Oyinyima 19:3 - IWE ỌNỊNỊ

³ Dị Ịrọọtị aa yịị da ịpẹẹ yị wa, dị ẹ va dọ, dị ẹ va ngụ ini eehi nị. Ịrọọtị ộ mẹ̀ ịsa yị wa ẹtẹẹtẹrẹ. Ộ wara akara ọnị ọza ọ̀ yị sị òwù tụ́ yị wa, dị ẹ rị ọ nị.

Oyinyima 19:3 ပူးပေါင်းရင်းမြစ်များ

Oyinyima 19:2

Dị ọ ka, “Nda, aarịhịnị ẹ ngụ ini eehi ozida ẹnịnị, dị ẹ sụ ne ẹhẹ. Ọ rẹ ka ẹ̀ Jẹẹ ọnị ọ sị enyi vẹ dị ẹ sị nyịna ahụ ẹnịnị. Ọ kà eyi ọ̀ọ si nị ụhwọọ, dị ẹ kwẹẹtẹ ẹnẹnẹ viri-viri dị ẹ̀ẹ na.” Dị anggẹẹrị ẹnẹẹ ka, “Eyiye, ọ jẹẹ ẹnị ẹ̀ sụ ini orere.”

Oyinyima 21:8

Ịjị ozi ọnọọ sị vịra dị a dụ ọ hụụnị ịrẹva nị. Ịhị ana Ayiziiki vavọọ hụụnị ịrẹva aanị, dị Abụrahamị nyayịnẹ rị eche anị nị.

Oyinyima 24:31

Di Ịrabanị ka, “Ọ́ọ́ dahi? Ọ kà ọnị ee re ka Ẹnẹyịmavara ọ raà mẹ ka ò zee yọ. Ọ rẹ ka, sị ọ jẹẹ ẹhẹ aa mẹ? Ọ̀ vẹ vị ẹnị ẹ nọ ini eehi. Ọ kà ọnị e reè tenyi irehi tịtẹ yị ọnịrị ịzị a vọrọ ka ịnyaakụmị anị è hi.”

Oyinyima 26:30

Ayiziiki ộ mẹ̀ ịsa yị wa, dị ẹ rị di e hú nị.

2 Ohinọyị 4:8

 nyị ẹkụra ọnya ana aā hị́ Isunemi. Ẹkụhị ọnya, di Erisa zị oze avọọ aa parahu nị.  nyị ọnẹẹ opisa ana ra ịzọọ, ana hị́ Erisa ka ọ̀ va rị ịsa, ịzẹyịza ụmẹ tụra ụmẹ ene Erisa ọ zị avọọ aà parahu, dị ộ há ịzọọ, dị ọ rị ịsa.

Ọyịkụra 12:15

Dị ọ ka Eche ọnọọ òo si tù, ẹ vaa rị Ịbụrẹẹdị ẹnẹ ẹ̀ yị nyị òwù pooro mẹ ẹkụhị ịhịmba. Ịnị ẹkụhị ịpaapa ēni eche nyima, dị ẹ kụ́ avaba owu hụụnị eehi ẹnịnị. Ọ kà àa nyị ọza ana rị ịsa ana nyị owu pooro dị ẹkụhị ịhịmba ọnọọ ọ̀ mẹ, ọ̀ yẹ ka aanị ộ ta ịnị Anisirẹrị.

Ọyịkụra 12:39

Di Anisirẹrị nịnị sị Ịbụrẹẹdị eni e pō ẹnị ẹ̀ yị nyị òwù ẹnẹ za hụrẹ Ijipiti, dị ẹ jị ọ dị ẹ̀ yị nyị òwù nị. A mẹ̀ dụ wa eyiha-eyiha hụrẹ Ijipiti, ẹnịnị ẹ yị vana nyị eyi tenyi ẹngụ ịsọyịrị. E yi re re oze jị akara ana nyị òwù.

Iruuku 11:8

Dị ma kà a wụ ka ọ̀ọ daka ka ọnị ọ yị kwẹẹtẹ, dị ọnị ọ̀ na sị ọọ wụ, agụvị ka wâ vị ọta anị, ama agụvị ka ụhị ọ nyị wụ, wee yii họ̀ use, vi aa kwẹẹtẹ, dị ọ sị ọpa oni u wèe sì yị wụ nị.

Iruuku 14:23

Dị ọga anị ka ọ̀ nọ oze ịnị avị ọnịrị ịnị aarẹ, dị ọ̀ na dá ịpẹ yị wa ka ẹ̀ vẹ, agụvị irehi anị ò zụ hi nị.

Iruuku 5:29

Di Ireevi na mẹ̀ ịsa ọkụmị-ọkụmị yị Ijeesu ini eehi anị nị. A rẹ nyị ọdẹkẹhirehi ọsa beri aza ana vọ ẹnẹ ẹnịrịị aa rị ịsa.

Ịjọọnụ 12:2

 mẹ ịsọyịrị ẹtẹẹtẹrẹ yị Ijeesu ịzọọ; dị Ịmata ộ sị ịsa yị wa nị. Ịrasarụsị yà ịnị ọza ẹnẹ ẹnịrị Ijeesu rị ịsa.

1 Anịkọrịntị 5:8

Agụvị avọọ asị ị nyị ụvọ tụ́ ịnị ịvị vụrụ-vụrụ! À vẹ yaa mẹ̀ ebira ozoza, dị yaa sị ayị ọnyaa saasa Ohomorihi! Yàa vavọọ mẹ, dị ị yà anka Ịbụrẹẹdị ẹnẹ ẹ̀yị nyị òwù (ana Anijuū sịị rị Eche Ọyịparahu). Avọọ ị mẹ̀ zụ rị eche ọnọọ ịnị ịzẹyịza nị.

2 Anịkọrịntị 5:14

Ịrẹyị ayị oni ọza oni Ohomorihi nyị mẹ̀ ohinọyị ka ọ̀ dọ yị há sì, aa sị oze zụ̀ yị nị. Ya sị yẹ ka ọza ịnya o sú yị avaba aza nị, ọnị ọ vị ka avaba ẹnị e ree wusu.

Anihiburu 13:2

Tamayị ka áa vọrọ ka wee sì ọzọga nịnị! Aza ẹnyị ệ vavọọ mẹ, e reè sì anggẹẹrị nịnị ọzọga, ẹ yị yẹ.

Ọdọvịdị 6:19

Ịzẹyịza, dị Igidiyọnị ngụ eehi, dị ọ wụ ozi ẹvụ, dị ọ sị ayị ikirogirami ẹẹwụ mẹ ụbụrẹẹdị ẹnẹ ẹ yị nyị owu nị. Ịjị uye sị vị, dị ọ kụ ọ hi ini uji, dị ọ va ẹpẹ hi ini ụnọkọ, dị ọ kụ avaba ịsa ẹnẹẹ na yị anggẹẹrị Ẹnẹyịmavara iruvo ọchị ooki nị.

1 Ịsamụwẹrị 28:24

 nyị imaaru ọnị ọnẹẹ ọnọọ pá ana banyị tụ́ ini eehi anị. Dị ọ wụsẹ na sị ọ dị ọ wụ̀ ọ nị. Dị ọ rẹ ká ayị ana kụ́ ọ ohuru-ohuru, di o po o, dị ọ sị jị Ịbụrẹẹdị ẹnẹ ẹ̀ yị nyị owu nị.