Oyinyima 24:3 - IWE ỌNỊNỊ

³ dị ò sị Ẹnẹyịmavara Ohomorihi ana mẹ ẹbẹẹba ọnịrị ẹhẹ hị́ eku yị ọnị. Ọ kà ọ̀ hị́ eku ka ọnị ẹ yị vaa nyị ezi Anikenaani ịzị ọnị yà aanị yi ozi anị, ka ọ̀ vi ose anị.

Oyinyima 24:3 ပူးပေါင်းရင်းမြစ်များ

Oyinyima 14:19

Dị ọ mẹ̀ aduwa yi Abụramị dị ọ ka, “Ohomorihi ọgọdọgọdọ ọnị ụvọ ọza è yi mè tù ana mẹ ẹbẹẹba ọnịrị ẹhẹ ọ̀ navọ ó zee yị Abụramị.

Oyinyima 14:22

Dị Abụramị ka: Eyiye, ọnị ộ vịdị raà sị́ Ẹnẹyịmavara Ohomorihi ana nẹba hu keekere ana mẹ ẹbẹẹba ọnịrị ẹhẹ hị́ eku,

Oyinyima 21:23

Ọ kà ọ̀ hị́ eku yị ọnị ịzẹnị booro aanị ka o yi vee vene ọnị, àa vi ezi anị pooro na ngụ ezi anị ịrẹma-ịrẹma. Ọ kà ọ̀ hị́ eku ka ịzẹyịza ọnị ọnị ee sii pè e mẹ̀ ọnị re ve sii pè ọnị mẹ ne beri anẹkụra ịzị ọ ra aanị.”

Oyinyima 24:7

Abụrahamị rẹ ka Ẹnẹyịmavara Ohomorihi ana mẹ ẹbẹẹba ọnị ọ sị ọnị hụụ ịda ada anị ọnịrị hụụnị ẹtẹ ịzị a yà ma ọnị nị. Ọ kà ọnị ọ hị́ eku dị ọ kà a yị ọnị ka ozi anị ịrẹma-ịrẹma ọnị vaa sị ẹtẹ ọnọnịị yị nị. Abụrahamị Ọ vaa tụ́ anggẹẹrị anịị saasa a, dị ọ̀ na nyị ọnẹẹ hụụ ịzọọ va yị ozi anị.

Oyinyima 27:46

Di Irebeka kà a yị Ayiziiki dị ọ ka, “Anẹẹ Anihiti ọnị Iisọ na nyị aanị ẹ raà kụ́ o du mi eyi. Ijekọvụ ọnị ọ̀ọ rẹ na nyị Anihiti ẹnẹnị ene hi ịzẹnị aanị, ẹ yị vi isu amị sị gụrị ẹtẹ avọọ?”

Oyinyima 28:1

Di Ayiziiki va hị́ Ijekọvụ dị ọ mẹ̀ aduwaa yọ, di o hú ọ ụvọ dị ọ ka, “Asị ọ na nyị ezi Anikenaani ka ọ̀ vị ose anị, o! Ọ kà ọ̀ nọ ịda Ibetuwẹrị ada ọnyị anị ana ra Ịpadanaramị. Ọ kà Ịrabanị ẹnẹbẹnị ọnyị anị ộ ma ezi anẹẹ hi ịzọọ, òo tù ịzọọ, dị ọ nyị ọnya ịnị ẹnịnị.

Oyinyima 28:8

Ọnọọ ộ mẹ̀ ka Iisọ ọ̀ yẹ ka ezi Anikenaani e yi zee Ayiziiki ada anị eyi,

Oyinyima 34:9

Ọ kà ẹ navọ ẹnị ẹ̀ nyị ẹngụ. Ọ kà ẹ̀ sị ozi ẹnịnị gà ẹnị dị ẹnị ẹ̀ rẹẹ si ozi ẹnịnị gà wa.

Oyinyima 38:2

Ịzọọ ọ ya, di o re ọnẹẹ ana vị ozi Isuwa Anikenaani nị. Di Ijuda nyị ọ dị ọnịrị ọ aa mẹ ẹvarose nị.

