Oyinyima 2:1 - IWE ỌNỊNỊ

¹ Avọọ a mẹ tụ́ avaba ẹhẹ saka-saka dị ọ ta tụ́ nị.

Oyinyima 2:1 ပူးပေါင်းရင်းမြစ်များ

Oyinyima 1:1

Ịjị Ohomorihi nyima aa tụ́ ẹhẹ ộ tụ́ ẹbẹẹba ọnịrị ẹtẹ.

Oyinyima 1:10

Dị ọ ka eteesu ọnọọ ọ vị ẹtẹ, di enyi ana kụ́ gụ ọnị vị òkū nị. Ịjị Ohomorihi vavọọ re e ô zee e eyi.

Oyinyima 2:4

Aani a mẹmẹ tụ́ avaba ẹhẹ vị nị. Ohomorihi ộ sị ọza ọnị ọ mẹ tụ́ ịnị Ụbazị Edẹnị. Ụmẹ ọnị Ẹnẹyịmavara Ohomorihi sị mẹ̀ ẹhẹ,

2 Ohinọyị 19:15

Ộ mẹ̀ aduwa, dị ọ ka: Ẹwụ Ẹnẹyịmavara, Ohomorihi Anisirẹrị nịnị, ohinọyị ana ya ẹbẹẹba anggẹẹrị nịnị, ẹwụ ịnyara ọ vị̀ Ohomorihi nị. Ẹ wa vị ohinọyị avaba ẹhẹ nị. Ẹwụ tụ ẹtẹ ọnịrị ihinẹba nị.

2 Ịtọpa 2:12

Ọ kà ọnị ọ kụ Ẹnẹyịmavara Ohomorihi Anisirẹrị ana tụ́ ẹbẹẹba ọnịrị ẹtẹ avọọ. Ọnị ọ sị ozi ana yẹ ịrẹyị yị Idevidi ana mẹ̀ eto ka ọnị o dà irehi yị Ẹnẹyịmavara ọnịrị irehi ohinọyị yị ẹngụ.

Inehemaya 9:6

Dị ẹ ka ọnị ịnyara kẹnẹ ọ vị Ẹnẹyịmavara nị. Ọnị ọ mẹ̀ eguhi, ọnịrị ẹbẹẹba neberi ụzọmị nịnị nị. Ọnị ọ mẹ̀ ẹtẹ ọnịrị oku neberi avaba ịsa ana ra hị́ ịnị anị. Ọnị ọ sị ụhwẹ yị avaba ịsa, dị ee sere wa nị. Ọnị avaba anggẹẹrị nịnị aa hẹkẹ nị.

Ijoovu 12:9

Avaba ịsa ẹnẹnị ẹ yẹ ka Ẹnẹyịmavara ọ tụ ẹnị vẹ ẹhẹ nị.

Ahẹ Ụgama 104:2

Wâ sị ẹtohweyi dị ụ sị mẹ awuru chire nị, dị ụ maanị gana ẹhẹ jẹẹ anka ọza òó rere jị ajẹngụ avọọ nị.

Ahẹ Ụgama 146:6

Ohomorihi ọnọọ ọ mẹ ẹbẹẹba ọnịrị ẹtẹ ne beri oku ọnịrị avaba ịsa ene hi ịnị anị nị. Ọnị ọ vị Ẹnẹyịmavara ana ahịka vị ọọ̄ mẹ ịzẹyịza pooro nị.

Ahẹ Ụgama 33:6

Irenu kẹnẹ ọ sị ka ịrẹyị dị ọ sị mẹ ẹbẹẹba ọnọnị. Ọ mẹ̀ tụ́ ụhwẹ hụụnị irenu, dị ọ sị mẹ avaba ịsị e hi ịnị anị nị.

Ahẹ Ụgama 33:9

Irenu kẹnẹ ọ sị kà ịrẹyị, dị ịsị ọ ka ọ̀ mẹ mẹ nị ee ro! Ọda ọnị ọnị mẹ, ọnị ọ mā vara oo!

