Oyinyima 22:1 - IWE ỌNỊNỊ

¹ Ộ dà kù che ẹnị ẹ maanị hị́ eku yị ẹngụ, di Ohomorihi va zama Abụrahamị re ịnị ụmẹ ọnya nị. Di Ohomorihi hị́ Abụrahamị, di Abụrahamị ka, “Hèé, ụmẹ ka.”

Oyinyima 22:1 ပူးပေါင်းရင်းမြစ်များ

Oyinyima 15:1

Ịjị ịrẹyị ẹnẹnị ta, di Abụramị re ẹtẹ ẹkụhị ọnya nị. Di Ẹnẹyịmavara va kà a yọ ịnị ẹtẹ ọnọọ dị ọ ka, “Abụramị, asị u hí angwa. Ọ kà ọnị ọ yị vaa zẹẹ ka ịsa odivi ò tù ọ, ọgụ ọnị ọnị vaa sị yọ vaa banyị

Oyinyima 21:11

Ịrẹyị ọnọnị ộ zị Abụrahamị ẹngụ agụvị ozi anị.

Oyinyima 22:11

Ama di anggẹẹrị Ẹnẹyịmavara vana yà ẹbẹẹba dị ọ hị́ Abụrahamị dị ọ ka, “Abụrahamị, Abụrahamị.” Di Abụrahamị ka, “Hèé, ụ mẹ ka?”

Oyinyima 22:7

Di Ayiziiki va kà a yị ada anị dị ọ ka, “Ada amị.” Di ada anị ka, “Hèé, ụ mẹ̀ kà, ozi emi?” Di Ayiziiki ka, “Ho! ịra ọnịrị ọkụ yị, ye re atẹmẹ ọnị ẹnị aa sị naa mẹ̀ ịsọvọ ọnọọ?”

Oyinyima 37:13

Di Isirẹrị va hị́ Ijosẹẹhụ dị ọ ka: Ộ yẹ ka ẹnẹbẹnị anị ẹ ra à kụ́ ịsụpa aa naa rị Ịsẹkẹmị. Ọ kà ọ̀ vẹ dị ọnị ọ̀ tụ́ ọ ne tụ̀ wa. Di Ijosẹẹhụ ka ooho nị.

Oyinyima 46:2

Ijekọvụ mẹ̀ yà ịzọọ, dị ọ ra ụra ịrahụ ẹkụhị ọnya nị. Ịnị ụra ọnọọ di Ohomorihi hị́ ọ dị ọ ka, “Ijekọvụ, Ijekọvụ!” Di Ijekọvụ ka, “Hèé, ụ mẹ̀ kà?”

2 Ịsamụwẹrị 24:1

Ịnị ụmẹ ọnya Ẹnẹyịmavara raa kụ́ ayị tu Anisirẹrị. Dị ọ kụ́ ọ hi Idevidi ayị dị ọ ka ọ̀ kwẹẹtẹ dị ọ̀ na za Anisirẹrị ọnịrị Anijuda ịrịka nị.

2 Ịtọpa 32:31

Ụmẹ ọnị ohinọyị Ịbabịrọnị sị tụ́ va họ̀ Ihezekaya use ịrẹyị ịvọpa ana mẹ̀ ịnị ẹtẹ anị. Ohomorihi ộ navọ ka Ihezekaya ộ zama ebira anị re dị ộ yẹ ayị anị.

Ahẹ Ụgama 11:5

Ẹnẹyịmavara ee re ịsị ọnịzẹyịza aa mẹ. Ama ebira aza edivi ọnịrị aza ana aā chamayịị yị ọza vị ọnị ọ nyị ịhyẹrẹ anị.

Ọyịkụra 16:4

Dị Ẹnẹyịmavara kà a yị Imosiisi dị ọ ka ọnị vaa zụ̀ ịsọyịrịị hụrẹ ẹbẹẹba hi ẹtẹẹ yị wa. Ọ kà aza ẹnẹẹ ẹ̀ jịnẹ nọ ẹhẹ eyinị-eyinị dị ẹ̀ na kụ́ ana hụ wa rị ịnị ẹkụhị. Ọ kà ọnị aa sị ọnọọ zama waa re ẹ̀ẹ daka vaa saasa ịrẹyị anị.

Ọyịkụra 3:4

Ẹnẹyịmavara mè re ka Imosiisi aa kà a pè e ka oni ò ne re e, dị ọ vana yà ịnị ọchị ọnọọ dị ọ hị́ ọ nị. Dị ọ ka, “Imosiisi, Imosiisi!” Di Imosiisi ka hèé nị.

