Oyinyima 26:5 - IWE ỌNỊNỊ

⁵ Ọ kà ọnị vavọọ vaa mẹ̀ ẹ agụvị ka Abụrahamị ộ wụ́ ịrẹyị anị, dị ọ rẹ sị ụvọ za avaba ọda anị nị.”

Oyinyima 26:5 ပူးပေါင်းရင်းမြစ်များ

Oyinyima 12:4

Ịzẹyịza dị Abụramị kwẹẹtẹ aa na anka Ẹnẹyịmavara mẹ̀ kà a yọ nị. Di Ịrọọtị saasa a aa na nị. Abụramị vị ịrayị ẹtarẹwụ tụra ẹẹhị (75) dị ọ vavọọ kwẹẹtẹ hụrị Ịharanị.

Oyinyima 17:23

Ịhị ọnọọ gẹdẹ-gẹdẹ, di Abụrahamị sị Isimẹrị ozi anị ọnịrị ọrịhị ana a ma ini ohweje anị ne beri ọnị ọ sị ẹkẹhị anị hị́ ọnịrị avaba anọrụ ịnị aza anị, dị ọ jị wa ụvẹvẹnẹ nị, anka Ohomorihi mẹ̀ kà a yọ nị.

Oyinyima 18:19

Mẹ yị vavọọ zụ mẹ. Ma raà nyị Abụrahamị ka ò hú ezi anị ọnịrị aneehi anị ụvọ ka ẹ̀ va tụra oze amị ka ẹ̀ẹ mẹ̀ ịsa ana vọrọ ini eyi ẹmị Ẹnẹyịmavara, dị ẹ̀ẹ mẹ ịzẹyịza. Ọnọọ vaa mẹ ka ịsa ọnị mị ka maa mẹẹ yị Abụrahamị me re oze mẹ̀ ẹ yọ.”

Oyinyima 22:16

dị ọ ka: Ẹnẹyịmavara kà ọnị ọ raà sị ẹngụ anị hị́ eku ka ọnị vaa mẹ ka ò zee yọ ịzẹyịza, agụvị ịsa ọnị ọ mẹ dị ọ yị sị ozi ọnị, ana vị ozi anị ikonya gene-gene tẹ yị ọnị.

Oyinyima 22:18

Ọ kà ọ mẹ̀ maanị wụ́ ịrẹyị anị, ọ ka anẹkụra vị ana vaa kà a ka ọ maa navọ ò zee yị ẹnị anka o mè zee yị ezi anị ịrẹma-ịrẹma.

Oyinyima 26:6

Ịzẹyịza di Ayiziiki ra Igerari nị.

Imatiwu 5:19

Ọza ana àa jịnẹ ene weyi hu kere-kere ịnị ọda ẹnẹnị, dị ọ rẹ vavọọ sị kọ aza nị, ọnị ọ vaa vị ọza ene weyi hu ịzị Ada ayị ẹbẹẹba yà aa mẹ ịjọva nị. Ama ọza ana àa mẹ̀ ẹ, dị ọ rẹ kọ ọ yị aza nị, ọnị ọ vaa vị ọzọbanyị ịzị Ada ayị ẹbẹẹba yà aa mẹ ịjọva nị.

Imatiwu 7:24

“Agụvị avọọ ọza tụra ọza ana àa wụ́ ịrẹyị amị ẹnẹnị, dị ọ rẹ mẹ̀ ịsa ọnị mị kà nị, vị ana vaa sị mẹẹ anka ọyẹrẹyị ọnya aanị ana dà irehi anị tụ́ ịrẹsụ ịda.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

Anigaratiya 5:6

Ọza ọnịrị Ijeesu ọ̀ọ vị ọnya, ọ̀ọ jị ụvẹvẹnẹ oo, ọ̀yị jị ụvẹvẹnẹ oo, ẹ yị nyị ọ mẹ̀ kà; avaba ẹnịnị vị ọnya. Ama ịsị ẹ vị ịrẹyị ẹtẹẹtẹrẹ ọ vị ka ya sị ayị tụra Ijeesu, di ye re sì ịrẹyị ẹngụ, ana sị zụ̀ ka yáa sị ayị tụraa.

Anihiburu 11:8

Abụrahamị ọnị ọ rẹ sị ayị tụra Ohomorihi, agụvị avọọ ộ wụ́ ịrẹyị chire Ohomorihi. Ịnị ụmẹ ọnya Ohomorihi ộ kà a yọ ka ọ̀ kwẹẹtẹ, dị ọ̀ nọ ịnị ẹtẹ ọnya aanị ọnị ọnị vaa sịị yọ. Ịzẹyịza, Abụrahamị ộ kwẹẹtẹ, dị aa yịị na kẹnẹ nị. Ọ yị hyakụ yẹ ịzị ọ daka aa nọ.

Ijemiisi 2:21

Wáá kụkụ tamayị Abụrahamị ana vị ohiku ayị? Sị ẹ mẹ ka Ohomorihi ọ̀ jị ịhị yọ? Wáá yẹ ka agụvị ebira ọnị ọ mẹ yọ, ọ̀ mẹ̀ sị ozi anị Ayiziiki tụ́ ịrẹsụ ụta, dị ọ sị mẹ̀ ịsọvọ yị Ohomorihi nị.