Oyinyima 47:31

Di Ijekọvụ ka Ijosẹẹhụ ọ̀ hị́ eku ka ọnị vavọọ vaa mẹ. Di Ijosẹẹhụ hị́ eku yọ nị. Di Ijekọvụ hụtụ ịrẹsụ aha ọyịsụ anị dị ọ kụ́ Ohomorihi avọ nị.

Oyinyima 50:25

Di Ijosẹẹhụ kà a yị ezi Isirẹrị dị ọ ka, “Mâ yẹ ka Ohomorihi vaa gụ wụ nịnị ụvọ. Ama hị́ eku mị nịnị ka ụ vaa kụ́ ẹchụkụ amịị za wàa nọ ịnị ẹtẹ ọnọọ nịnị.”

Oyinyima 6:2

Ụmẹ ọnya anggẹẹrị ẹnyị ee re ka ezi anẹẹ ana aza ma ê zoza. Dị ẹ ọzọza nyị ene zee wa eyi dị ẹ sị mẹ ose ẹnịnị nị.

Oyinyima 6:4

 vịdị nyị aza bahị-bahị ene hi ịnị ẹhẹ ịnị ụmẹ ẹnẹẹ, ẹnị ẹ vị ezi ana ma yị anggẹẹrị ẹnẹẹ nị. Ịrẹma ọnọọ ẹngụ anggẹẹrị ẹnẹẹ ẹ̀ẹ rẹ nọ ịda ezi anẹẹ ana aza ma, dị ẹ ma ezi nị. Ezi ẹnẹẹ ẹ vị ọnọrụ ịyẹẹyẹ nị. Ẹnịnị ệ ngụ ịrẹyị.

2 Ohinọyị 19:15

Ộ mẹ̀ aduwa, dị ọ ka: Ẹwụ Ẹnẹyịmavara, Ohomorihi Anisirẹrị nịnị, ohinọyị ana ya ẹbẹẹba anggẹẹrị nịnị, ẹwụ ịnyara ọ vị̀ Ohomorihi nị. Ẹ wa vị ohinọyị avaba ẹhẹ nị. Ẹwụ tụ ẹtẹ ọnịrị ihinẹba nị.

2 Ịtọpa 2:12

Ọ kà ọnị ọ kụ Ẹnẹyịmavara Ohomorihi Anisirẹrị ana tụ́ ẹbẹẹba ọnịrị ẹtẹ avọọ. Ọnị ọ sị ozi ana yẹ ịrẹyị yị Idevidi ana mẹ̀ eto ka ọnị o dà irehi yị Ẹnẹyịmavara ọnịrị irehi ohinọyị yị ẹngụ.

Ẹzịra 5:11

Dị Aniju ẹnẹẹ tụ ẹnị ohi ka, ezi ahụ Ohomorihi ana nyị ẹbẹẹba ọnịrị ẹhẹ ẹnị vị nị. Dị ẹ kà ẹnị ee tenyi eburu irehi Ohomorihi ọnị ohinọyị Anisirẹrị ọbanyị ọnya aanị vịdị da hụrẹ ụmọrụmọ nị.

Inehemaya 13:25

Mâ tụ wa ohuvọ, di mi chì hi wa nị. Mê tu wa, di mi hu aza ẹnyị ẹyị ịrẹsụ nị. Mâ mẹ wa ka ẹ̀ sị Ohomorihi hị́ eku ka ẹnị ẹ yị vana sị ezi anẹẹ ẹnịnị gà anẹkụra ọsa; ẹnị ẹ yị ma vana nyị ezi anẹẹ anẹkụra ọsa yị ezi anọrụ ẹnịnị àvị yị ẹngụ ẹnịnị ụvọta.

Inehemaya 9:6

Dị ẹ ka ọnị ịnyara kẹnẹ ọ vị Ẹnẹyịmavara nị. Ọnị ọ mẹ̀ eguhi, ọnịrị ẹbẹẹba neberi ụzọmị nịnị nị. Ọnị ọ mẹ̀ ẹtẹ ọnịrị oku neberi avaba ịsa ana ra hị́ ịnị anị. Ọnị ọ sị ụhwẹ yị avaba ịsa, dị ee sere wa nị. Ọnị avaba anggẹẹrị nịnị aa hẹkẹ nị.

