Oyinyima 2:8 - IWE ỌNỊNỊ

⁸ Di Ẹnẹyịmavara Ohomorihi va dà ụbazị ọnya aanị tụ́ ịzị aā hị́ Edẹnị ózee ọnị ọyịị̄ zịị vẹ, dị ọ sị ọza ọnị ọ mẹ dị ọ sị tụ́ ịzọọ nị.

Oyinyima 2:8 ပူးပေါင်းရင်းမြစ်များ

Oyinyima 13:10

Di Ịrọọtị kana eyi ré ẹtẹ ọnọọ, huu na ngụ Izowa nị di o re ka ô hunẹnẹ nị. Ẹtẹ anị ô zoza ẹtẹẹtẹrẹ vị ọ sị mẹẹ anka ụbazị Ẹnẹyịmavara, anka ẹtẹ Ijipiti. Avọọ ẹtẹ ọnọọ mẹ̀ yà di Ẹnẹyịmavara va kụ́ anẹkụra Isodọmị ọnịrị Igomora kwooze nị.

Oyinyima 3:23

Di Ẹnẹyịmavara Ohomorihi dụ ọ jịnẹ hụụnị ụbazị Edẹnị nị, ka ọ̀ naa dà aarẹ tụ́ ịnị ẹtẹ ana dà a di a sị mẹ̀ ẹ.

Oyinyima 3:24

Dị ọ vavọọ dụ ọnọrụ ọnọọ jịnẹ nị, dị ọ kụ́ ịsa ana nyị ụhwẹ ana aā hị́ icherubi nịnị, dị ọ kụ́ wa hi eyi ọnị ọyịị̄ zịị vẹ ịnị ụbazị Edẹnị nị. Dị ọ rẹ kụ ụhwọ ọbanyị ịrịịra hi ịzọọ ene ee jesii zị agụvị asị a nyị ọza ana kụkụ zụ ngụ ịzọọ ne tù ọchị ana zụ mẹ ka ọza ọ̀ yàra pooro.

Oyinyima 4:16

Di Ikeeni sị hụụ ịda Ẹnẹyịmavara, dị ọ nọ eyi ịzị ọyịị̄ zịị vẹ Edẹnị, dị ọ na yà ịnị ẹtẹ ana aā hị́ Inodi. Iruvo Inodi vị ọ̀yị ngụ ọ zịịzị nị.

2 Ohinọyị 19:12

Ọ kà ohiku anị nịnị ê vu ẹkụra ana aā hị́ Igozanị, Ịharanị, ọnịrị Ịrẹzẹhwị ẹtẹ. Ẹnịnị ệ wụ Anedẹnị nini ana ra hi ịzị aā hị́ Iterasa, ẹ yị nyị ori ẹnịnị ana va zụ dọ wụ tụ.

Ayịsaya 51:3

Ẹnẹyịmavara vaa sị ayị Anisirẹrị nẹtẹ. Ộ vaa mẹ ka ẹtẹ ẹnịnị ana vị ọpapara ò zoza anka ụbazị Edẹnị avọọ. Ayị ẹnịnị vene vee hine, dị ẹ yaa jị ahẹ ọyịza ga Ẹnẹyịmavara.

Ezikẹẹrị 27:23

Anẹkụra ana aā hị́ Ịharanị, Ikane ọnịrị Edẹnị vị ọnị ẹwụrịị sẹ ohu nịnị. Ẹnị osohu Aniseba, Anasụrị ọnịrị Anikimadi vị enee pè wu nịnịị sẹ ohu.

Ezikẹẹrị 28:13

Ịnị ụbazị Ohomorihi ẹtẹ Edẹnị ụ vịdị ra nị. Dị ụ sị ịrẹta ọkatarihi irenyi-irenyi vị ịta ku ẹngụ nị. Ịrẹta ẹnẹẹ aā hị́ isuu, ọmọ, itopazị, iberiri, ikaneriyanị ọnịrị Ijasipa nị. Ẹnyị ẹ rị ịsahwaya, emeradi, ọnịrị Iganẹtị nị. Avaba ẹnya ọvị awụ vị igooru-igooru. Ịhị ana a tụ wụ gẹdẹ-gẹdẹ, a mẹ ẹnya ẹnẹẹ yị wụ nị.

Ezikẹẹrị 31:16

Ịjị ọnị ộ raa tụ ọ na ngụ iro, dị ọ sẹ ẹdụ nya ẹtẹ nị, avaba anẹkụra nịnị vaa wụ̀ ọ ịrẹyị, dị ọ za wa zizi. Avaba ọchị ene hi Edẹnị ọnịrị ọchị ọyịza-ọyịza ene hi Ịrẹbanọnị di e hú enyi ẹtẹẹtẹrẹ, ama dị ẹ vịdị sị sẹ ẹdụ, e vee re ọchị ọnọnị mẹ sẹ ẹdụ, dị ayị ẹnịnị ee hine.

Ezikẹẹrị 31:18

Ohinọyị Ijipiti ọnịrị aza anị ẹ vị ọchị ọnọọ nị. Ọchị ene hi Edẹnị ẹ́ yị hyakụ vavọọ nẹba. Ẹnịnị ẹ́ yị hyakụ vavọọ ngụ ọza eyi bẹẹ. Ama, booro aanị, ọ vaa nọ iro anka ọchị ene hi Edẹnị, dị o ne tu aza ene ẹ̀ yị yẹ Ohomorihi ana a wụ a maa kụ̀ ịrẹkụ. Ọnị, Ẹnẹyịmavara Ochẹtẹẹngụ ọ kà avọọ nị.

Ijowẹrị 2:3

Dị akụvarịva ẹnẹẹ rị avaba avị anka ịra mẹẹ̄ rị avị avọọ nị. Ọvịdị ẹnịnị e zoza anka ụbazị Edẹnị ama dị ịrẹma ẹnịnị tịtẹ huye-huye ẹ̀ mẹẹ wara avị rị za eteesu. Ẹ yị nyị ịsa ana vọ ẹtẹ tịtẹ ọnị ẹnịnị ẹ yi rị.