Oyinyima 22:8 - IWE ỌNỊNỊ

⁸ Dị Abụrahamị ka, “Ozi emi, Ohomorihi ọnị ụvọta vee re ka â nyị ọnị ịdẹbaa ọnị ị vaa sị mẹ̀ ịsọvọ ọnọọ.” Dị ẹnịnị a nịị na nị.

Oyinyima 22:8 ပူးပေါင်းရင်းမြစ်များ

Oyinyima 18:14

Áá nyị ịsị ẹ tụ́ akanya yị Ẹnẹyịmavara Ịnị ụmẹ ọnị aa vaa vẹ vee tù ọ, oni ee vee tù ka Isera ộ si ozi rị ụvọ.”

Oyinyima 22:14

Di Abụrahamị kụkụ ka ịrẹha ịzọọ ọ rị Ẹnẹyịmavara vee re tụ ọ. Avọọ a mẹ̀ kụkụ aa hị́ ọ pooro ve tù ajịnị nị. Ịrẹsụ ataba anị ọnọọ Ẹnẹyịmavara vee re tụ́ ọ nị.

Oyinyima 22:7

Di Ayiziiki va kà a yị ada anị dị ọ ka, “Ada amị.” Di ada anị ka, “Hèé, ụ mẹ̀ kà, ozi emi?” Di Ayiziiki ka, “Ho! ịra ọnịrị ọkụ yị, ye re atẹmẹ ọnị ẹnị aa sị naa mẹ̀ ịsọvọ ọnọọ?”

Oyinyima 22:9

Ịjị e tù ịzị Ohomorihi kà yị Abụrahamị, dị Abụrahamị mẹ aha ụta ịsọvọ ọnya tụ́ ịzọọ nị. Dị ọ tụ́ ọkụ ọnọọ hi ọ, dị ọ sị Ayiziiki ozi anị dị ọ sụ́ ọ dị ọ sị ọ tụra ụta ọnọọ nị.

2 Ohinọyị 2:6

Dị Erija rẹ kà a yị Erisa ka: ọ̀ jẹẹ ịzọọ; agụvị ka Ẹnẹyịmavara ộ kà a yị ọnị ka ọnị ọ̀ nọ ini Okuha Ịjọdanị. Ama Erisa ô tụ́ ohi ka; ọnị ộ sị Ẹnẹyịmavara ọnịrị Erija ọnị ọnị aa sị ayị ọnyaa saasa hị́ eku; ọnị ẹ yị yaa hụrẹ Erijaa ẹngụ. Ịzẹyịza dị ẹnị ẹyịva na nị.

2 Ịtọpa 25:9

Ịzẹyịza, dị Amaziya họ̀ ọza Ohomorihi ọnọọ ka sị ọnị ọọ mẹ ịnị ẹkẹhị ọnị ọnị sị yị wa aanị? Dị ọ va ohi yọ ka, Ẹnẹyịmavara ọ zụ mẹ ene huna avọọ yọ.

Imatiwu 19:26

Ijeesu ô re wa, dị ọ ka ọza ọ rẹ ẹ̀ yị zụ mẹ̀ ẹ nị, ama Ohomorihi ọ zụ mẹ̀ ẹ, agụvị ka ẹ yị nyị ịsị Ohomorihi ọ̀ yị zụ mẹ.

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Ịjọọnụ 1:36

Ị́jọọnụ mè re ka Ijeesu aa parahu, dị ọ rẹ ka, “Wee re Ozi Atẹmẹ Ohomorihi!”

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.

Ẹtore 5:12

Di eyee nowuu kà a ka: Ozi atẹmẹ ọnọnị ana a vịdị wụ, ộ hụ ọọ dọ ụkata ẹtẹẹtẹrẹ ọnịrị ụbanyị beri ịrẹyọyẹ. Ộ nyị ụkata. Á vọrọ ka àa sị ụbanyị ọnịrị igirima beri ụgaa yọ!

Ẹtore 5:6

Di mi re Ozi atẹmẹ ọnya ka ọ jẹẹ ọ́vịdị aga ohinọyị ọnọọ nị. Dị ịsa ẹẹna ana nyị ụhwẹ, beri azọkụ ẹnẹẹ jẹẹ jesi kara a nị. Vị ọ sị mẹẹ ka vị a vịdị wụ Ozi atẹmẹ ọnọọ nị. Ộ nyị ọpanyị ịhịmba ọnịrị eyi ịhịmba ana vị Ụhwẹ Ohomorihi ịhịmba ana a raà tụ́ nọ avaba ẹhẹ.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.