Oyinyima 22:2 - IWE ỌNỊNỊ

² Di Ohomorihi ka ọ sị ozi anị Ayiziiki, ozi anị ikonya gene-gene ọnọọ ọnị ọ vavọọ sì ịrẹyị anị, dị ọ̀ọ nọ ịnị ẹtẹ Imoriya. Ọ kà òo tù ịzọọ, dị ọ nọ ịnị ataba ọnya ọnị ọnị vaa sị zụ̀ ọ, dị ọ wụ̀ ozi anị ọnọọ, dị ọ̀ rị ọ ịra mẹ̀ ịsọvọ yị ọnị.

Oyinyima 22:2 ပူးပေါင်းရင်းမြစ်များ

Oyinyima 17:19

Di Ohomorihi ka: Eyiye, Isera ose anị vaa ma ozi ọnọrụ ọnya. Ọ̀ọ sị ọ ma dị ọ yị ọ Ayiziiki. Ọ kà Ịsị ọnị pè e kà tịtẹ aanị, ọnị ọnị vaa sịị yị nị, beri ezi anị ịrẹma-ịrẹma.

Oyinyima 21:12

Di Ohomorihi va kà a yị Abụrahamị dị ọ ka: Asị ịrẹyị ozi anị ọnịrị ose anị ana vị ọrịhị avọọ du ọ ayị. Ọ kà Ịsị Isera ọ̀ọ ka ọ̀ mẹ, ọ vavọọ mẹ̀ ẹ, agụvị ka Ayiziiki a vaa sị hị́ ịrẹha irima anị nị.

Oyinyima 21:3

Di Abụrahamị yị ozi anị oni Isera ma yọ aanị Ayiziiki nị.

Oyinyima 22:12

Dị anggẹẹrị ọnọ ka, “Asị ọ sị ụvọ kanyị ozi ọnọọ, asị a nyị ịsị ọ sị mẹ̀ ẹ. Ọ kà ọnị ọ sị yẹ aanị ka ô hí angwa Ohomorihi ọ yị kà a ka ọnị aa si ozi anị ana vị ozi anị ikonya gene-gene tẹẹ yị ọnị.”

Oyinyima 22:16

dị ọ ka: Ẹnẹyịmavara kà ọnị ọ raà sị ẹngụ anị hị́ eku ka ọnị vaa mẹ ka ò zee yọ ịzẹyịza, agụvị ịsa ọnị ọ mẹ dị ọ yị sị ozi ọnị, ana vị ozi anị ikonya gene-gene tẹ yị ọnị.

Oyinyima 22:3

Ịzẹyịza, ẹnẹnẹ viri-viri ini eyinẹhẹ anị, dị ọ dà ọkụ ọnị ọ vaa sị rị ịsọvọ ọnọọ ịra, di o tenyi ịkẹrịkẹtẹ anị, Dị ọ kụ́ ezi ahụ aanị ẹẹva beri Ayiziiki, dị ẹ kwẹẹtẹ dị ẹ yaa nọ ịzị Ohomorihi kà yọ nị.

Oyinyima 22:9

Ịjị e tù ịzị Ohomorihi kà yị Abụrahamị, dị Abụrahamị mẹ aha ụta ịsọvọ ọnya tụ́ ịzọọ nị. Dị ọ tụ́ ọkụ ọnọọ hi ọ, dị ọ sị Ayiziiki ozi anị dị ọ sụ́ ọ dị ọ sị ọ tụra ụta ọnọọ nị.

Oyinyima 8:20

Inowa mẹ̀ sị jịnẹ tụ́ ẹhẹ, dị ọ mẹ aha ịsọvọ yị Ẹnẹyịmavara nị. Dị ọ sị ịnị avaba uye ana rụra mẹ̀ ịsọvọ ọnịrị inomi ana rụra mẹ̀ ịsọvọ, dị ọ sị wa mẹ̀ ịsọvọ, dị ọ rị wa ịra ịrẹsụ aha ịsọvọ ọnọọ nị.

