Oyinyima 26:4 - IWE ỌNỊNỊ

⁴ Ọ rẹ ka ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị ene hi ini eguhi. Ọ rẹ ka Ezi anị ọnị vaa sị avaba ẹtẹ ẹnẹnị yị nị. Anẹkụra vị ana vaa kà a ka ò zee yị ẹnị anka o mè zee yọ.

Oyinyima 26:4 ပူးပေါင်းရင်းမြစ်များ

Oyinyima 13:16

Ọ kà ọnị vaa mẹ ka ịpa anị ẹ̀ rụrụ anka ezi ene hi ịnị ẹhẹ. Ọ kà ọza ana àa zụ za ezi ịrịka ọ rẹ va zụụ za ịpa anị nịnị ịrịka nị.

Oyinyima 15:18

Ịhị ọnọọ Ẹnẹyịmavara ô pè Abụramị kà ịrẹyị tịtẹ dị ọ kà a yọ ka: Ezi anị ịrẹma-ịrẹma ọnị sị ẹtẹ ọnọnịị yị nị. Ẹnị ẹ nyị hụrẹ ụtọ okuha ana ya ẹhwị Ijipiti na ngụ irehu Iyuhwuretisi nị, ẹnị ẹ nyị nị.

Oyinyima 15:5

Di Ohomorihi sị Abụramị jịnẹ nọ ẹhẹ dị ọ kà a yọ ka: Ò Re ẹbẹẹba di a re, ọ̀ọ zụ za ụzọmị ẹnẹẹ ịrịka ọ za a. Dị ọ rẹ kà a yọ ka avọọ ezi anị ịrẹma-ịrẹma mẹ̀ vaa rụrụ nị.

Oyinyima 18:18

Abụrahamị ọnọnị ọ vaa vara anẹkụra ọbanyị ana nyị ụkata nị. Avaba anẹhẹ vaa mẹ̀ aduwa ka ò zee yi ẹnị anka o mè zee yi Abụrahamị.

Oyinyima 26:24

Ịrahụ ịhị ọnọọ, Ẹnẹyịmavara ọ sị ẹngụ zụ ọ, dị ọ kà a yọ dị ọ ka, “Ẹma vị Ohomorihi Abụrahamị ada awụ nị. Asị u hí angwa agụvị ka mị yà pè wu. Mị vaa hụ agụvị Abụrahamị ozi ahụ amị dị mị mẹ ka ò zee wu, dị mị mẹ ka ezi ewu ẹ̀ rụrụ.”

Oyinyima 28:14

Ọ rẹ ka ezi anị ịrẹma-ịrẹma vị ana vaa rụrụ anka ezi ini eteesu avọọ. Ọ kà vị ọ vaa yara ngụ avaba ẹhẹẹ zị nị. Anẹhẹ vị ana va mẹ̀ aduwa ka ò zee yị ẹnị anka o mè zee yọ.

Oyinyima 28:3

Di ọ mẹ̀ aduwa yọ dị ọ ka Ohomorihi Ochẹtẹẹngụ vaa mẹ ka ò zee yọ, dị ọ mẹ ka ọ ma ozi ẹtẹẹtẹrẹ. Ezi ewu ẹ vaa vị ohiku anẹkụra ọrụrụ-ọrụrụ nị.

Oyinyima 35:12

Ọ kà ẹtẹ ọnị ọnị sị yị Abụrahamị ọnịrị Ayiziiki avọọ, vị ọnị ọnị rẹ sị yị ọ. Ọ kà ẹtẹ ọnọọ vị ọnị ọnị aa sịị yị ezi anị ịrẹma-ịrẹma.”

Oyinyima 47:27

Ijekọvụ nịnị vị ana ra hi okokooro Igoseni ịnị ẹtẹ Ijipiti. Ệ nyị ẹtẹ tụ́ ịzọọ, dị ẹ ma ozi, dị ẹ nyayịnẹ aa rụrụ nị.

1 Ịtọpa 27:23

Ohinọyị Idevidi ẹ yị za aza ẹnẹ ẹ̀ yị gụ ịrayị oohu ịrịka, agụvị oto ọnị Ẹnẹyịmavara wo ka ọnị va mẹ ka ezi Anisirẹrị ẹ̀ rụrụ anka ụzọmị ene hi ẹbẹẹba.