Ahẹ Ụgama 115:15

Ẹnẹyịmavara ana mẹ ihinẹba ọnịrị ẹtẹ ọ̀ navọ ò zee wu.

Ahẹ Ụgama 136:26

Waa kụ́ Ohomorihi ana ya ẹbẹẹba avọ. Vi óō sì ịrẹyị ọza pooro zịna-zịna nị.

Ọyịkụra 20:7

Wẹ yị nyayịnẹ sị ịrẹha Ẹnẹyịmavara ana vị Ohomorihi awụ hị́ eku ireche, ẹmị Ẹnẹyịmavara vị ana aa sị ụyaa rị ọ.

Ọyịkụra 22:11

aza ẹnẹẹ vaa nọ ọvịdị Ẹnẹyịmavara naa hị́ eku dị à sị mẹ̀ ọkarẹyị. Ọza ana a sị ịsụpa yị vaa hị́ eku ka ẹ yị vị ọnị ụvọta ọ vara eyi yi ịsụpa ọhụva anị. Ọ̀ọ vavọọ sị eku hị́, ọza ana nyị ịsụpa ọnọọ vavọọ vaa dọ. Ẹ yị nyị ụta ana kụkụ aa varẹma sị ọ.

Ọyịkụra 23:13

Re ka avaba ịsị mị kà wụ aanị, wâ sị eyi pè e waa saasa a. Asị ụ na hị́ ịrẹha ori ọnyọọnyị, asị a hyakụ wụ́ ka wa si irenu awụ kà ịrẹyị ẹnịnị.

Ọyịkụra 34:16

Waa na nyị ozi ẹnịnị va yị ozi ewu nịnị, Ịjị ozi ẹnịnị aa hẹkẹ ori anị, vị ẹ yaa kụ́ ezi ewu nịnị za nị.

Ayịsaya 45:23

Ẹnẹyịmavara kà ọnị ọ raà hị́ eku, ọnọ ẹ yị vara ayị. Avaba idunku o vee ku ẹtẹ yị ọnị nị. Avaba aza ọ vaa hẹkẹ ọnị nị.

Ayịsaya 48:1

Batọ ịrẹyị ọnọnị, ẹwụnị Anisirẹrị ana vị evere Ijuda ana sị ịrẹha Ẹnẹyịmavara hị́ eku. Ẹ ka ẹnị aa hẹkẹ Ohomorihi Anisirẹrị ama ireche osusu.

Ayịsaya 65:16

Ọza tụra ọza ene èe sị̀ ka ọnị ọ̀ mẹ̀ aduwa ịnị ẹtẹ ọnọnị, vị ana vaa sị ịrẹha Ẹnẹyịmavara Ohomorihii mẹ̀ ẹ. Ịrẹha Ẹnẹyịmavara Ohomorihi, ọzọza kụkụ vaa sịị hị́ eku ịnị ẹtẹ ọnọnị nị.

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ijeremaya 12:16

Ọ kà, ẹnịnị ẹ̀ẹ sị avaba ayị ẹnịnị aa hẹkẹ ọnị anka aza anị maa hẹkẹ ọnị, ọnị vaa sị wa anka aza anị. Ẹnịnị àa sị ịrẹha anịị hị́ eku anka ẹ mẹ vịdị kọ aza anị ka, ẹẹ sị Ịbaarị hị́ eku, o vee zee yị wa.

Ijeremaya 29:6

Ẹnẹyịmavara kà waa nyị ọnẹẹ ịzọọ nịnị dị waa ma ezi nịnị. Navọ ezi ẹwụ nịnị ẹnị ẹ̀ rẹ nyị ọnẹẹ dị ẹ̀ ma ezi ịzọọ. Waa rụrụ hu avọọ nịị, asị ụ jịha nịnị.

Ijeremaya 4:2

Dị Ijeremaya ka wàa sị ịrẹha anị hị́ eku nịnị tụ ịrẹsụ ịzẹyịza ọnịrị ịsa ana vọrọ nịnị, ọ vaa mẹ ka ò zé yị ẹkụra awụ nịnị, dị avaba aza kụkụ aa sị ọ mẹ ụbanyị.

