Oyinyima 19:4 - IWE ỌNỊNỊ

⁴ Ee vee tù ka aza ẹnẹẹ ẹ̀ na sụ kẹnẹ, dị anẹkụra Isodọmị ka hi ẹhẹ dị ẹ kara irehi ịzị aza ẹnẹẹ yà nị. Avaba anẹkụra ọnọọ saka-saka huu na ngụ ezweyi anọrụ ọnịrị azọkụ ẹ kara irehi ọnọọ nị.

Oyinyima 19:4 ပူးပေါင်းရင်းမြစ်များ

Oyinyima 13:13

Ama Anisodọmị vị aza edivi hangụ-hangụ, dị ẹ nyayịnẹ aa mẹ̀ ebira odivii ene du Ẹnẹyịmavara ayị nị.

Oyinyima 18:20

Dị Ẹnẹyịmavara va kà a yị Abụrahamị dị ọ ka: Ọnị ộ wụ́ aza mèe nowu ka ebira odivi ana anẹkụra Isodọmị ọnịrị Igomora aa mẹ̀ ọ sị banyị ẹnẹmẹhị.

Ọyịkụra 16:2

Dị avaba Anisirẹrị yà ịnị ụnọmị ịzọọ dị ẹ yaa rị ihuhuu hi Imosiisi ọnịrị Eerọnị nị.

Ọyịkụra 23:2

Asị ụ na saasa ọkọnị aza na mẹ̀ ịsa odivi. Àa hị́ wụ ivenu ịnị ịrẹyị asị ụ na saasa aza ọrụrụ dọ ivenu ireche. Ẹngụ ivenu ọnọọ ọ mā zẹẹ ka à mẹ̀ ọkarẹyị ana vọrọ.

Ụhịrẹyị 4:16

Aza ọhịmị ẹ mā zụ sụ ara ẹ vị ẹ mẹ̀ ịsa odivi. Ẹnịnị vị anaā jị areyi agụvị dị ẹ kụ odivi tu ọza.

Ụhịrẹyị 6:18

Avọọ ọ mẹ rẹ nyị ịhyẹrẹ ọza anaā sịị ọhịmị ọza tu ịnị ayị ọnịrị ọza ọnị ahịka odivi ọọ hụụ ọ ịra mẹ̀ nị.

Ijeremaya 5:31

Ọnịsẹ nịnị kụkụ èe cheeche; ohirẹsụ irehi Ohomorihi nịnị vị ana kụkụ a sị ọda ẹngụ ẹnịnị mẹ ịsị ẹ yaa mẹ, dị aza anị vavọọ yị si ọ ka a vavọọ mẹẹ nị. Ama sị ụ vaa mẹ nịnị ịnị ẹzẹtẹ anị kẹ?

Imika 7:3

Ịsị ẹnịnị yẹ eyi anị, ọ vị ebira odivi nị. Ohinọyị ọnịrị ọmọkarẹyị aa dọ ochirerenu. Ịsa aza ana nyị ụkata sì, ịsa ọnọọ ẹ vaa mẹ nị Avọọ ọ maa mịị mẹ, dị ẹ vabẹ, dị ẹ yaa gẹ eyi zi nị.

Aniroomi 3:15

Ọza ọyị wụ̀ ọ mā tụ́ wa akanya.

Ọdọvịdị 19:22

Ẹ̀ẹ mẹ vavọọ ee hine ayị, kẹnẹ dị aza edivi ene hi ịnị ẹkụra ọnọọ vẹ dị ẹ tara kara irehi inda ọzọkụ ọnọọ dị e ye hu oze ịsa bii-bii nị. Dị e yee na owu ka ọ sị ọnọrụ ana va ngụ ịda anị ịsọnị tụ ẹhẹ yị ẹnị dị ẹnị e pee sụ.