Oyinyima 27:2 - IWE ỌNỊNỊ

² Di Ayiziiki ka: Éē re ka oni o si bo aanị, ọnị ọ yị yẹ ịhị oni ee sú.

Oyinyima 27:2 ပူးပေါင်းရင်းမြစ်များ

Oyinyima 27:3

Agụvị avọọ sị ọkịta ọnịrị ahaba anị dị ọ̀ na ngụ avị dị ọ̀ wụ̀ uye va yị ọnị.

Oyinyima 47:29

Ịjị ụmẹ oni Ijekọvụ ee vee sú aa gụrị ẹtẹ, dị ọ tụ́ na hị́ Ijosẹẹhụ ozi anị dị ọ ka: Òo sì ịrẹyị anị ọ sị ụvọ chire agada anị dị ọ̀ hị́ eku yị ọnị. Ọ kà ọ̀ hị́ eku ka ọ vaa mẹ ịsị ọnị ọ ka ọ mẹ ka ọ yi vee vene ọnị. Ọ kà ọ̀ hị́ eku ka o yi vee ne ọnị tụ́ ịnị ẹtẹ Ijipiti.

Oyinyima 48:21

Di Ijekọvụ va hị́ Ijosẹẹhụ dị ọ ka, “Ọ̀ yẹ o ka ọnị ee vee sú. Ama Ohomorihi vaa jẹẹ ịrẹma anị, dị ọ sị ọ varẹma nọ ịnị ẹtẹ ohiku anị nịnị.

Ụhịrẹyị 27:1

Asị ọza wo oto ịrẹyị ụhwọọ agụvị ka ọza ọ yị yẹ eyi ana vaa nị.

Ịrẹyị Ọzwọzịsa 9:10

Ịsa tụra ịsa ọnị wàa ka waa mẹ, ụ sị avaba awụ mẹẹ agụvị ka ịnị ikuta ọnị ụ vaa nọ, ẹ yị nyị ụkọrọ ịzọọ avị ịrẹyị ò yị ro. Ẹ yị nyị ka maa yẹ ịsa ịzọọ avị ka maa da yẹ ịrẹyị.

Ayịsaya 38:1

 nyị ụmẹ ọnya aanị ọnị ẹngụ sị zị Ihezekaya, dị ọ sị vọ chee di o su. Ọnịsẹ Ayịsaya ana vị ozi Amozi ô ne tu ọ dị ọ kà, Ẹnẹyịmavara kà o tenyi irehi anị agụvị ka ẹ yị vaa zụ rị ụkụ anị ọnọnị, ee su nị.

Ayịsaya 38:3

Ọ kà, Ẹnẹyịmavara ọ tamayị ka ọnị ọ raà sị avaba ayị mẹ ịzẹyịza, dị ọnị rẹ mẹ̀ ịsa ana vọrọ eyi anị nị. Dị ọ nyayịnẹ jị òrèrè ẹtẹẹtẹrẹ nị.

Ịmaakị 13:35

Agụvị avọọ sị eyi pe ẹtẹ nịnị, oo, agụvị ka wẹ yị yẹ ụmẹ ana adarehi aa sịị vẹ nịnị. Ọ zụ vẹ ụmẹ oruva, ọ rẹ zụ vẹ agẹvịrahụ, àa vị ụkọkọrọ ọ̀ọ maanị nowu kẹnẹ, ọ rẹ zụ vị ẹnẹnẹ viri-viri.

Ijemiisi 4:14

Ama wẹ yị yẹ ịsị ụhwọọ vaa vị nịnị. Sị ụ sị ọ hị́ ka ụhwẹ awụ nịnị ọ́ọ vị? Vị ụ sị mẹẹ nịnị anka eguhi ene èe chire chee, dị ọ wụsẹ ta avọọ nị.

1 Ịsamụwẹrị 20:3

Di Idevidi rẹ hị́ eku dị ọ ka, “Ịzẹyịza m maa kà nị. Ada awụ ộ yẹ ịnị ayị anị ka wee sì ịrẹyị amị ẹtẹẹtẹrẹ. Agụvị avọọ ọ yị zẹẹ ka wa yẹ ịsị ọnị vaa mẹ̀ ka ayị va kụ́ wụ. Maa sị Ẹnẹyịmavara tẹ ivenu, dị mị rẹ sị ịrẹsụ awụ hị́ eku ka owu ihihine ọnya kẹnẹ ọ jị ọnịrị isu ịnẹ aanị nị.”