Ireevi 19:12

À sị ẹ sị ịrẹha anị hị́ eku tụ ịrẹsụ ịrẹyị ẹnẹ ẹ̀ yị vị ịzẹyịza, dị ẹ̀ va sị mẹ̀ ụhị nyị ịrẹha ọnị Ohomorihi ẹnịnị. Ọnị ọ vị Ẹnẹyịmavara nị.

Ịzẹhwanaya 1:5

Ọ kà avaba aza ana hịrẹ tụ ịrẹsụ irehi na hẹkẹ ọyị ọnịrị ụhwẹ neberi ụzọmị nịnị ẹ yị vaa ha. Ẹnẹyịmavara kà ọnị vaa pa ịva yị aza ana mẹ ayị ẹẹva, dị ẹ yaa hẹkẹ ọnị, dị ẹ ya sị ịrẹha anị hị́ eku, dị ẹ rẹ yaa hẹkẹ ori ana aā hi Imorẹkị.

Ịrịka 5:21

Ẹnẹyịmavara mẹ ozirenu za a eyi anda ẹnịnị, dị ịhị ozi anị kachị, dị ịrẹka anị wu.

1 Anịkọrịntị 7:39

Ọnẹẹ ọnị ọva anị ọ̀ọ yị yàra, ọda ọ yị zẹ ẹ ka ọ̀ kụkụ na va ọnọrụ ọsa. Ama ọva anị òo wusu, óo re oze na va ọza ene zé eyi anka Ohomorihi mè sì ọọ.

Iwe Ọhụhị Imosiisi ana aa hị́ Ọyịvatụrọda 10:20

Wụ̀ chire Ẹnẹyịmavara Ohomorihi awụ nịnị, dị ụ waa hẹkẹ ọnị ịnya kẹnẹ. Mẹ ịzẹyịza ka a na, dị u wee wo oto ịnị ịrẹha anị.

Iwe Ọhụhị Imosiisi ana aa hị́ Ọyịvatụrọda 6:13

Hi angwa Ẹnẹyịmavara ana vị Ohomorihi awụ, dị wa hẹkẹ ẹ, dị wa sị ịrẹha kẹnẹ hị́ eku.

Anihiburu 6:16

Ọza ọ̀ọ wo oto, dị ọ sị ịrẹha ịsa ene hunaa hị́ eku. Ọ̀ọ sị eku hị́, dị ẹ yị kụkụ nyị ịrẹyị.

Ijosuwa 2:12

Dị Ịrahabị ka ẹnịnị ẹ sị Ẹnẹyịmavara hị́ eku ka ẹnị vaa nyị ayamva yị ovwoovu anị agụvị ka ọnị ọ gụ́ wa ụvọ. Dị ọ ka ẹ̀ mẹ̀ ịsa ana vaa vị ivenu ka

Ọdọvịdị 14:3

Dị ada anị ọnịrị ọnyị anị họ̀ ọ use ka, “Aanị ka ẹ yị nyị ọnẹẹ ịdị anda nịnị ana vọrọ ka wa nyị, dị ụ waa na nyị ọnẹẹ hụrẹ ịdị Anihwirisiti nịnị ẹnẹ ẹ yị maā jị ụvẹvẹnẹ?” Dị Ịsamịsịnị kà a yị ada anị ka, “Nyị ọnẹẹ ọnọnị yị mị ka o zee mị eyi.”

1 Ịsamụwẹrị 20:17

Dị Ijonatani ka Idevidi ọ̀ rẹ hị́ eku ka ọnị ô sì ịrẹyị ọnị Ijonatani nị. Ijonatani vị ana nyayịnẹ sì ịrẹyị Idevidi anka ẹngụ anị ụvọta.

1 Ịsamụwẹrị 30:15

Dị Idevidi ka ọ́ọ́ zụ sị ọnị nọ ịda aza ana maanị va dụ aza va ha aanị. Di Anijipiti ka Idevidi ọ̀ọ nyẹngụ sị Ohomorihi hị́ eku ka ọnị ọ yị vaa wu ọnị, dị asị ọ rẹ sị ọnị varẹma na yị ọga anị, ọnị vaa sị ọ naa zụ̀ aza ẹnẹẹ.