2 Ohinọyị 3:27

Ộ sị ozi ọnọrụ anị ana vị ọzọkụ; ọnị ọ yaanị rị ohinọyị dọ ọ ịrẹsụ nị. Ộ sị ọ mẹ̀ ịsọvọ, dị ọ rị ọ ịra ịrẹsụ ọvọ nị. Ịjị Anisirẹrị nịnị re e, dị ayịhụrịnẹ sụ́ wa nị. Ẹnịnị ệ và hụụ ịrẹma ẹkụra ọnọọ, dị ẹ varẹma aa nọ ẹkụra ẹnịnị nị.

2 Ịtọpa 3:1

Isoromọnị ô nyima aa da irehi Ohomorihi tụ́ ịrẹsụ ataba Ịmọrịya ana ya Ijerusarẹmị ịzị Ẹnẹyịmavara vịdị ya sị ẹngụ zụ Idevidi ada Isoromọnị. Idevidi ộ nyị ịzị ụkọ Arawuna Anijebusi ọnị ịrẹha ọsa rị Ọnanị ya ka aa da irehi ọnọọ tụ ịzọọ.

Imika 6:7

Wáá vaa hara ịdẹba va yi Ẹnẹyịmavara òo zee e eyi? Wáá vaa hara angwẹ ịgarụwa ọnịrị akụ va yọ óó zee e eyi? À vi ezi ọzọkụ awụ ụ vaa sii mẹ̀ ịsọvọ si ụta ịvị ọnị ụ mẹ̀ nị?

Ịjọọnụ 3:16

Ohomorihi ộ vavọọ sì ịrẹyị anẹhẹ pooro, ne tù ka ộ sị Ozi anị ikonya gene-gene yị anẹhẹ; ka ọza tụra ọza ana àa sị ayị tụra a, asị o kuku vu ẹtẹ, ama dị ọ̀ zụ yára ị́da Ohomorihi pooro zịna-zịna.

Aniroomi 5:8

Ama Ohomorihi ọnị ộ sị zụ ka oni ô sì ịrẹyị ayị ẹtẹẹtẹrẹ. Ẹ́yị mẹ̀ yị daka vị ọnịvị, dị Ikirisiti ve sú yị ẹyị nị.

Aniroomi 8:32

Ohomorihi ẹnẹ ẹ̀ yị hyakụ sị Ozi anị ụvọta-ụvọta tẹ yị, ộ na a vọ ka ò sú yị avaba ayị. Ọza ana na aa sị Ozi anị ụvọtaa yị, si u ro ka ọ yị kụkụ zụ sị yị ọọhẹ kẹnẹ?

Anihiburu 11:17

Abụrahamị ộ sị ayị tụra Ohomorihi. Ọnị ọ mẹ ka Óhomorihi mẹ̀ zama a re, ọ̀ dọ ka ọnị ọ̀ sị Ayiziiki, dị ọnị ọ̀ sị mẹ̀ ịsọvọ hi Ohomorihi nị. Abụrahamị Óhomorihi hị́ eku nị, ama ô tenyi ẹngụ ka ọnị ọ̀ sị ozi anị ikonya mẹ̀ ịsọvọ hi Ohomorihi.

Ọdọvịdị 11:31

Ọnị ọ sị ẹngwọọrọ varẹma vẹ ịrẹma ịrẹkụ Anamọnị ọnọọ nị, ịsa tụra ịsa anaa vịdị hụrẹ ịnị irehi va gẹrị ọnị vị ọnị ọnị aa sị yị Ẹnẹyịmavara, ọ ka, ịzẹyịza vị ọnị vaa rị ọ̀ ịra saka-saka ọ yị sị mẹ̀ ịsọvọ yị Ẹnẹyịmavara nị.

Ọdọvịdị 11:39

Ịzẹyịza, ịjị ụhwẹ ẹẹva sị za ẹtẹ, dị ozi ọnẹẹ varẹma ne tu ada anị nị. Dị ada anị sị ọ dị ọ sị mẹ̀ ịsa ọ ka ọnị vaa mẹ yị Ẹnẹyịmavara nị. Ozi ọnẹẹ ọnọọ ẹẹ yị yẹ ọnọrụ. Dị ọ kụkụ sị vara ịsa ozi ẹtẹ Anisirẹrị nịnị nị