Ọyịkụra 20:11

Wáā yẹ ka ẹkụhị ịhịnọnyị ẹmị Ẹnẹyịmavara sị mẹ ẹbẹẹba ọnịrị eteesu nị. Dị mị rẹ mẹ òkū ọnịrị avaba ịsa ene hi ịnị anị nị. Ịhị ẹ tụ́ ọ ẹkụhị ịhịmba di mị tụ́ ụhwọ nị. Dị ẹmị Ẹnẹyịmavara mẹ ẹkụhị ụhwọtụ ẹkụhị ọbanyị, dị mị nyị ọ tụ́ irenyi yị ẹngụ amị nị.

Ọyịkụra 31:17

Ẹkụhị ụhwọtụ ọnọnị ọ vaa vị ịsị ẹ vaa mẹ ka ẹmịrị Anisirẹrị ọ̀ọ tamayị ịzẹzẹ ene e pe mi zẹẹ pooro nị. Wáā yẹ ka ẹkụhị ịhịnọnyị ẹmị Ẹnẹyịmavara sị mẹ ẹbẹẹba ọnịrị ẹhẹ nị. Ịhyẹgwịhịmba dị mị tụ̀ ụvọ hụụnị ụkọrọ, dị mị tụ́ ụhwọ nị.”

Ayịsaya 34:4

Ọyị, ụhwẹ ọnịrị ụzọmị nịnị vaa sùu vaa hi ẹtẹ, dị a maanị kara ẹbẹẹba anka a mẹ̀ẹ kara ụvẹnẹ avọọ. Ụzọmị vi ana vaa sùu hi ẹtẹ anka avị ọchị ịvayịnị ọnịrị avị ọchị ihwigi ana kụ́ wụ avọọ.

Ayịsaya 42:5

Ohomorihi ộ mẹ avaba ịsa ene hi ẹbẹẹba, dị ọ gana wa nị. Ọnị ộ mẹ̀ ẹhẹ ọnịrị avaba ịsa ene hi ịnị anị nị. Ọnị ộ mẹ̀ ka aza ene hi ịnị ẹhẹ ẹ̀ yara, dị ẹẹ tụ́ ụhwẹ nị. Ẹnẹyịmavara, Ohomorihi ọ kà a yị ozi ahụ anị ọyaanị ka;

Ayịsaya 45:12

Ọ kà ọnị ọ mẹ ẹhẹ, dị ọnị mẹ aza ene hi ini anị nị. Ọnị ọ sị ụkata anị gara ẹbẹẹba kụ, dị ọnị sị ụvọ za ọyị, ụhwẹ ọnịrị ụzọmị nịnị nị.

Ayịsaya 45:18

Ẹnẹyịmavara ịnya kẹnẹ ọ vị Ohomorihi nị! Ọnị ọ tụ ẹbẹẹba ọnịrị ẹhẹ ịzị ọ kụ aza hi ka ẹ ra, asị ọ vị osusu. Ọ kà ọnị Ẹnẹyịmavara ọ vị Ohomorihi, ẹ yị nyị Ohomorihi ọsa.

Ayịsaya 48:13

Ụvọ anị ộ sị ka ẹhẹ ẹtẹ, dị ọ gana ẹbẹẹba ku nị. Ịrẹyị kẹnẹ ọ kà, dị ịsa ọzọza jẹẹ udi anị nị.

Ayịsaya 55:9

Agụvị ka Ẹbẹẹba mẹ̀ nẹba huna ẹtẹ, avọọ oze amị ọnịrị aro amị mẹ̀ nẹba huna awụ nịnị nị.

Ayịsaya 65:17

Ẹnẹyịmavara kà: Maà vaa mẹ ẹbẹẹba ọnịrị ẹhẹ ọwọọwa. E vee hí ayị ịsa ana mẹ tụ ịrẹma saka-saka.

