Oyinyima 22:4 - IWE ỌNỊNỊ

⁴ Ịhyẹgwẹta eni e nyima ụsẹ, di Abụrahamị kana eyi, di ee re ịzọọ ẹ́nẹẹnẹ nị.

Oyinyima 22:4 ပူးပေါင်းရင်းမြစ်များ

Oyinyima 22:3

Ịzẹyịza, ẹnẹnẹ viri-viri ini eyinẹhẹ anị, dị ọ dà ọkụ ọnị ọ vaa sị rị ịsọvọ ọnọọ ịra, di o tenyi ịkẹrịkẹtẹ anị, Dị ọ kụ́ ezi ahụ aanị ẹẹva beri Ayiziiki, dị ẹ kwẹẹtẹ dị ẹ yaa nọ ịzị Ohomorihi kà yọ nị.

Oyinyima 22:5

Dị Abụrahamị kà a yị ezi ahụ ọnị ọnịrịị zị dị ọ ka, “Ẹnịrị ịkẹrịkẹtẹ ọnọnị ọ̀ jẹẹ ịzẹnị zi ọnị, ka ọnịrị ozi ọnọrụ ọnọnị aa nọ ịzọsọọ naa hẹkẹ Ohomorihi dị ẹnị ẹ vavẹ ve tù wa.”

2 Ohinọyị 20:5

Ọ kà ọ na ka yị Ihezekaya ana vị ọdọvịdị aza anị ka, Ẹnẹyịmavara Ohomorihi ada anị Idevidi ka ọnị ọ raà wụ́ aduwa anị, di oni reè re orere anị nị.

Ẹsịta 5:1

Ịhyẹgwẹta ọnị Ẹsịta vavọọ tụ́ ụtụ hi Imodekaya, dị ọ kụ́ ẹnya ose ohinọyị, dị ọ ngụ ohweje ohinọyị ana ya ịnị ịnẹ na jẹẹ ọvịdị ode ohinọyị nị. Ohinọyị vi ana yaatẹ và eyi kà oze ana aā zịị ngụ ini ohweje ọnọọ.

Ọyịkụra 15:22

Imosiisi ộ kụ́ Anisirẹrị hụrẹ oku Ịkịịkẹ dị ẹ na ngụ ịnị ụnọmị mẹ ẹkụhị ẹẹta, ẹnịnị e yi re enyi.

Ọyịkụra 19:11

di e tenyi ẹngụ tịtẹ ịhyẹgwẹta anị. Kà a ka ịhị ọnọọ, ẹmị Ẹnẹyịmavara vee chii hi ịrẹsụ ataba Ịsịnayị éyi avaba ẹnịnị.

Ọyịkụra 19:15

Di Imosiisi kà a yị wa dị ọ ka, “Tenyi ẹngụ awụ nịnị ne tù uhurenyi. Asị a nyị ọza ene tere pè ọnẹẹ.”

Ọyịkụra 5:3

Di Imosiisi ọnịrị Eerọnị ka, “Ohomorihi ana Anihiburu aa hẹkẹ ọ raà sị ẹngụ anị zụ̀ ẹnị. Aarịhịnị ọ̀ navọ ẹnị ẹ̀ zị ụsẹ ẹkụhị ẹẹta nọ ịnị ụnọmị dị ẹnị ẹ̀ na mẹ̀ ịsọvọ yị Ẹnẹyịmavara Ohomorihi. Ẹ ka àa yị vị avọọ ọ nyayịnẹ sị ụkụ à vị ịrẹkụ wụ̀ ẹnị va ha.”

Ihoseya 6:2

O yi vee ku dị Ẹnẹyịmavara ọ va ẹnị nọ udi ẹnịnị agụvị dị ẹnị ẹ ra di oo re wa.

Ireevi 7:17

Ama uye ịsọvọ ọnọọ ọ̀ọ vọ tu ịhyẹgwẹta anị, à rị ọ ịra.

Ịrịka 10:33

Dị ẹ zị ụsẹ ẹkụhị ẹẹta hụrẹ ataba Ịsịnayị Ẹnẹyịmavara beri apoti oto tụ ọvịdị aza ana vọ agụvị Ihobabi ọ sị zụ wa ịzị a vọrọ ka ẹ jẹẹ tụ́ ụhwọ́.

Ịrịka 19:12

Aa nyị ka ẹngụ aza ẹnẹẹ ẹ hụ enyi ana sị atịtọ tụ́ ịhị ẹ tụ ọ ẹkụhị ọhụta ọnịrị ẹkụhị ịhịmba, dị ẹ nị ịhị. Ama ẹnịnị ẹ̀ẹ yị vara ẹngụ ẹnịnị ọnịnị ịnị ẹkụhị ọhụta ọnịrị ẹkụhị ịhịmba, ẹnịnị ẹ yị nị.

Ịrịka 19:19

Ịhị ana tụ ọ ẹkụhị ọhụta ne beri ẹkụhị ịhịmba ọza ana sị vara ọnịnị o che enyi sẹ aza ẹnẹ nị ẹngụ. Ịhị ana tụ ẹkụhị ịhịmba aza vara ọnịnị ẹ nyịna awuru ẹnịnị, dị ẹ hụ̀ enyi, oruva ọnọọ ẹ va vara ọnịnị.

Ịrịka 31:19

Avaba aza ana wụ́ ọza, a vị aza ana sị ụvọ kanyị oku vee hí ịrẹma ẹkụra ẹkụhị ịhịmba. Ịhyẹgwẹta anị ẹ mẹ ẹngụ ẹnịnị ọnịrị ẹnyẹnẹẹ ẹnẹ kụ́ vẹ ọnịnị.

Imatiwu 17:23

dị ẹ wụ̀ mị; ịhyẹgwẹta anị, a vaa ha mịị hụụnị isu.” Ayị ezirẹma anị e si du ẹtẹẹtẹrẹ.

Iruuku 13:32

Di Ijeesu kà a yị wa ka, “Na, dị ụ wa na kà a yị onirikichi ọnọọ nịnị ka: ‘Re, maa dụ ụhwẹ echuu jịnẹ hụụnị ẹngụ aza, maa mẹ̀ aza ụkụ ajịnị ọnịrị ụhwọọ, Ịhyẹgwẹta anị, mị vaa mẹ̀ ụkọrọ amịị ta.’

1 Anịkọrịntị 15:4

 sị ọọ tụ́ ịnị ụsị, dị a haa hụụnị isu ịhyẹgwẹta anị nị. Avọọ a mẹ̀ rẹ vịdị chẹrẹ ẹ tụ́ ini Iwe Ohomorihi nị.

Ijosuwa 1:11

ẹ na ngụ ịzị aza ẹnịnị kụ́ udi tụ́, dị ẹ̀ kà a yị aza ẹnẹẹ ka e tenyi ịsọyịrị tịtẹ, ka ọ̀ọ na mẹ ẹkụhị ẹẹta tụ́ ọ ẹ vaa jịnẹ nọ akẹnẹ Okuha Ịjọdanị, dị ẹ̀ na dọ ẹtẹ ọnị Ẹnẹyịmavara ana vị Ohomorihi ẹnịnị aa sịị yị wa ana vaa vị ẹtẹ ẹnịnị.

1 Ịsamụwẹrị 26:13

Di Idevidi nọ eyi ataba ọsa, dị ọ na huu, dị ọ na jẹẹ ịrẹsụ ataba ọnọọ nị. Aha ana yà ịnị akakana ọnịrị Ịsọọrụ ộ gọdọ.