Oyinyima 26:7 - IWE ỌNỊNỊ

⁷ Ụmẹ ọnya di anọrụ ene hi ịzọọ họ̀ ọ use ka ose anị Irebeka wáá vị nị? Dị ọ ka: Ọyịnyara anịị yọ nọ. Angwa eehi ọ, ọ yị nyayịnẹ kà a ka ose anịị yọ. Ee ro o ka anịzọọ va hụ agụvị Irebeka sị ọnị wụ̀, agụvị ka Irebeka ọnị ô zoza.

Oyinyima 26:7 ပူးပေါင်းရင်းမြစ်များ

Oyinyima 12:11

Abụramị màa vaa ngụ ịnị ẹtẹ Ijipiti dị ọ kà a yi Isarayi ose anị dị ọ ka: Ọnị ộ yẹ ka ô zoza ẹtẹẹtẹrẹ.

Oyinyima 12:13

Dị ọ ka agụvị avọọ ọ̀ kà a ka ọyịnyara anị ọnị vị nị. Wàa vavọọ kà, ẹ vaa hụ agụvị anị dị ẹ yị wụ ọnị dị e sì ọnị.

Oyinyima 12:15

Ịjị aza ene hi ini eehi ohinọyị re e, dị ẹ na kà a yi ohinọyị ka eni e re ọnẹẹ ana vavọọ zoza nị. Dị ẹ va sị Isarayi nọ ini eehi ịda ohinọyị nị.

Oyinyima 20:11

Di Abụrahamị ka, “Ịsị ẹ mẹ ka ọnị ọ̀ vavọọ mẹ yị: ọnị o ro ka ẹ yị nyị ọza ene hí angwa Ohomorihi ịnị ẹkụra ọnọnị, di oni ro ka ẹ nyayịnẹ hụ agụvị ose anị dị ẹ wụ ọnị.

Oyinyima 20:2

Abụrahamị mẹ̀ yà ịzọọ dị aa hị́ Isera ana vị ose anị ọyịnyara anị nị. Di Abimẹrẹkị ana vị Ohinọyị Igera ọnị va tụ́ na sị Isera ka ọnị aa nyị ọ nị.

Oyinyima 20:5

Ọ rẹ ka ọ́ọ́ yẹ ka ọnị ọ kà a yị ọnị ka ọyịnyara anịị yọ nị? Di Isera ọnị ụvọta ọnị rẹ ka ẹnẹbẹnị anị Abụrahamị vị nị. Ọ kà ọnị ọ yị nyị ariro odivi tụ́ ịnị ayị dị ọnị ka ọnị aa nyị ọ, ọ ka ayị ọnya ọnị sị na nị.

Oyinyima 24:16

Wèe re Irebeka, ô zoza ẹtẹẹtẹrẹ. Ozwoorihi ọ vị nị, ộ yị yẹ ọnọrụ. Dị ọ nọ ịnị oswe, dị ọ sị ụnọkọ anị na dà enyi di aa vẹ nị.

Oyinyima 26:6

Ịzẹyịza di Ayiziiki ra Igerari nị.

Oyinyima 26:8

Ọ mẹ̀ dà ku oni Ayiziiki ra ịzọọ, ẹkụhị ọnya di aa kụ́ ụvọọ sisi Irebeka ose anị ẹngụ, dị ẹ yaa mẹ aahẹ nị. Di Abimẹrẹkị ohinọyị Anihwirisiti dà eyi gẹ ini ozokete, dị ọ sị wa re nị.

Oyinyima 29:17

 nyị ịsị ẹ ka ọnị ọ̀ maanị mẹ Iriya eyi, ama Irechẹrị ọnị ô zoza, wèe re e kẹnẹ aa vá wụ.

Ụhịrẹyị 29:25

Ọza ene e hí angwa ọza vị ana a va ịrẹpa zi ẹngụ anị, ama ọza ana sị ayị tụra Ẹnẹyịmavara ọ sị ha.

Imatiwu 10:28

Asị u hí angwa aza anaā wụ ọchẹngụ ọza kẹnẹ, ama dị ọ̀ yị zụ wụ ụhwẹ anị. Ama wee hí angwa ọza ana ahịka o zụ du ọchẹngụ ọnịrị ụhwẹ ọza ha ini ẹkụra!

Anẹhwẹsọsị 5:25

Ẹwụ nịnị ọva, sì ịrẹyị ose ewu nịnị, anka Íkirisiti ọnị mè re sì ịrẹyị anịragụ anị, dị ọ sị ẹngụ anị tịtẹ yọ.

Anikorasi 3:9

Asị ụ rè cheeche yị ẹngụ nịnị, agụvị ka wáa yẹ ka wa sị ebira awụ nịnị ịyẹẹyẹ hụrẹ ụvọ,