Ijeremaya 10:12

Ama Ohomorihi ọ sị ụkata anị tụ ẹhẹ ọnọnị nị. Ọnị ọ sị ịrẹyọyẹ anị nyima ẹhẹ ọnọnị nị. Ịrẹyọyẹ anị ọ sị tana ẹbẹẹba nị.

Ijeremaya 10:16

Ohomorihi Ijekọvụ ọnịrị wa ẹ ị vị ọnya, agụvị ka ọnị ọ mẹ avaba ịsa nị. Ọ raa nyị Anisirẹrị nịnị ka ẹ vị aza anị. Ẹnẹyịmavara Ochẹtẹẹngụ ịrẹha anị rị nị.

Ijeremaya 8:2

A vaa gara wa hi ịnị ọyị ọnịrị ụhwẹ beri ụzọmị ene hi ẹbẹẹba, ẹnị ẹnịnị maanị sì ịrẹyị anị dị ẹ yaa kụụ hẹkẹ. Ịsa ẹnẹnị Anijuda nịnị â saasa, dị a hi ka ẹnị ẹnịnị họ̀ use ịrẹyị, dị ẹ yaa hẹkẹ wa nị. Ọza ẹ ma vana kụ ẹchụkụ ẹnẹẹ gụ à vị ka è ne wa, ama a vaa kụ wa vàa hi ututu nị.

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

Iruuku 2:13

Kẹnẹ, dị anggẹẹrị ọrụrụ-ọrụrụ jịnẹ hụrẹ ẹbẹẹba ve tù anggẹẹrị ịsọọnị nị. Dị ẹyaa jị ahẹ ga Ohomorihi, dị ẹ ka:

Odeyi 4:24

Ẹ mẹ̀ vavọọ wụ́, di e dudu sị ayị vị ọnya, di e nowu hị́ Ohomorihi nị. Dị ẹ ka: Ohi-ọmenezeyi Ananyịwa, ẹwa mẹ ẹbẹẹba ọnịrị ẹtẹ nị. Ẹwa rẹ mẹ òkū ọnịrị avaba ịsị e hi ịnị anị nị.

Odeyi 7:42

Ohomorihi ộ vaa ịrẹma ẹnịnị, dị ọ navọ wa ka ẹẹ hẹkẹ ụzọmị ẹbẹẹba, anka a mẹ̀ chẹrẹ ẹ tụ́ ini iwe ọnịsẹ nịnị ka.” Ẹwụ nịnị Anisirẹrị, ẹ yị vị ẹmị ụ waa wụ̀ uyee mẹ ịsọvọọ hi nịnị hụrẹ ịrayị ẹbẹẹva ịnị ụnọmị.

Iwe Ọhụhị Imosiisi ana aa hị́ Ọyịvatụrọda 17:3

naa hẹkẹ ori, a vị ọyị, a vị ụhwẹ, a vị ụzọmị nịnị nị.

Iwe Ọhụhị Imosiisi ana aa hị́ Ọyịvatụrọda 4:19

Asị ẹ zẹ ka ayị ẹnịnị o vene ẹnị dị ẹẹ hẹkẹ ọyị a vị ụhwẹ ọnịrị ụzọmị ene e yee re ịnị ihinẹba. Ẹnẹyịmavara ana vị Ohomorihi ẹnịnị vị ana navọ anẹhẹ ana vọ ka ẹẹ hẹkẹ ẹ.

Anihiburu 4:3

Ẹyị ana sị ayị tụra Ijeesu, ọ ngụ ịzị ọ yà naa tụ́ ụhwọ́ nị. Ama ẹnị vị ọnị ọ́ kà a yị ka: Ayị ọ́ kụ́ ọnị, dị ọnị hị́ eku ka ẹnịnị ẹ yị vaa ngụ ịdị anị vaa tụ́ ụhwọ́ nị. Dị ọ maanị yị kà, ọ sị ụkọrọ anị mẹ ta hụrị ụmọrụmọ, ọ mẹ̀ hụrẹ mẹ ẹhẹ.