Oyinyima 22:7 - IWE ỌNỊNỊ

⁷ Di Ayiziiki va kà a yị ada anị dị ọ ka, “Ada amị.” Di ada anị ka, “Hèé, ụ mẹ̀ kà, ozi emi?” Di Ayiziiki ka, “Ho! ịra ọnịrị ọkụ yị, ye re atẹmẹ ọnị ẹnị aa sị naa mẹ̀ ịsọvọ ọnọọ?”

Oyinyima 22:7 ပူးပေါင်းရင်းမြစ်များ

Oyinyima 22:8

Dị Abụrahamị ka, “Ozi emi, Ohomorihi ọnị ụvọta vee re ka â nyị ọnị ịdẹbaa ọnị ị vaa sị mẹ̀ ịsọvọ ọnọọ.” Dị ẹnịnị a nịị na nị.

Oyinyima 8:20

Inowa mẹ̀ sị jịnẹ tụ́ ẹhẹ, dị ọ mẹ aha ịsọvọ yị Ẹnẹyịmavara nị. Dị ọ sị ịnị avaba uye ana rụra mẹ̀ ịsọvọ ọnịrị inomi ana rụra mẹ̀ ịsọvọ, dị ọ sị wa mẹ̀ ịsọvọ, dị ọ rị wa ịra ịrẹsụ aha ịsọvọ ọnọọ nị.

Ọyịkụra 12:3

Dị ọ ka ọ kà a yị avaba Anisirẹrị ka ịhị ẹ tụ́ ọ ẹkụhị ẹẹwụ ịnị ụhwẹ ọnọnị ọzọza vaa hị́ atẹmẹ ọnya yị aneehi anị. Ovwoovu ọnya vaa hị́ atẹmẹ ọnya.

Ọyịkụra 29:38

Ịsị ụ vaa sị mẹ̀ ịsọvọ ịrẹsụ ụta ọnọọ eyinị-eyinị yị: ozi atẹmẹ ịrayị ọnya ẹẹva,

Imatiwu 26:39

Dị ọ kà nọ ọvịdị chee, dị ọ va ku ẹtẹ, dị aa mẹ̀ aduwa nị. Dị ọ ka, “Ọga, ọ̀ọ yaanị rụra mẹ, ụmẹ ụyọrị ọnọnị ọ̀ há hụrẹ mị ịrẹsụ; ama ẹ yị vị ịsị mi sì, ẹ̀ yị vị ịsị u wèe sì.”

Imatiwu 26:42

Dị ọ rẹ varẹma ụpẹ ọhụva na mẹ̀ aduwa nị, dị ọ ka, “Ọga, àa vị ka ụyọrị ọnọnị ọ yị zụ hụrẹ mị ịrẹsụ, ẹ̀ yị vị mị rị ọọ, mẹ ịsị u wèe sì!”

Ịjọọnụ 1:29

Eyinẹhẹ anị, Ịjọọnụ ô re Ijeesu, ọ màa vẹ ịdị anị. Dị ịjọọnụ ka, “Wee re Ozi Atẹmẹ Ohomorihi ana a vaa sị mẹ̀ ịsọvọ dị ọ̀ kụ̀ ịvị anẹhẹ kwooze!

Ịjọọnụ 1:36

Ị́jọọnụ mè re ka Ijeesu aa parahu, dị ọ rẹ ka, “Wee re Ozi Atẹmẹ Ohomorihi!”

Ịjọọnụ 18:11

Dị Ijeesu kà a yị Ipita ka, “Sị ụhwọ awụ chire ịhị anị! Ụ wáá ka asị mị rị ụya ana Ada amị sị mị ka ma rị nị?”

Aniroomi 8:15

Ụhwẹ Ohomorihi ọnị ọ sị wụ nịnị ọ yị za wụ nịnị ọrịhị, ana zụ mẹ ka we kukuu hí angwa nịnị. Ama Ụhwẹ ọnọọ ộ sị ụkata yị ka ye zuu nowuu hị́ Ohomorihi ka; Ada ayị!

Ẹtore 13:8

Avaba aza ene hi ịnị ẹhẹ vaa hẹkẹ uye ọnọọ; ọnọọ vị ka aza ọnị ọza ọ̀ yị chẹrẹ ịrẹha ẹnịnị dị a va yẹ ka aa mẹ ẹhẹ tụ́ ini iwe aza ana yàra pooro zịna-zịna oni Ozi Atẹmẹ anaa vịdị wụ nyị.