22:6

Ijosuwa ộ mẹ̀ aduwa yị wa, dị ọ ka ẹẹ na nị, dị ẹnịnị và nọ eehi ẹnịnị nị.