Oyinyima 2:9 - IWE ỌNỊNỊ

⁹ Ẹnẹyịmavara Ohomorihi ộ mẹ̀ ka ọchị ozoza-ozoza irenyi-irenyi è nyị hi ịzọọ, dị ẹ̀ẹ tụ́ ẹtụtụ ozoza. Ịnị akakana ụbazị ọnọọ a rẹ nyị ọchị ẹnyị ana jẹẹ ịzọọ. Ọnya vị ọnị ẹtụtụ anịị̄ mẹ ka ọza ọ̀ yàra pooro, dị ẹtụtụ ọsaa mẹ ka eyi ọza ò hweyi tù ịsa ozoza ọnịrị ịsa odivi nị.

Oyinyima 2:9 ပူးပေါင်းရင်းမြစ်များ

Oyinyima 2:17

Ama we éē re ọchị anaā mẹ ka eyi ọza ò hweyi tù ịsa ozoza ọnịrị odivi aanị wẹ yị nyayịnẹ rị ẹtụtụ anị. Ịhị wàa rị ọ, ịhị ọnọọ u wee sù nị.”

Oyinyima 3:22

Di Ẹnẹyịmavara Ohomorihi ka: wéē re, ọnọrụ ọnọnị vị ana kụkụ yà anka ọnya ịnị ẹngụ ayị, ọ sị ịsa ozoza ọnịrị odivi yẹ. Ọ kà ọ nyayịnẹ na sị ẹtụtụ ọchị anaā mẹ ka ọza ọ̀ yàra dị ọ rị ọ, dị asị ọ kuku sú.

Oyinyima 3:24

Dị ọ vavọọ dụ ọnọrụ ọnọọ jịnẹ nị, dị ọ kụ́ ịsa ana nyị ụhwẹ ana aā hị́ icherubi nịnị, dị ọ kụ́ wa hi eyi ọnị ọyịị̄ zịị vẹ ịnị ụbazị Edẹnị nị. Dị ọ rẹ kụ ụhwọ ọbanyị ịrịịra hi ịzọọ ene ee jesii zị agụvị asị a nyị ọza ana kụkụ zụ ngụ ịzọọ ne tù ọchị ana zụ mẹ ka ọza ọ̀ yàra pooro.

Oyinyima 3:3

ama Ohomorihi ka ẹnị ẹ yị nyayịnẹ rị ẹtụtụ ọchị ana yà ịnị akakana ụbazị avọọ, ọ ka asị ẹnị hyakụ sị ụvọ kanyị ọ, ka ẹnị ve su.

Oyinyima 3:5

Ọ kà agụvị ka Ohomorihi ộ yẹ ka ẹ̀ẹ rị ọ vi eyi ẹnịnị ee hweyi nị, dị ẹ kụkụ yà anka Ohomorihi mẹ̀ yà. Ọ kà dị ẹ sị ịsa ozoza ọnịrị ịsa odivi yẹ.

Ụhịrẹyị 11:30

Ọnịrẹyịzẹyịza sị mẹ anka ọchị anaa tụ́ ẹtụtụ anị avọọ nị. Ọza ọhịmị vị anaa wụ̀ ọza.

Ụhịrẹyị 3:18

Ịrẹyọyẹ vị anaā sị ọza kụ orubo. Ọza ana nyị ọ vaa daa jẹ.

Ayịsaya 44:25

Mâ kụ ịrẹyị onireche nịnị hi ireche, dị mị mẹ ka ịrẹyị ana aza ana ka eniī re ẹtẹ ka, ọ vị osusu nị. Mâ kụ ịrẹyị ọyẹrẹyị nịnị ha, dị mị sị zụ wa ka ụ̀rà kẹnẹ ịrẹyọyẹ ẹnịnị vị nị.”

Ayịsaya 47:10

Waa chamayị, di u ro ka ẹ yị nyị ịsị ẹ vaa vẹ nị. Wê ro o ka ẹ yị nyị ọza ene zụ re wu. Ịrẹyọyẹ awụ ọnịrị ịsa ọnị ụ yẹ, ẹ raà sị wụ nyeeyi. Wâ kà a ịnị ayị awụ ka, “Ẹmịị yọ, ẹ yị nyị ọza ẹnẹsa ịrẹma amị”.