Ụhịrẹyị 17:3

Ịra aā sịị zama isiriva ọnịrị igooru re dị a yẹ ana vị obooro anị nị, ama Ẹnẹyịmavara vị anaā zama ayị ọzaa re.

Ayịsaya 6:8

Dị mị va wụ́ ka Ananyị yị ka, “Ẹnị maa vaa tụ́ ụtụ aanị kẹ, ẹnẹ vaa zị ụtụ ọnọnịị yị? Dị mị ka ẹmị yọ, tụ́ mị.”

1 Anịkọrịntị 10:13

Ẹ yị nyị ọyịzamare ene tù wu nịnị, ana ahịka ò yii tù aza da. Ohomorihi ộ nyị ịzẹyịza. Ọ yị vaa zẹẹ ka à zama wụ nịnị re huna ọpa ọnị ụ zụ sị ẹngụ dọ nịnị. Ọyịzamare ọ̀ọ vẹ, Ohomorihi vaa sị ụkataa wụ nịnị ka wa zụ sị ẹngụ dọ ọ, dị ọ rẹ mẹ oze ọnị ụ vaa zịị há hụụnị anị nịnị.

Iwe Ọhụhị Imosiisi ana aa hị́ Ọyịvatụrọda 13:3

Asị ụ dọ ịrẹyị anị tụ ịzọọ agụvị ka Ẹnẹyịmavara vị ana aa sị zama wụ re ka ọnị ọ yẹ wàa sị avaba ayị wụ sì ịrẹyị anị.

Iwe Ọhụhị Imosiisi ana aa hị́ Ọyịvatụrọda 8:16

Ọnị ọ sị ịsọyịrị ọnị ohiku ẹnịnị ẹ yị rị dị yị wa ịnị ụnọmị nị. Ọnị ọ̀ ku ẹngụkata tu wa dị ọ sị zama wa re nị. Ọvavẹ ịrẹma vị ọnị ọ vana sị ịsa ọyịza-ọyịza yị wa.

Iwe Ọhụhị Imosiisi ana aa hị́ Ọyịvatụrọda 8:2

Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

Anihiburu 11:17

Abụrahamị ộ sị ayị tụra Ohomorihi. Ọnị ọ mẹ ka Óhomorihi mẹ̀ zama a re, ọ̀ dọ ka ọnị ọ̀ sị Ayiziiki, dị ọnị ọ̀ sị mẹ̀ ịsọvọ hi Ohomorihi nị. Abụrahamị Óhomorihi hị́ eku nị, ama ô tenyi ẹngụ ka ọnị ọ̀ sị ozi anị ikonya mẹ̀ ịsọvọ hi Ohomorihi.

Ijemiisi 2:21

Wáá kụkụ tamayị Abụrahamị ana vị ohiku ayị? Sị ẹ mẹ ka Ohomorihi ọ̀ jị ịhị yọ? Wáá yẹ ka agụvị ebira ọnị ọ mẹ yọ, ọ̀ mẹ̀ sị ozi anị Ayiziiki tụ́ ịrẹsụ ụta, dị ọ sị mẹ̀ ịsọvọ yị Ohomorihi nị.

1Ipita 1:7

Iruvo ẹzamare ẹnẹẹ ọ vị ka è zu ré ka ẹdọwụ obooro ụ nyị nịnị nị. Wâ yẹ igooru nịnị, ana ahịka oō du; ịra aā sịị zama a re ka à yẹ, àa vị obooro ọ vị nị. Avọọ ọ mẹ rẹ vị yị ẹdọwụ awụ nịnị nị, ana ahịka óo huna igooru ẹtẹẹtẹrẹ. Àa zama ẹdọwụ awụ nịnị re, dị ọdịrẹma anị vị ụga ọnịrị ụbanyị ne beri igirima, ịhị Ijeesu ọ̀ọ sị ẹngụ zụ̀.

Ọdọvịdị 2:22

Ộ kà ọnị a sị zama wa re, ẹnịnị ẹ vaa tẹsị ka ẹnị ẹ saasa oze anị anka ohiku ẹnịnị

1 Ịsamụwẹrị 3:4

Dị Ẹnẹyịmavara vana hị́ Ịsamụwẹrị nị. Di Ịsamụwẹrị zẹẹ.