Ahẹ Ụgama 72:17

Ohomorihi, navọ kwogwo asị ịrẹha ohinọyị vú pàá. Navọ àa tịị tamayị anị pooro zịna. Navọ ahịka vị anẹhẹ vaa kà a ka ò zee yị ẹnị anka o mè zee yị ohinọyị nị. Dị ẹ̀ rẹẹ mẹ̀ aduwa ka ò zee yị ohinọyị.

Ọyịkụra 32:13

Tamayị ịrẹyị ezi ahụ awụ ẹnẹnị, Abụrahamị, Ayiziiki ọnịrị Ijekọvụ. Tamayị ka wa raà sị ụbanyị ẹngụ awụ hị́ eku ka ụ vaa mẹ ka ezi ẹnịnị ẹ̀ rụrụ anka ụzọmị ene hi ẹbẹẹba. Ụ ka ezi anị ụ vaa sị avaba ẹtẹ ọnọnịị yị nị. Ụ ka wa sị ọ ka ka ẹ yị zụ nyị ka wẹ yị vaa sịị yị wa dị ọ̀ vị ẹẹnịnị pooro na.”

Ọyịkụra 6:4

Dị ọ rẹ ka ịsị ọnị dọ ka ọnị vaa mẹẹ yị wa vị ana jị jẹẹ geri-geri. Ọ kà ọnị ka ẹtẹ Ikanaani ẹnị ẹ vị ọzọga tụ́ aanị, vị ọnị ọnị vaa sịị yị wa, dị ahịka ẹnị ẹ kụkụ nyị nị.

Odeyi 3:25

Ozi ọnịsẹ nịnị ụ vị nịnị nị. Wâ nyị tụ́ ịnị oto oni Ohomorihi wo yi ohiku awụ nịnị. Oto ọnọọ ọ vị ka Ohomorihi ộ kà a yị Abụrahamị ka: ‘Ini oze ozi ewu mị vaa zịị mẹ ka ò zé yị avaba anẹhẹ nị.’

Anigaratiya 3:16

Avọọ Óhomorihi mẹ̀ kà a ka ayị zụ nyị ka ọnị ọyị vaa mẹ̀ ịsa ọrụrụ-ọrụrụ yị Abụrahamị ọnịrị ozi anị nị. Iwe Ohomorihi ọyị kà a ka: “yị ezi ewu nịnị”, anka aza ọrụrụ, ama ọ ka: “yị ozi ewu,” ọnị ọ vị ka ọza ịnya ọ vị nị, ana vị Ikirisiti.

Anigaratiya 3:8

O si kù oni Iwe Ohomorihi kà a tịtẹ ka agụvị ka aza ẹnẹ ẹ̀ yị vị Aniju ẹ́ẹ dọ wụ́, Ohomorihi vaa sị jị ịhị yị wa nị. Agụvị avọọ dị Iwe Ohomorihi jintu kà enube ọyịza yị Abụrahamị tịtẹ nị ka, “Agụvị awụ Óhomorihi vaa mẹ ka ò zé yị avaba anẹhẹ nị.”

Iwe Ọhụhị Imosiisi ana aa hị́ Ọyịvatụrọda 13:17

Asị a nyị ọza ana sị̀ hụụnị ogu ene chi hi aanị, agụvị Ẹnẹyịmavara ọ vaa hụụnị ọyịkụ anị, dị ọ vayị awụ nịnị. Ọ vaa vayị awụ nịnị, dị ọ mẹ ka wa rụrụ hu avọọ anka ọ mẹ hị́ eku yị ohiku awụ nịnị,

Iwe Ọhụhị Imosiisi ana aa hị́ Ọyịvatụrọda 9:5

Ẹ yị vị agụvị ịnẹ ọyịza ọnịrị ebira ozoza awụ nịnị aa sị navọ ka wa dọ ẹtẹ ẹnịnị. Ama agụvị ebira odivi ẹnịnị Ẹnẹyịmavara Ohomorihi awụ nịnị vaa sị dụ wa jịnẹ eyi awụ nịnị nị. Ộ vavọọ mẹ̀ agụvị dị ọ sị ahụ ku ịrẹyị ọnị ọ ka yị ohiku ẹnịnị, Abụrahamị, Ayiziiki, ọnịrị Ijekọvụ.

Anihiburu 11:2

Anụmẹ ịyẹẹyẹ ẹ́ẹ vavọọ sị ayị tụra Ohomorihi, dị Ohomorihi kà ọda yị wa nị.