Oyinyima 24:2 - IWE ỌNỊNỊ

² Ẹhụhị ọnya di Abụrahamị kà a yị ozi ahụ anị ana vị ọzọkụ ana sị eyi pè avaba ịsa ọnị ọ nyị dị ọ ka, “Ọ̀ Sị ụvọ chire ọnị agada,

Oyinyima 24:2 ပူးပေါင်းရင်းမြစ်များ

Oyinyima 15:2

Dị Abụramị ka Ẹnẹyịmavara Ohomorihi sị ọnị vị ana aa kụ́ ogu ẹnẹẹ mẹ? Ọ kà ô re ka ọnị ọ yị ma ozi. Eriyaza Anịdamasịkọsị ọnọnị ọ vaa kụ́ ogu anị aanị nị.

Oyinyima 24:34

Dị ọnọrụ ọnọọ ka, Ozi ahụ Abụrahamị ọnị vị nị.

Oyinyima 24:37

Ọ kà Ọga anị ộ mẹ̀ ka ọnị ọ hị́ eku yọ ka ọnị ẹ yị va naa nyị Anikenaani ịzị ọnị ra vaa yị ozi anị ka ọ̀ ọnyị ọ ọnẹẹ.

Oyinyima 44:1

Ịjị ẹ vavọọ sị ịsa rị, di Ijosẹẹhụ hị́ ozi ahụ ana sị eyi pè irehi anị dị ọ ka: kụ́ akụ hi ịnị achuchu aza ẹnẹẹ nị. Ọ kà Ọpa ẹnị ẹ̀ẹ zụ za kẹnẹ, ẹ vavọọ sị akụ yị wa. Dị ẹ sị ẹkẹhị ọzọza tụ́ ịnị achuchu anịị yọ,

Oyinyima 47:29

Ịjị ụmẹ oni Ijekọvụ ee vee sú aa gụrị ẹtẹ, dị ọ tụ́ na hị́ Ijosẹẹhụ ozi anị dị ọ ka: Òo sì ịrẹyị anị ọ sị ụvọ chire agada anị dị ọ̀ hị́ eku yị ọnị. Ọ kà ọ̀ hị́ eku ka ọ vaa mẹ ịsị ọnị ọ ka ọ mẹ ka ọ yi vee vene ọnị. Ọ kà ọ̀ hị́ eku ka o yi vee ne ọnị tụ́ ịnị ẹtẹ Ijipiti.

Oyinyima 47:31

Di Ijekọvụ ka Ijosẹẹhụ ọ̀ hị́ eku ka ọnị vavọọ vaa mẹ. Di Ijosẹẹhụ hị́ eku yọ nị. Di Ijekọvụ hụtụ ịrẹsụ aha ọyịsụ anị dị ọ kụ́ Ohomorihi avọ nị.

2 Ịsamụwẹrị 12:17

Dị azọkụ ini ezi ahụ anị kwẹẹtẹ ka ẹnị ẹ̀ na sị ọ kwẹẹtẹ hụụnị eteesu nị, ama ô yi. Ọ yị zẹẹ ka ọnịrị wa ẹ̀ rị ịsa.

1 Ohinọyị 16:9

 nyị ọga isoja anị ọnya ana aā hị́ Izimiri. Ọnị ọ sị eyi pè achẹva isoja ohinọyị anaā sịị umaata kụ̀ ịrẹkụ nị. Di Izimiri ọnọọ na mẹ eto ka ọnị ọ̀ wụ Ibaasa nị. Ibaasa vị ana yà ini eehi Ariza di ee hú eche, di eche aa mẹrị ọ. Ariza ọnọọ ọ si eyi pè irehi ohinọyị ana yà Itiriza nị.

1 Ịtọpa 29:24

Avaba ẹnị ọdọvịdị ẹnịrị isoja nịnị beri avaba ezi ọnọrụ Idevidi ana vọ ê wo oto ka ẹnị vaa saasa Isoromọnị anka ohinọyị.

1 Itimoti 5:17

Azọkụ ịragụ Ohomorihi ana àa mẹ̀ ụkọrọ ẹtẹẹrẹ, vị ana a vọrọ ka à sị ụbanyị yị, dị à rẹẹ sị ịsaa yị wa; hu keekere, aza ana aa sịị vụrị ka ẹnị ẹ̀ẹ kà ịrẹyị Ohomorihi, dị ẹnị ẹ̀ rẹẹ zụ̀ aza ịsa.

Iruutu 2:6

Dị ọ tụ ohi ka, “Ozi ọnẹẹ Animowabi ana saasa Inawomi hụrẹ ẹtẹ Imowabi vẹ yọ nị.