Oyinyima 19:9 - IWE ỌNỊNỊ

⁹ Dị ẹ ka: O jesi hụrẹ oze, ẹnẹ vị ọnị ọzọga ana va ra ịzẹnị ana aa vaa kà a yị ẹnị ịsị a vọrọ ka ẹnị ẹ̀ mẹ. Ẹ rẹ ka ọ̀ yị mẹ hẹẹ, ọnị ọnị vaa mẹ̀ ẹ o vee divii hu azọga ẹnẹẹ ajịnị nị. Dị ẹ yaa tụ́ Ịrọọtị ụvọ, di e yee sì ka ẹnị ẹ̀ na chaka oze nị.

Oyinyima 19:9 ပူးပေါင်းရင်းမြစ်များ

Oyinyima 11:6

Di Ẹnẹyịmavara kà: “Aza ẹnẹnị vị ọnya, dị ẹ rẹ yaa kà ẹkụra ọnya nị. Ịsị ẹ vaa mẹ̀ ẹ yaa dà ahụụ hụrẹ ẹhẹ aanị nị. Òo nee kú ẹ yị nyị ịsị ẹ ka ẹnị aa mẹ dị ẹ̀ yị mẹ̀ ẹ.

Oyinyima 13:12

Dị Abụramị ọnị yà ịnị ẹtẹ Ikanaani, dị Ịrọọtị ọnị aa ku udii ngụ ịnị ẹkụra ene hi ịzọọ zị, dị ọ jị ajẹngụ tụ́ ọgụrị Isodọmị nị.

Ọyịkụra 2:14

Dị ọnọọ ka: ẹnị ẹ nyị ọ mẹ ohinọyị ka ọ vị ọmọkarẹyị ẹnịnị. Ọ kà vị ọọ̄ raa vaa wụ̀ ọnị anka ọ mẹ̀ wụ Anijipiti ịhyọọ nị? Di angwa ee hi Imosiisi, dị ọ ka, “Wáá yẹ ka a sị yẹ aanị.”

Ụhịrẹyị 14:16

Ọza ana yẹ ịrẹyị vị ene e zwe yị ịrẹyị ama ọnụra vị ene zwe huuru na gẹrị ọ.

Ụhịrẹyị 17:12

Ọ vana dahi ka ọza ọ na gẹrị ọdụmị ana za ezi anị hu ka ọ na va eyi ka anayọkatẹngụ ọnụra.

Ụhịrẹyị 27:3

Ẹngwẹngụ ọnị ọyịkụ ụraa kụ tu ọza o divi huni ka ọza o kune ịrẹta za, a vị ka ọza za ààrẹ nị.

Ịrẹyị Ọzwọzịsa 10:13

Ọnụra vị anaā sịị ụraa nyima ịrẹyị ọyị kà, ịrẹyị ọnị ọọ ka vị anaā kụ ịsa odivii hi ẹtẹ.

Ịrẹyị Ọzwọzịsa 9:3

Ọsọnị ọ vị ịrẹyị odivi ịnị avaba ịsị anaa mẹ ịnị ẹhẹ: ka ahịka ịsị ọnyọọnya ọ za ẹhẹ avaba aza ẹtẹ nị. Ayị aza bẹẹ vị ohihi yị ịrẹyị odivi ọnịrị ụra ẹ mẹ yị́ yara, ịrẹma anị dị è ve su.

Ayịsaya 65:5

Ẹnịnị vanaā kà a yị aza ana vọ ka, “kana kwooze, a sị ụ sị ụvọ kanyị yị, ka aza ọnịnị ị vị̀ nị.” Ẹmịrị ẹngụ aza ẹnẹẹ ẹ yị zụ mẹ ọnya. Màa kụ ayịị hi wa, vị ọ sị mẹẹ anka ịra ene è yi me mí avọọ nị.

Ijeremaya 3:3

Ọ kà, agụvị avọọ ọnị za orihi jẹẹ, di orihi ịrẹsụ ẹ yị zụ nị. Vị ụ sị mẹ nịnị anka ọsẹrẹka avọọ nị, ụhị ẹ yị nyị ụ nịnị.

Ijeremaya 6:15

Ẹnẹyịmavara kà, ụhị waa vanaa nyị wa ka ẹnị ệ mẹ ụnọ da? Ịzị ọ na vị, ụhị ọ ma nyị wa vụrụ-vụrụ ụhị ọ ma nyị wa dị è sị eyi tẹ ka aza ee re nị. Avọọ ụmẹ ọnị ọnị ọọ vaa sị ụyaa rị Anijerusarẹmị nịnị, ẹnị nyẹmba vị ana vaa sẹ ẹdụ anka aza ana vọ. Ịsị ẹ vaa za ẹhẹ ẹnịnị ịrẹsụ ọ vị ọnọọ nị.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ezikẹẹrị 16:49

Ẹnẹyịmavara kà, ịvị ọnị Isodọmị rị yị: Ẹnịrị ezi ẹnịnị ẹẹ sị ẹngụụ tụ ẹba agụvị ka ẹnịnị ệ nyị ịsọyịrị gwẹtẹ ẹnẹ ẹyaa rị, ọnịrị ka ẹhẹ ộ rọ̀ wa ẹngụ, ẹnịnị ẹ yị nyị ẹngụkata. Ama ẹnịnị ẹ́ yị gụ onosiye nịnị ọnịrị aza ẹnẹ ẹhẹ ẹ̀ yị mẹ yị ụvọ.

Imatiwu 7:6

Asị ụ sị ịsa ọnịnị yị irezi nịnị, ka ẹ va vara eyi, dị ẹyaa na wụụ rị! Asị u re ne ịsa akàaka tịtẹ yị ụ̀rá nịnị, ẹ̀ yị vị avọọ ka ẹ va kụ́ ahụ hi ọ para hu.”

1 Ịsamụwẹrị 17:44

Di Anihwirisiti ọnọọ ka Idevidi ọ̀ọ vẹ kẹ. Ọ kà uye Idevidi vị ọnị aa gàa yi inomi ene hi ẹbẹẹba ọnịrị uye ịnị avị.

1 Ịsamụwẹrị 2:16

Aza ana aa mẹ̀ ịsọvọ ẹ̀ẹ va kà ka ẹ̀ navọ de di à kụ́ ụhị uye ẹnẹẹ dị à rị ọ ịra da dị ẹ̀ va sị ẹnẹ ẹ̀ẹ ka ẹnị aa sị di ezi ịdị ohirẹsụ irehi Ohomorihi ẹnẹẹ ka ẹnị ẹ yị dọ. Dị ẹ ka ọza ọ̀ yị sị uye yị ẹnị, vị ẹnị aa sị ọ ụkata-ụkata nị.

1 Ịsamụwẹrị 25:17

Ro o ịsị wàa zụ mẹ tụ́ ịnị ịrẹyị ọnọnị agụvị ka ịrẹyị odivi, tụra ọga ayị ọnịrị aneehi anị ịrẹsụ. Wâ yẹ ka ọga ayị vị ọza odivi, ọza ọ mā zụ kà ịrẹyịị yọ.”