Ezikẹẹrị 31:16

Ịjị ọnị ộ raa tụ ọ na ngụ iro, dị ọ sẹ ẹdụ nya ẹtẹ nị, avaba anẹkụra nịnị vaa wụ̀ ọ ịrẹyị, dị ọ za wa zizi. Avaba ọchị ene hi Edẹnị ọnịrị ọchị ọyịza-ọyịza ene hi Ịrẹbanọnị di e hú enyi ẹtẹẹtẹrẹ, ama dị ẹ vịdị sị sẹ ẹdụ, e vee re ọchị ọnọnị mẹ sẹ ẹdụ, dị ayị ẹnịnị ee hine.

Ezikẹẹrị 31:18

Ohinọyị Ijipiti ọnịrị aza anị ẹ vị ọchị ọnọọ nị. Ọchị ene hi Edẹnị ẹ́ yị hyakụ vavọọ nẹba. Ẹnịnị ẹ́ yị hyakụ vavọọ ngụ ọza eyi bẹẹ. Ama, booro aanị, ọ vaa nọ iro anka ọchị ene hi Edẹnị, dị o ne tu aza ene ẹ̀ yị yẹ Ohomorihi ana a wụ a maa kụ̀ ịrẹkụ. Ọnị, Ẹnẹyịmavara Ochẹtẹẹngụ ọ kà avọọ nị.

Ezikẹẹrị 47:12

Ọchị irenyi-irenyi vee hi ụtụụtọ okuha ọnọọ eyi ẹnyị eyi ọsa ana aza vaa rị ẹtụtụ anị. Avị ẹnịnị ẹ́ yị vaa wọ̀rọ̀; ẹnịnị vị ana vaa tụ́ ẹtụtụ pooro kẹnẹ. Ụhụụhwẹ vị ọnị ẹnịnị vaa tụ́ ẹtụtụ ọwọọwa agụvị ka enyi enee sii hụụnị irehi Ohomorihi eyee hu nị. Ẹtụtụ ọchị ẹnẹẹ vị ana a vaa rị, dị aà sị avị ẹnịnịị mẹ aza ụkụ.

Ịjọọnụ 6:48

Ẹma vị ịsọyịrị anaā mẹ ka ọza ọ̀ yàra booro nị.

1 Anịkọrịntị 8:1

Mi ree sì ka ma kà ọ̀nọ̀ ịnị ịrẹyị ịsa ana a sị mẹ̀ ịsọvọ yị ori nịnị. Yâ yẹ ka avaba ayị ọ́ yẹ ịsa. Ama ẹngụ ịrẹyọyẹ ọnọ vị ana aā mẹ ka za ọ̀ọ sị ẹngụụ tụ́ ẹba. Ịsị ẹ zụ gụ ọza ụvọ hu, ọ vị ka, ye sì ịrẹyị ẹngụ nị.

Iwe Ọhụhị Imosiisi ana aa hị́ Ọyịvatụrọda 6:25

Yaà sị ịzẹyịza saasa avaba ọda ọnị Ẹnẹyịmavara mẹ ẹhẹ ayị vị ana va hine Ohomorihi ayị.

Ẹtore 2:7

Ọza ana àa nyị ụtọ, ọ̀ sị ụtọ pe ịsa ọnị ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, mị vaa sị ọdaa yọ ka ọ̀ rị ẹtụtụ ọchị ana aā mẹ ka ọza ọ̀ yàra pooro zịna-zịna, ana yà ịnị Aha Ọyịza ịdị Ohomorihi.

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.

Ẹtore 22:2

Enyi ọnọọ vị ene ee sìi vàa tụra ụpatẹsị ịzọọ. Â nyị ọchị ana aa mẹ ka ọza ọ̀ yàra ana jẹẹ akaha irehu ọnọnị eyi ẹnyị, eyi ọsa. Ụpẹ ẹwụrẹva ộ tụ́ ẹtụtụ ịnị ịrayị nị. Ọnị ọ vị ka ụpẹ ọnya-ọnya ộ tụ́ ụhụụhwẹ nị. Avị anị vị ana a sịị mẹ anẹhẹ nịnị ụkụ.